Efesios 6:15 - La'aqtaqa Ñim Lo'onatac 'Enauacna 2013

¹⁵ Qataq nataqa'en qami' lhuotte' da qaua'axache da no'on na'axaỹaxac maye chegaqaigui da nlagaxayec; ¡ỹataqta qami' lhuotte' qome da qaua'axache damaye!

Nuevo Testamento Toba Sur

¹⁵ Qataq qanaÿamaxachiitai', da yaqto' qau'axachi da n'aqtac mayi i'ot da nlagaxayic da qoñiita'am ca ale da ÿaayiñi caua lapela'te da naÿamaxattac.

Nuevo Testamento Toba Sombrero Negro

¹⁵ Nach'e eta't aniyamaĝacheta't qaedi a'uaĝachetac da'me Dios 'laqataĝanaĝac 'me chiyaqayi da'me 'nemaĝac, qama'le aueñiya'am ga'me coico le'ec jo'ne yaidiñe gaa'me lapela'te da'me niyamaĝateta't.

Efesios 6:15 Referans Kwoze

Isaías 52:7

¡Maye sa no'onolec da qailota'aguet da nactalec ana qasoxonaxapi cam nachetac da no'on na'axaỹaxac cam ỹa'axatec da nlagaxayec, qataq ỹa'axata'a da qaisouec na shiỹaxauapi qataq 'enapega na Sión, 'eeta': «Ñim 'Anatamnaxala' nacheñi Nta'a!»

Romanos 10:15

Qataq ¿ca 'eetec da huo'otaq huo'o ca da'aqtaxan, da huo'otaq saishet da namaxashec? Cha'aye dam 'enapec naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «¡Ỹataqta saq no'onolec da lviraxac nam ndotai' da na'aqtaxanaxac maye ỹo'ot da nlagaxayec, qataq ỹa'axattac da no'on na'axaỹaxac!»

Habacuc 3:19

Cha'aye Ñim Nataxala', aỹem ỹanem da ỹa'añaxac, qataq sa ilaua'aguelo naqa'en naua ỹapia'ate 'eeta'am aca ñi'imshe, qataq aỹem ỹaviguisheguema yem ỹataqta qaỹoqotcheguema.»

Lucas 15:22

Qalaxaye so lta'a 'enapega so lamaxashecpi, 'eeta': ‹Sa qanaỹaloxoñi qome da qanqacheere'c caua no'o'n anogo. Ime, qaq qano'otaxanaxañi qataq qa'añiỹaigui ana llaxaata aca chiguishaqte qataq qauauo'oi caua lapela'ate.

Cantares 7:1

'Am, maye 'am nta'a llale ỹataqta 'onaxaiqa naua 'arapia'ate da 'aỹa'aatrañi naua 'arapela'ate. Naua laỹel naua 'eeguel ỹataqta ỹo'oxoraqte' 'eeta'ama na no'onatac lo'onatac na ỹoqta ỹaỹaten da ỹo'ot na 'otaxatpi.

Deuteronómio 33:25

qaq naua naso'omi qalaq la'araxat naqa'en na lcat qataq bronce, qaq da la'añaxac qalaq nache 'eetai' ivitta'a ca loga't da nachaalataxac.

Marcos 6:9

Qa'aỹa'añiiyiñi caua qarapela'achilli', qalaxaye saishet da qauache caua lỹa't qo'ogolli'.