Efesios 5:5 - La'aqtaqa Ñim Lo'onatac 'Enauacna 2013

⁵ Cha'aye qami' qauaỹaañita da ca ncachetague' aca sa lhua, huo'otaq ca ỹo'ottac ca deshepaxanaqtaxan, huo'otaq ca saishet da machiguiñi na'aictaxa da qalota na hueto'otpi, camaye saishet da inoxoneua'a da lo'onataxanaxac So Cristo qataq Ñim Lo'onatac 'Enauacna. Cha'aye nam ỹo'ottacpi ỹataqta qauem 'eeta'am da qanatameetacot ca choche ne'enaqtac qataq saq 'en.

Nuevo Testamento Toba Sur

⁵ Cha'ayi qami' mashi qauaÿajñi da sa ishit da inoxoneu'a ca l'onataxanaxac so Cristo qataq ñi Dios da ilo'ogue 'enauacna ca shiÿaxaua mayi ncachitapegue' aca sa ishit da lhua, huo'otaq cam i'ottac ca deshipaxanaqtaxan, huo'otaq cam quetague' da nqopitega ca ÿaqa'a (mayi 'eeta'am da qanatameetacot ca nqolac).

Nuevo Testamento Toba Sombrero Negro

⁵ Da'me ami yataqata auayachiñe queda'me uo'oe gaa'me jo'ne ja yaqanate't ta'le tadoue da'me lejaliaĝa joñe'me Cristo choqoñe'me Dios; nach'egaua jo'ne quejeguetaĝayaqa nataq'aen gaa'me yadenaĝa't ga'me paĝachigui nataq'aen gaa'me pitaĝanaqataqayaqa (jo'ne ena'am ta'le e'n nedios da'me jo'ne yepiteda'a.)

Efesios 5:5 Referans Kwoze

Gálatas 5:21

Namayepi ỹataqta quiỹaxanaqtaqaicpi, ivira'a da dalaataxan, taxaicpi, qataq da ỹo'ot ye laponaxac, nache ỹataqta qaica ca laỹaanataxanaxac qataq qalota na laỹepi ỹo'ot qauem. Qaq ỹoqo'oye qami' seqatalo 'ena'am so hua'auchiguiñi ỹa'aqtac, da nam ỹo'ottac de'era saishet da taigui da lo'onataxanaxac Ñim Lo'onatac 'Enauacna.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Colosenses 3:5

Qaq ỹoqo'oye qami' iuen da ileu qanqa'eñi da qarqopitaxanaqtaiqui maye qauem. Qaica qome ca huetapeeguet aca sa lhua, qataq saishet qome da sa qanaỹamaxachiỹapec, qataq qanlliỹañi qome da qauem qarqopitaxanaqtaiqui, qataq saishet qome da choche qanmichiita'a da choche qalaỹoñiitasheguem ana qo'omi, cha'aye damaye 'eeta'am da qanatameetacot na ne'enaqtacpi maye saq 'en.

Efesios 5:3

Qaq cha'aye qami' lalamaqa'ate Ñim Lo'onatac 'Enauacna, ỹoqo'oye no'on da saishet da qami' chemaxanguilo da huo'o ca quisheguetaxac qataq 'enauac nam laỹepi maye ishet da deshepaxanaqtaxan, huo'otaq da qaiqopita'a ca ỹaqa'a.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Gálatas 5:19

'Enauac na shiỹaxauapi ỹauatton da lataxac nam ỹalaxaguet nam qauem lqopitaxanaqtaic: ncachetague' aca saishet da lhua, qataq ỹo'ottac nam ishet da deshepaxanaqtaxan, qataq 'enauac nam qauem lamanaxanaqtaic qataq na qauem lhuennataxacpi,

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

1 Timoteo 6:10

Cha'aye da nqopitaxanaqtaic aca yo'oqchigui anom, nachera da lpa'a' na 'enauac ỹotta'a't sa ỹaỹamaxañisat. Cha'aye mashe huo'o na ime'eguet da lqopitaxanaqtaic anamaye, nache ỹalat da lpi'iỹaxac Ñim Lo'onatac 'Enauacna, qaq nache huaña da ivireguet na qalota lqalaiguesat qataq nque'eenaxacpi.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Éxodo 20:17

Saishet da 'auqopitta'a ca lma' ca 'arỹa, qataq saishet da 'auqopitta'a aca lhua ca 'arỹa, huo'otaq ca l-latac, huo'otaq aca l-lata, huo'otaq ca lauegaxanaxala' huaca, nataqa'en ca lalo 'ashena, huo'otaq camachaqca nam logoxoshetpi».

Josué 7:21

Can sela'a so ỹataqta 'onaxaic npo' maye qaỹachegoxota'ague da Babilonia, qataq aso doscientos aso lcatpiole plata qataq so 'oonolec laỹe' so oro maye ivi' medio kilos, ỹalectaigui som qaiuotaxanec nogoxoshetpi. Nache soqopita'alo yi'iyiua nogoxoshe'ete, ỹoqo'oye aỹem saconalo yeemaye qataq soxottrañi, selaroigui na 'alhua nam pa'auo ñi ipe'l, qaq aye lcatpi plata, nache sepa'axaachiguiñi.»

Hechos 8:21

'Am saishet da 'ategueua'alo qomi' qataq saq 'am qoỹami' de'era no'onataxanaxac, cha'aye da 'arquiyaqteỹaxac saishet da ỹataqtelec da quegue Ñim Lo'onatac 'Enauacna.

Hechos 20:32

Qaq nagui seỹaxanot Ñim Lo'onatac 'Enauacna da qami' ntela'alo, ỹauota'a da lta'araic lauotaxanaqtaic. Qataq da lta'araic lsoxoyec ishet da chegoqchigui da qanquiquiita'aguet da ỹaỹamaqchiguiñi. Qaq da qaualaqaiguet, nache Ñimaye ipaqueelec dam ỹachaxanapec da ỹami' 'enauac nam lca'aguishecpi da ỹauo'o lalamaxatpi.

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,