Efesios 6:14 - La'aqtaqa Ñim Lo'onatac 'Enauacna 2013

¹⁴ Nache ỹataqta qanaỹamaxacheetai', qansachiigui da 'eesa lataxac, qataq qaupaqtaxañiỹa da no'on nataxac da 'eeta'am qanqa'eñi aca npaxaalec ana ltogue ca huataxanaq le'ec.

Nuevo Testamento Toba Sur

¹⁴ Nachi ÿataqta qanaÿamaxachiitai', qansaachiichigui da 'eesa lataxac, qataq qaupaqtaxañiÿa da no'on nataxat da 'eeta'am qanqashiñi aca npaxajlec ana ltogue ca ale.

Nuevo Testamento Toba Sombrero Negro

¹⁴ 'Noota qom nach'e eta't a'nañaĝacheta't, qama'le da'me eja choqoda'me liyamaqataĝanaĝac joñe'me Dios ami netayelo nataq'aen ami netelalo, qa'a naajo' male qoye'n at'euoĝonaqachidi'.

Efesios 6:14 Referans Kwoze

Isaías 59:17

Huaña nache napogoña da lauegaxanaxac, 'eeta'am naqa'en aca mpaqtaxanaqte, qataq ỹaañi da nca'alaxa 'eeta'am aca aro'o da ỹanagui na lqaic, qataq ipalaique lvi' nache ỹaañi damaye 'eeta'am aca npoto, qataq lpachigui da layeloxo 'eeta'am ca npo'.

1 Ts 5:8

Qalaxaye qomi' saishet da souaqtaigui na napalaxa, nachaqrata da souaqtaigui na yo'oqchiguiñi. Qaq ỹoqo'oye iuen da qolaqtot da ñeloqtec, qataq sauoqo'o da qarpi'iỹaxac Ñim Lo'onatac 'Enauacna qataq sauotaxac 'enauac na shiỹaxauapi. ¡Da qarpi'iỹaxac qataq da qarsoxoyec, damaye ishet da qomi' npaxaaleguete da npaxategueta naua qauema nhuennataxaco, 'eeta'am aca lpaqtaxanaqte ca ỹale alaataxaic! Qaq da saishet da seqoleguetaq de'era qarca'alaxa, nache damaye qomi' npaxaaleguete 'eeta'am aca aro'o alaataxaqui.

Isaías 11:5

Camaye nache 'eetai' qome da ỹaatañi da nalochiguiñi qataq dam 'eesa lataxac.

Lucas 12:35

Qami' iuen da nache 'eetai' da qami' lhuotte'. Iuen da qoñiita'am ca namaxashecpi maye ca na'aco' nqo'ona ca naronaxac. Camayepi nache 'eetai' da nlotauec qataq 'ettaigui aca lcoỹaraxanaxaqui, iuattaique cam na'aco' da deỹaxan da netaigui ca lasom, nache sa naỹaloxon da ỹauateguet.

1 Pedro 1:13

Qaq ỹoqo'oye iuen da ỹataqta qanloitec qataq qauennataxañiitelec ca qauo'oche, yaqto' nache 'eetai' da qauo'ocheetac ca ỹaỹamaqchiguiñi. Qataq ỹataqta imauec da qaua'amaqchiñi Ñim Lo'onatac 'Enauacna da qami' ỹo'oteque ca ỹaỹamaqchiguiñi qom ñe'eguelaq So Jesucristo.

2 Corintios 6:7

qataq so'ogoxonaxa da la'añaxac Ñim Lo'onatac 'Enauacna da sa'axataqtac da na'aqtaxanaxac maye ỹataqta 'eesa. Qaq da huo'o na seviraxaguet qarqalaic, nache sataỹaqa'aguet, seroxogueta naua ỹaỹamaqchiyiñi so'ota'q qataq naua ỹaỹamaqchiyiñi qartaxaỹaxaco.

Efesios 5:9

cha'aye se'eso Saqcha'a Na'añaxac nacheso so chegoqchigui da nauotaxanaqtaic qataq da 'eesa lataxac qataq dam achaalataxac maye qui'itta.

Apocalipsis 9:17

Qaq so alleppi maye netalec so caipi lapaqtaleguete naua ltogue naua alaataxaqui' lcat togaxaraic da lo'oxoỹaxac, 'eeta'am na norec, malaxaraic 'eeta'am na coma' maye le'enaxat Zafiro qataq ỹoqovi da lo'oxoỹaxac 'eeta'am na coma' maye le'enaxat azufre. Qaq se'eso caipi naua lqaigo 'eeta'am na lqaic na lỹa quiyoc, qaq naua ala'api natapoiguilo na norec, qataq na lmala'q, qataq na 'eeta'am na quiquiaxaraic.

Apocalipsis 9:9

Qaq na lo'oc, qalaq npaxattalec na 'eeta'am ana alaataxaqui lcat, qaq da l-lamaxa naua laua't, qalaq 'eeta'am da l-lamaxa ana ỹataqta qalota naigonapi maye lauegaxala' na caipi da taỹa ca alaataxac.

Da na'aqtaguec so Job 29:14

Da ỹaỹamaqchiguiñi lataxac qataq da no'on nataxac, damaye nachera da ñachattaigui, 'eeta'am da nachenaua naua aỹogo ye na'a'q.

Romanos 13:12

¡Mashe yaqta'a da ivita ye laloqo'! Qaq ỹoqo'oye nagui saxanaxañi da so'otaqtac da qaye'etaxaloxo, cha'aye da qaỹo'ottac damaye, nache 'eeta'am da qanayeetaigui na napalaxa. Nachaqrata da so'otaq ca ỹaỹamaqchiguiñi maye 'eeta'am da qanayeetaigui da yo'oqchiguiñi. Ñellaqañi da qarqopitaxanaqtaic maye qomi' ỹauecta'alo da so'otaq ca qauem, ime, nache ño'onaxataq da qarataxac, 'eeta'am da ima'ape naua na'axa'te da souaqtaigui ye na'a'q. Saishet da ñeqo'onaxa ca naponaxac maye huaña da sa qailo'ogue da nataxac, saishet da qomi' taxaiqa qataq saishet da qomi' quisheguetaxaiqa, qataq saishet da qolaqtague' da qaramanaxanaqtaic, qataq saishet da ñimitaqta'a da loquiaxac, qataq saishet da qomi' ca'alaxanaxaiqa. Nachaqrato' da sa'axasoqta'a So Jesucristo da qomi' npaxattaleguete qataq qomi' itauaata'ape da se'enaxataq da maiche lataxac.

Efesios 6:13

Qaq ỹoqo'oye ¡qaupaqtaxañiỹa qome 'enauac na no'ogoxonaxatpi maye qami' ỹanema Ñim Lo'onatac 'Enauacna! Yaqto' da nvildeuo caua na'axa'te maye qauema, nache da qami' iloquiaxa'n so pa'aguenataxanaxaic, nache ishet da qauataiỹa'aguet. Qaq da mashe ime da qarloquiaxaqui, nache qoquiito'ot da qanaỹamaxacheetai'.

2 Reyes 3:21

Qaq so Moab le'ecpi co'ollaq la'axaỹaxac da huaxaỹa't soua tres nta'al da yaqto' iloquiaxan somayepi, nache laỹona't co'ollaxa 'enauac so nsoxoppi, qataq so ỹepi, maye mashe ishet da nalat, nache nauan so loga't ye na'alhua.