Efesios 6:18 - La'aqtaqa Ñim Lo'onatac 'Enauacna 2013

¹⁸ Qataq saishet da qaucoviỹa'ai da qanatamnaxaqui. Qataq da ivita da qauỹaxañiitacot Ñim Lo'onatac 'Enauacna, qalaq chegoqchigui qanqa'eñi So Saqcha'a Na'añaxac Qui'itta. Qataq ỹataqta, nache 'eetai' da qanloitauec, qataq saishet da qanasamiitapiguiñi. Qataq qanqouagaxauñiitalec 'enauac nam lalamaxatpi Ñim Lo'onatac 'Enauacna.

Nuevo Testamento Toba Sur

¹⁸ Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

Nuevo Testamento Toba Sombrero Negro

¹⁸ Nach'e eta't anetameñetapecot joñe'me Dios; nale aviyaĝañiyot joñe'me, auomachii'ta joñe'me Lepaqal qaedi nach'eñe ami netamenaĝanaĝa'n. Ena'te ami lichiguilo qama'le auajelaĝañilo'te yema ga'me Dios lec'oqo'tepi.

Efesios 6:18 Referans Kwoze

1 Ts 5:17

Nache 'eetai' qome da qanqouagaxauñiitac.

Colosenses 4:2

Qami' ỹataqta qoquiito'ot qome da qanqouagaxaunaxaqui. Qanloitec, qataq qaỹa'añiitacot da qana'achecỹaxaqui Ñim Lo'onatac 'Enauacna.

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

1 Timoteo 2:1

Qaq da hua'auchiguiñi iqataxac 'eeta': Ñeshetaique da qoqueto'ot da 'anqouagaxaueetalec 'enauac na shiỹaxauapi ana 'alhua, qataq 'aatacot da 'ana'achecỹaxac Ñim Lo'onatac 'Enauacna souaxat 'enauac nam 'am ỹo'otec qataq 'aỹaxanot da 'am ỹachaxana da lqouagaxanaqtaic qataq da 'am itaua'n.

Judas 1:20

Qalaxaye qami' ñauochaxau' ỹaqaỹa't, qanquigaxachiitasheguem da qarpi'iỹaxaqui Ñim Lo'onatac 'Enauacna. Cha'aye de'era qarpi'iỹaxaqui ỹataqta 'onaxaic. Qataq da qanqouagaxauñi, qalaq qauaqaita'a So Saqcha'a Na'añaxac Qui'itta da qami' da'aqtaxanema cam iuen da qanasaqaiuec.

Marcos 14:38

Saishet qome da qauo'oche; qanqouagaxauñi yaqto' ishet da qauataiỹa'aguet da qañe'eguenataguiiqui maye saqaỹapeque. Qami' qauauoitaique da qauo'oche ca ỹaỹamaqchiguiñi, qalaxaye sa qauañoxoche da ndotec da maiche qara'añaxaqui.»

Lucas 21:36

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Mateo 26:41

Saishet qome da qauo'oche, nachaqrata da qanqouagaxauñi, yaqto' ishet da qauataiỹa'aguet da qañe'eguenataguiiqui maye nayeetai'. Qami' ỹataqta qami' lhuotte' da qauo'oche ca ỹaỹamaqchiguiñi, qalaxaye saishet da qauañoxoche da qauroilec da maiche qara'añaxaqui.»

Daniel 9:20

Qaq aỹem nache shecto'ot da ñatameetac, qataq da sa'axattac nam ỹasouaxashetpi, qataq na lasouaxashetpi na ihuo' Israel le'ecpi, qataq saatacot da ñachoxonnaxac Ñim Nataxala' maye Ñatamnaxala', seỹaxaateguelec añim qui'itta nqasoxonaxa.

Efesios 1:16

aỹem shectot da saatac da ña'achec naxa da ñeqouagaxaueetac, da tachigui ye iuel da qoñiita souaxat da qanaquitaxaqui Ñimaye.

