Efesios 6:1 - La'aqtaqa Ñim Lo'onatac 'Enauacna 2013

¹ Qami' ñalaqpi qaualaqaiguet caua qarta'alli', cha'aye qami' lalamaqa'ate So Cristo, cha'aye damaye nachera da ỹataqta ỹaỹamaqchiguiñi da qaỹo'ot.

Nuevo Testamento Toba Sur

¹ Qaq qami' ñaqpiolec, cha'ayi qami' 'amqajnataxanaxaiqa, qaq ÿoqo'oyi ÿataqta qaualaqailguete caua qadta'alli', cha'ayi damayi nachi lataxac.

Nuevo Testamento Toba Sombrero Negro

¹ Ami ñoqolqa, 'noota qom yataqata auoqochiiyalo nale gaa'me adet'aldi', jouaĝat da'me ami nataq'aen ovi'tajop joñe'me Cristo, qa'a chimaqachiñe ta'le naq'aeta da'me auauoyi.

Efesios 6:1 Referans Kwoze

Proverbios 23:22

Ỹataqta 'aualaxaguet ca 'arta'a maye 'am lo'onatac, qataq saishet da 'auo'otan aca 'arate'e qom mashe ỹa'axaina'.

Proverbios 6:20

'Am ỹalec, ỹataqta 'aualaxagueta qome naua lamaxasoxonaxaco ca 'arta'a, qataq saishet da qoca'aisalo naua lapaxaguenataxanaxaco aca 'arate'e.

Proverbios 1:8

'Am ỹalcolec, ỹataqta 'ana'axaỹaxana qome ca lqataxac ca 'arta'a, qataq saishet da qoca'ai ca lapaxaguenataxanaxac aca 'arate'e,

Deuteronómio 21:18

Qaq da huo'o ca ỹale da huo'o ca llalec da sa na'axaỹaxan, qataq saishet da ỹalaq, saishet da ỹalaxaguet ca 'enapec ca lta'a qataq aca late'e, na'aictaxa da qaiuaxaatac qalaq ñaqaiyeta sa ỹalaq,

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

1 Timoteo 5:4

Qalaxaye aca pa'ai da huo'o ca llalec huo'otaq laual, nache caamaye iue'n da hua'auyiñi da itaua'n acamaye na lhuenaxanaxasat, ỹe'eguelaxatteguet dam ltelaxa co'ollaxa qataq da ltaunaxanaxac acamaye. Cha'aye de'era ỹataqta ỹaỹamaxareeta Ñim Lo'onatac 'Enauacna.

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

Proverbios 30:17

Qaq ca ỹe'enai' ca lta'a da iloto'ot, qataq saỹalaxaguet aca late'e da mashe ỹa'axaino'ole, camaye 'itchiguiñi da na teguesan che'c naua la'ai'te, qataq na vi'ic ỹauta camaye da ileu.

Romanos 7:12

Qalaxaye nache 'ena'am da shenaqapec da ne'ena namaxasoxonaxacpi chegoqtot Ñim Lo'onatac 'Enauacna. Qaq ỹoqo'oye ñi 'oonolec nam lamaxasoxonaxacpi ỹataqta 'onaxaic qataq nalochiguiñi.

Lucas 2:51

Nache So Jesús ỹe'eguelaq nnaicapegueto soua lta'al da ỹe'eguelaxaregue da Nazaret, qataq ỹataqta ỹalaxagueta soomaye. Qaq aso late'e ỹataqta deuennataxaateguelec 'enauac de'era huaiguilo soomaye.

Da na'aqtaguec so Job 33:27

Nache ca shiỹaxaua maiche nauattoola't da huo'o da lasouaxashet, nache, 'eeta': «Aỹem huo'o da ỹasouaxashet cha'aye ña'aqchet da ỹaỹamaqchiguiñi nataxac, qalaxaye saishet da qaỹo'ot ca ñeuaxanaguec,

1 Pedro 2:13

Da yaqto' qaica ca qauema naua la'aqtaqa da detaqtega So Qarataxala' Jesucristo, nache qami' iuen da ỹataqta qaualaqaiguet 'enauac na nta'alpi. Qataq qaualaqaiguet ñi lataxala' na nta'alpi maye netaña ye nỹecpi ye Roma, cha'aye ñimaye nacheñi ñi qoỹanem da na'añaxac da ilotague' na 'alhuapi.

Oseas 14:9

Qaq ca ỹaanaxanaxaic nache ỹaỹateeteguet qome de'era, qataq ca ỹaanataxanaxaic nache ỹauattoota qome de'era na'aqtac. Cha'aye 'enauac na ỹo'otpi Ñim Nataxala' ỹataqta nalochiguiñi, qaq cam no'on da lataxac nache quetegue qome namayepi, qalaxaye nam qauemaicpi nache pogolaxaisop qome damaye.

Proverbios 30:11

Huo'o nam sa ichoxonnai' da detaxaỹa ca lta'a, qataq saq ỹanem ca nqouagaxa aca late'e.

Génesis 28:7

qataq da so Jacob jec taỹa ye Padán Aram, da ipacchigui naqa'en da la'aqtac so lta'a qataq aso late'e.

