Efesios 5:6 - La'aqtaqa Ñim Lo'onatac 'Enauacna 20136 Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq. Gade chapit laNuevo Testamento Toba Sur6 Qataq sa ishit qome da huo'o ca qami' ÿatenachi't da qami' idolguete naua napaxaguenataxanaxaco mayi qaica ca naiguilo. Cha'ayi ne'enaua sa ÿaÿamaxayiñi, nachinaua na chigoqchiguilo dam qaica ca 'en'am da lchic layiloxo ñi Dios, da ÿauo'o da nhuaxanaguec nam sa ishit da ÿalaq. Gade chapit laNuevo Testamento Toba Sombrero Negro6 Ena'te anejeñeta ta'le ami qoyoqovi'n da'me qom ami qoyanema gaa'me 'naqataqa jo'ne ja ejoda, qa'a chiyaqayilo naa'me naajo' noqovinaĝaco, joñe'me Dios dalemata'yalo jo' qomle gaa'me ja yoqochideta. Gade chapit la |
Qaq maxatchaxa qome, saishet da qana'axaỹaxañeeto'ot nam nshetaique da qami' ỹatenacheteque naua lhuennataxaco maye 'eetega 'eesora 'eeta'am da ỹaanaxanaxaic, qalaxaye naamaye maiche laỹaanataxanaxaco na shiỹaxauapi. Ne'ena shiỹaxauapi ỹalaqtapeeguet na saqcha'a na'añaxacpi maye lma' ana 'alhua, qaq saishet da ỹalaxaguet So Cristo.
Qami' ñauochaxau' ỹaqaỹa't, saisheto' da qaua'amaqchiñi 'enauac nam 'eetega da netanguit So Saqcha'a La'añaxac Ñim Lo'onatac 'Enauacna. Nachaqrato' da qavi'iguiñi, yaqto' qauaỹaañi da ỹoqta 'eesa camaye huo'otaq saishet. Cha'aye ana 'alhua ỹataqta nlaqchigui na tenataxanaxaicpi 'eetega da la'aqtaxanaxanecpi Ñim Lo'onatac 'Enauacna.
Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.
Cha'aye nvi' qome na datenataxanpi 'eetega lca'aguishecpi qataq la'aqtaxanaxanecpi Ñim Lo'onatac 'Enauacna, nache ỹo'ot qome na sa qaỹauanapega maye ỹataqta huo'o da llo'oxoyec da yaqto' ỹatenachet na shiỹaxauapi. Ivira'a da ishet da ỹatenachet nataqa'en nam ỹataqta iỹaxanapi Ñim Lo'onatac 'Enauacna.
Qaq ỹoqo'oye saishet da qauaqaita'a da huo'o ca qami' ỹaueegueta ca qarasouaxashechi, qataq ỹoqta ỹactec da saishet da qauqocheetega nam shiỹaxauapi maye ỹo'oxoreetac na namaxashec piguem le'ecpi qaltaq ne'enaqchingui da huesota da lataxac. Qataq 'eetega da huo'oi naua lauanaqcheco, qalaxaye choche datenataxaatac. Qataq naua lhuennataxaco ỹataqta nlaqchiguilo da ño'oxonnaxac, qalaxaye nachaqrata da iuennatega nam qauempi.
«'Auamaxa qome ca 'ara'aqtac 'enauac cam qaỹauega co'ollaxa ye Babilonia, da Aỹem Nataxala', 'eeta' da ỹa'aqtac: Qaq cha'aye souaxat ñi Semaías maye lma' ye Nejelán, maye saishet da ỹamaxashec qalaq ñimaye ỹachegoxotchigui naxa da ỹe'enaxat nam qami' ỹa'axattapeguema, qataq ỹo'ot da qanaquitaxaqui maye saq'en.
Qaq ỹoqo'oye, saishet qome da qaualaqaitapeeguet ne'ena la'aqtaxanaxanecpi namayepi, qataq nam ilaviigui ca lỹa, qataq na ỹa'axa't naua naiguilo naua nchoxonaxaco, qataq nam 'iyaxaic lo'opi, qataq na 'oiquiaxaipi maye huotaique naxa da ỹa'axat cam ñaq taỹa'a da yo'oq, qataq huaqattega da saishet da qanañanot ñi nta'a ye Babilonia.
Qaq ỹoqo'oye saishet da qauqocheetega na napaxaguenataxanaxacpi maye sa qaỹauanapega, maye ỹataqta sa nateneguet dam qomi' ỹapaxagueneque So Jesucristo. Ỹactec da 'onaxaic da saconaxaguet da qara'añaxac maye nachera da lsoxoyec Ñim Lo'onatac 'Enauacna, qaq saishet da nachena na qalapaqtañipi maye ỹa'axat cam qanallec qataq cam saishet da qanallec, cha'aye damaye qaica ca ltaunaxanaxac.