Salmos 6:9

Ñim Nataxala' mashe hua'axaỹa da ñachoxonnaxac, Ñim Nataxala' mashe ỹasateguet da ñeqouagaxaunaxac.

Romanos 12:12

Nagui da ñaq qauacheetaique Ñim Nataxala', nache qauachaxañi da qaramaicỹaxaqui. Qataq da huo'o ca qanque'eenaxaqui souaxat Ñim Nataxala', nache qauauo'oi ca qanhualaxaunaxaqui. Qataq da qanqouagaxauñiitacot Ñim Nataxala', nache qauachaxañi da nache qoquiito'ot da qanqouagaxaunaxaqui.

Marcos 13:33

Qaq ỹoqo'oye qami' ỹataqta qanchilỹañi qome qataq qanloitec, cha'aye sa qauaỹaañi ca laloqo' ca ỹe'eguelaxasoxoc.

1 Pedro 4:7

Mashe nayeeta'a ye loga't 'enauacna. Qaq ỹoqo'oye ỹataqta qanloitec, qataq ỹataqta sa qauasaguiyi da qanqouagaxauñiitac.

Hechos 1:14

Qaq 'enauaque soomaye nache 'eetai' da lapoota'a't da nqouagaxaueeta'ape, ỹalectra'agueta aso late'e So Jesús, qataq soua lqaỹa't, qataq so laỹepi 'alpi.

Lucas 22:46

Nache 'eetegalo soomaye, 'eeta': –¿Ta'ainco' ye qauo'ocheeta? Ña qoñiisheguem. Ime, qaq qanqouagaxauñi, yaqto' ishet da qauataiỹa'aguet da qañe'eguenataguiiqui maye saqaỹapeque.

Salmos 4:1

'Am Ñatamnaxala' qataq 'am ipaqtaxanaxat, ñaq aỹem 'auasateguet da 'am seỹaxanot, cha'aye co'ollaq huo'o so ñiqui'ic nache aỹem 'aỹa'anem da sasattec, ñaq aỹem 'auchoxoren qome qataq 'aua'axaỹa da ñatamnaxac.

Hebreos 5:7

So Cristo co'ollaq hueta'a ana 'alhua, qalaq Somaye ỹataqta ỹaguec da nqouagaxaunaxac da nqouagaxaueetacot Ñim Lo'onatac 'Enauacna, qataq ỹataqta nỹeeto'ot qataq nachoxoreetacot da sa ivireguet qanqa'en da l-leuaxa, cha'aye Ñim Lo'onatac 'Enauacna huo'o da la'añaxac da yaqto' ỹo'ot damaye. Qalaxaye So Cristo ye nache 'eetai' naxa da laxaraic, nache Ñim Lo'onatac 'Enauacna ỹasateguet da nqouagaxaunaxac.

2 Timoteo 1:3

Da tachigui ye iuel 'am, ye na'a'q qataq ye pe da ñeqouagaxaueetac, nache sanot da ña'achec Ñim Lo'onatac 'Enauacna maye so'otta'ape naua la'aqtaqa, qataq ñanomta da qaica ca hueto'ot ỹasouaxashet. Qaq de'era nachera da 'eetec nataqa'en so hua'au ita'alpi.

Filipenses 1:4

Qaq da ñeqouagaxaueetac, qalaq ỹataqta huo'o da ñetonaxac, souaxat 'enauac da qoñiita.

1 Reyes 8:52

Qaq ña 'aua'axaỹa qome da nqouagaxaunaxac ne'ena 'aramaxashec, qataq da nachoxonnaxac na 'aralamaxat nhuo' Israel le'ecpi. ¡Ña qomi' 'aua'axaỹalo, qom ivita da 'am seỹaxanaqot!