Salmos 19:8

Na lqataxacpi Ñim Nataxala' ỹataqta no'oitegue, cha'aye ỹauo'o da ntonaxac aca nquiyaqte. Qataq naua lamaxasoxonaxaco Ñim Nataxala' ỹataqta qui'itte', qataq ỹataqta nauaachiyiñi naqa'en naua na'ai'te.

Ester 2:20

Qaq ipacchigui dam lqataxac co'ollaxa so Mardoqueo, da aso Ester saishet da ỹa'axat so chegoxoguetpi, qataq som lauo' le'ecpi, nacherata da ipacchigui nam lapaxaguenataxanaxacpi so Mardoqueo maye ỹanem co'ollaxa asomaye, 'eeta'am co'ollaq ñaq neto'ot somaye.

1 Corintios 15:58

Qaq ỹoqo'oye qami' ñauochaxauapi ỹaqaỹañicpi, saqco' qome ca qanamachiỹaique, qoquiito'ot da qauo'ocheetac da lo'onataxanaxac So Qarataxala'. Cha'aye qami' qauaỹaañita da qaro'onataxanaxaqui da qauo'onataxañiitacot Somaye ỹataqta huo'o da nsheetenaguec.

Romanos 16:2

Acamaye ỹataqta ỹan da nachaalataxac da do'onataxanot So Qarataxala' Jesucristo. Ỹataqta qauloỹeeguet qome acamaye, 'eeta'am qanqa'eñi da qauacoñiiguet 'enauac nam lalamaxat llalaqpi Ñim Lo'onatac 'Enauacna, qataq qatauñic 'enauac cam iuen, cha'aye acamaye qalota na itauan, ivira'a nataqa'en aỹem.

Salmos 119:75

'Am Nataxala', aỹem saỹaten da naua no'oñi 'arhuennataxaco ỹataqta ỹaỹamaqchiyiñi, qaq ỹoqo'oye 'itchiguiñi da 'auo'ot da ñeque'eenaxac.

Génesis 37:13

Qaq huaña nache so Israel 'enapego' so José, 'eeta': «Caua 'arqaỹa't huetra'a ye Siquén, ilotrague' aca qaguetapi. Qaq sauotaique da 'anqo'onalo caamaye.» Nache so José, 'enapeco': «Aja', aỹem ashec qome.»

Jeremías 35:14

Nam chegoxoguetpi so Jonadab som llalec so Recab, namayepi ỹalaxalec dam la'aqtac co'ollaxa som chegoxoguet, da saishet da nỹomgui na lataxa, qaq choche ivitta'a nagui da namayepi saishet da nỹomgui na lataxa, cha'aye ỹalaxaguet so la'aqtac som hua'au lta'a. Qaq Aỹem nataqa'en qami' sanema co'ollaxa da ỹa'aqtac, damaye shee'eguelaxattalec, qalaxaye qami' saishet da Aỹem qaualaqaiguet.

Nehemías 9:13

Ime, qataq 'aunotec nache qonetasheguema na pa'asheguem añi qasoxonaxa Sinaí, qataq 'autaxaỹapegue' somayepi co'ollaq qoneto'ot na piguem, qataq 'aỹa'anem so ỹaỹamaqchigui lataxacpi, qataq so no'oitegue 'arqataxacpi, qataq naua ỹaỹamaqchiyiñi lataxaco qataq naua 'aramaxasoxonaxaco.

1 Samuel 17:20

Qaq so lỹa na'a'q, nache so David ỹataqta no'ottasheguem, nache aso qaguetapi ỹaqa'a so ipataxaguet da ilo'ogue naqa'en. Qaq somaye nache jec, ỹache 'enauac so nallecpi maye chegoqo'ot so lta'a Yesé. Qaq co'ollaq ivita so nanataqa', nache so alleppi mashe naỹamaxattac da nalat, qataq ỹa'alaqtalec da nalaataxac.

Salmos 119:128

Ỹoqo'oye ỹataqta sauoteque naua 'aramaxasoxonaxaco, qaq ỹoqo'oye sa sesheteguet 'enauac da ñecỹaxac maye saq 'en.

Rut 3:5

Nache aso Rut ỹasateguet asomaye, 'eeta': Aja', aỹem so'ot qome 'enauac nam qonapec.

Jeremías 35:8

Nache qomi' salaxasoxolec 'enauac nam qomi' ỹamaxaleguete som sachegoxosoxoguet Jonadab, nache qomi' qataq ana qarhuapi qataq na qochalaqpi saishet da ñeỹomaxagui na lataxa,

Jeremías 35:18

So Jeremías nataqa'en 'enapega co'ollaxa so Recabitapi, 'eeta': «Ñim Nataxala' maye Qaica ca Ỹaqalanapec qataq Natamnaxala' na Israel le'ecpi, 'eeta': Cha'aye qami' qaualaqaiguet dam lamaxasoxonaxac som hua'au qarta'ai Jonadab, qataq qoquiitelec 'enauac nam lapaxaguenataxanaxacpi maye qami' ỹanema co'ollaxa,

Génesis 48:12

Nache so José nqateeguesopa soua nogotolqa naua lteltaye so lta'a, nache ỹa'alyiñi naua l-llecte, qataq iviraxata'aguet na latap na 'alhua.

Génesis 50:12

Qaq soua llalqa so Jacob ỹataqta ipactelec co'ollaxa 'enauac nam lquiquiaxacpi so lta'a.