1 Reyes 9:3

nache 'eeta': «Aỹem, sa'aqchigui so 'anqouagaxaunaxac qataq so 'anachoxonnaxac. Qaq ana'ana atamnaxaqui maye 'ano'oxoosheguem, anamaye seỹotauga da yaqto' nache hueta'a qome da ỹe'enaxat, qataq nache 'eetai'salo naua na'axa'te da huetalec da imeenaxanaxac, qataq da iquiyaqteỹaxac.

1 Reyes 8:54

Qaq so Salomón co'ollaq ime da natamnaxac, qataq da nachoxoreetacot Ñim Nataxala', huaña aso nca'atoxonaxalate ỹa'attrañi naua l-llecte, qataq ỹachaxaato'oto naua lhua'q na piguem,

Efesios 6:19

Nataqa'en aỹem qanqouagaxauñiitalec, qauỹaxañiitacot Ñim Lo'onatac 'Enauacna da aỹem ỹanem ca ỹa'añaxac da sa'axat dam 'eetapeguec Ñimaye dam, nache 'eetai' da 'eetapeguec maye saqcha'a.

Hechos 12:5

Qaq ỹoqo'oye so Pedro netaigui aso ncoñetaxanaxaqui ỹataqta qanauaatalec. Qalaxaye na 'amqaanataxanaxaicpi ỹataqta huo'o da la'añaxac da queto'ot da nqouagaxaueetacot Ñim Lo'onatac 'Enauacna, da nqouagaxaueetapeguelec somaye.

Oseas 12:4

Nalaqaatague' co'ollaxa somaye, nache ivira'a da nauec, huaña, nache nỹeeto'ot qataq nachoxoreetacot somaye da ichoxoren. Qaq huaña ye Betel nache Ñim Lo'onatac 'Enauacna nauane' somaye, qaq huaña yemaye nache detaxaỹapegue' somaye.

Daniel 6:10

Qaq so Daniel co'ollaq la'axaỹaxac da qananerelec se'eso qalapaxañi nqataxac, nache taỹa so lma', nache ỹauatoiguilo naua nalloxoqui' so lo'ochaxaqui maye datategue dam pa'aigue ye Jerusalén, nache ỹa'alyiñi naua l-llectel da natamen, qataq ỹo'oxoren Ñim Lo'onatac 'Enauacna. Qaq damaye tres naxa da ỹo'ot ye 'oonolec na'a'q, ipacchigui dam 'eeta'ac naxa da ỹo'ottac.

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

1 Reyes 8:59

Qaq ne'ena seỹaxanaiquepi da ñeqouagaxaueetacot Ñim Nataxala' maye Qanatamnaxala', nache 'eetai' qome da hueto'ot Ñimaye, ye na'a'q qataq ye pe, yaqto' ỹo'otec ca ỹaỹamaqchiguiñi ne'ena lamaxashec, qataq na lalamaxat nhuo' Israel le'ecpi, da ivita da huo'o ca iuen namayepi,

Filemón 1:5

Cha'aye aỹem huo'o da ỹa'axaỹaxac da 'arauotaxanaqtaic qataq da 'arpi'iỹaxac So Qarataxala' Jesús qataq da 'arauotaxanaqtaic 'enauac nam lalamaxatpi Ñim Lo'onatac 'Enauacna.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Da na'aqtaguec so Job 27:10

Cha'aye saishet da ỹachegoxoto'ot da lamaicỹaxac Ñim Qaica ca Ỹaqalanapec, qataq saishet da 'enauaque naua na'axa'te da iỹaxaatacot Ñimaye.

Ester 4:8

Nataqa'en ỹanem aso lmalate so nerec maye huetalec so namaxasoxonaxac da qanmatchiguiñi da qaỹalauat so judiopi, qataq mashe qaỹa'axatec huaña ye Susa, da yaqto' somaye ỹanem aso Ester, yaqto' asomaye nataqa'en ỹaỹaten 'enauac de'era. Qaq nataqa'en ỹamaxaua'a so la'aqtac aso Ester da nma'ai' da detaxaỹapegue' so nta'a, nache nachoxonnot da ỹauo'o ca lataxac da nca'alaxatec so lauo' le'ecpi asomaye.

Hechos 10:2

Qaq se'eso ỹale qataq 'enauac so llalaqpi ỹalaxaguet Ñim Lo'onatac 'Enauacna qataq ỹo'oxoreetac Ñimaye. Somaye nataqa'en ỹataqta itauaatac na judiopi maye choxoraqpi qataq nache 'eetai' da nqouagaxaueetacot Ñim Lo'onatac 'Enauacna.

Hechos 6:4

Qaq qomi' qalaq ñalemaxasoqteguet da so'onataxanaqtacot Ñim Lo'onatac 'Enauacna qataq da qanqouagaxaunaxac qataq da sa'axataqtac da la'aqtac Ñimaye.

Efesios 3:18

Qaq da qoñiitec de'era, nache qami' qataq 'enauac na laỹepi 'amqaanataxanaxaicpi ishet da qauaỹaañita ye lcachiguiñi qataq ye locta qataq da lalogaxa qataq ye lshecchiguiñi da lauotaxanaqtaic So Cristo.

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Romanos 8:15

Cha'aye som Saqcha'a Na'añaxac maye qami' ỹanema Ñim Lo'onatac 'Enauacna, Somaye saishet da qami' l-lataqa qataq saishet da qami' icolanaqche't. Nachaqrata da Somaye qomi' ỹaueegueta da ỹataqta qomi' llalqa Ñim Lo'onatac 'Enauacna qataq qomi' ỹapaxagueneque da seỹaxanaxa Ñimaye qalaq shenaqta': «'Am Ita'a.»

Efesios 2:22

Nagui da mashe qana'ayeetaua'a So Jesucristo, nache nataqa'en qami' qana'ayeetaua'a ñi'iñi nỹec, maye netaigui Ñim Lo'onatac 'Enauacna ỹachegoxotchigui naqa'en So Saqcha'a La'añaxac.

Lucas 3:37

qaq so Lamec, nache lta'a so Matusalén, qaq so Matusalén, nache lta'a so Henoc, qaq so Henoc, nache lta'a so Yared, qaq so Yared, nache lta'a so Malalel, qaq so Malalel, nache lta'a so Cainán,

Colosenses 1:4

Cha'aye qomi' saỹaanaq da lta'araic da qarpi'iỹaxaqui So Cristo Jesús, qataq da qarauotaxanaqtaiqui 'enauac nam lalamaxatpi Ñim Lo'onatac 'Enauacna.

Gálatas 4:6

Qaq nagui da mashe qami' llalqa, nache Ñim Lo'onatac 'Enauacna qami' namaxalo So Saqcha'a La'añaxac So Llalec da yaqto' qami' hueta'agueta. Qaq ỹoqo'oye da ñeqouagaxaunaqot Ñim Lo'onatac 'Enauacna, nache So Saqcha'a La'añaxac qomi' ỹanema da seỹaxanaxa Ñimaye, shenaqta': «Ita'a, 'am ỹauotaxat ito'olec.»

Lucas 3:26

qaq so Nagay, nache lta'a so Mat, qaq so Mat, nache lta'a so Matatías, qaq so Matatías, nache lta'a so Semei, qaq so Semei, nache lta'a so Jose som llalec so Yodá,

Colosenses 1:3

Qomi' naxa, da ivita da ñeqouagaxaunaqtapeguelec da qoñiita, nache sanaqtacot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo.

1 Samuel 1:12

Qaq cha'aye aso Ana ỹataqta qaỹoqtec da natamnaxac da nqouagaxaueetacot Ñim Nataxala', nache so Elí ilotagui co'ollaxa da choche datac na alap asomaye.

Mateo 17:21

[Qalaxaye ca 'eeta'am se'eso na'añaxac leguemaxaic da qaỹo'orauec qalaq iuen da natamen qataq nqouaqchet ca shiỹaxaua.]