Efesios 5:4 - La'aqtaqa Ñim Lo'onatac 'Enauacna 2013

⁴ Qataq saishet qome da qanasaqaire'c naua na'aqtaqa maye qauema, huo'otaq ca na'aqtac maye qaica ca naigui huo'otaq cam ỹo'ot da naỹalliguiyec. Cha'aye namayepi saishet da ỹaỹamaxañi da qanasaqaiteguec. Chaqrato' da qami' qaỹa'añiitacot da qana'achecỹaxaqui Ñim Lo'onatac 'Enauacna.

Nuevo Testamento Toba Sur

⁴ Qataq sa ishit qome da qanasaqaideec naua n'aqtaqa mayi i'ot da n'agaxa, huo'otaq cam i'ot da naÿalguiyic, huo'otaq cam qaica ca naigui. Cha'ayi namayipi sa ishit da qaÿiguet. Chaqdato' da qami' qai'añiitacot da qantonaxaqui ñi Dios.

Nuevo Testamento Toba Sombrero Negro

⁴ Ena'te anenaĝachidegue gaa'me 'naqataqa jo'ne yataqata ja 'noe'n, uotaĝa gaa'me 'naqataqa jo'ne qaya'te yelo'teguet nale, uotaĝa ch'e nipi'ico, qa'a naajo' ja ami 'te lecochiyalo, dite da'me auañem da'me adamaiqui joñe'me Dios.

Efesios 5:4 Referans Kwoze

Colosenses 3:8

Qalaxaye nagui no'on da qaỹa'axañiiuec 'enauac ne'ena: Saishet qome da qanoitac, qataq saishet qome da qanmichiita'a da qauo'ochec ca sa ỹaỹamaxañi ca qarỹai, qataq saishet da qasheuñiitac Ñim Lo'onatac 'Enauacna huo'otaq ca qoñiỹa'am shiỹaxaua,

Efesios 4:29

Qataq saishet da qauema naua qara'aqtaqalli'. Chaqrata da qano'onaxache' naua qara'aqtaqalli', yaqto' ishet da nquiguisheguem, qataq huo'o da na'achecỹaxac cam qami' na'axaỹaxaategalo.

1 Ts 5:18

Na'aictaxa da huo'o na qami' hueleguete, qalaxaye nache 'ena'am qaỹa'añiitacot da qana'achecỹaxaqui Ñim Lo'onatac 'Enauacna. Cha'aye nachera da 'eetapeguec Ñimaye da qoñiita, cha'aye mashe qaua'amaqchiñi So Cristo Jesús.

Proverbios 15:2

Naua la'aqtaqa ca ỹaanaxanaxaic qalaq chegaqaiguilo da naỹaanec, qaq naua la'aqtaqa ca qaica ca ỹaỹaanapec qalaq chegaqaiguilo da 'oopashec.

Eclesiastés 10:13

Cha'aye da da'aqtaxan, qalaq nda'a't da ỹa'axattac da 'oopashec, qaq nache ivitta'a da ỹataqta qaica ca naiguilo naua la'aqtaqa.

2 Pedro 2:18

Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

Hebreos 13:15

Da qarachetaqtaxanaxat maye samiaxai' Ñim Lo'onatac 'Enauacna, nachera da qana'achecỹaxac maye chochaq tatec da sanaqtacot Ñimaye, chegoqchigui So Jesucristo cha'aye mashe sasataxaguet da nacheso so 'oonolec Qarataxala'.

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

Judas 1:10

Qalaxaye ne'ena shiỹaxauapi ivira'a nam sa ỹauatton da isheueetac. Da lataxac 'ena'am na shiguiỹac da ỹauatton ca camachaqca qalaxaye saishet da ishet da deuennataxaalec, ỹoqo'oye ivira'a da maiche nalaala't.

2 Corintios 9:15

¡Sanqot da qana'achecỹaxac Ñim Lo'onatac 'Enauacna, cha'aye Ñimaye ỹataqta lta'araic da qomi' ỹanema qana'achecỹaxac, qaq damaye saishet da sañoxotaq da ỹataqta sa'axataqta!

Salmos 92:1

¡Ỹataqta 'onaxaic da 'am sho'oxoreetac 'Am Nataxala'! Ỹataqta 'onaxaic da so'ootac da 'are'enaxat, 'am maye 'Anataỹaña 'Enauacna,

Judas 1:13

Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

2 Corintios 1:11

da qami' qomi' qautauñiita'ape da qomi' qanqouagaxauñiitaleguete. Qaq da saqalota na shiỹaxauapi qomi' nqouagaxaueetaleguete, qaq nache 'ena'am saqalota na ỹaatacot da na'achecỹaxac Ñim Lo'onatac 'Enauacna, souaxat da ltaunaxanaxac qataq 'enauac nam no'on maye qomi' ỹanema.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Proverbios 12:23

Ca qaica ca nqalaate' saishet da ño'oxoreetapigui da laỹaanec, qaq ca qaica ca ỹaỹaanapec qalaq ño'oxoreetapigui da no'oopashaxac.

2 Pedro 2:7

Qalaxaye so Lot saishet da ỹavigaxat, cha'aye se'eso ỹale ỹataqta no'on da lataxac, qataq huo'o da nqui'ic da ilotagui na qauem maye ỹo'ottac se'eso shiỹaxauapi.

Salmos 33:1

Qavio'oxoyiñi qome Ñim Nataxala', qami' maye no'on da qarataxaqui, cha'aye da llo'oxonnataxanaxac na no'on da lataxac ỹataqta 'onaxaic.

Filemón 1:8

Qaq ỹoqo'oye aỹem na'aictaxa da aỹem lamaxashec So Cristo qataq huo'o naq shenec da huo'o ca 'am samaxalec da 'auo'ot.

1 Ts 3:9

Qaq ỹoqo'oye qomi' sa saỹaanaq ca shenaqtec da sanaqot da qana'achecỹaxac Ñim Lo'onatac 'Enauacna souaxat da qoñiita.

Efesios 1:16

aỹem shectot da saatac da ña'achec naxa da ñeqouagaxaueetac, da tachigui ye iuel da qoñiita souaxat da qanaquitaxaqui Ñimaye.

Juan 6:23

Qaq huo'oi soua lỹa't nllocta, chegoqra'a ye Tiberias, nvira yem saqaỹapeque yem huaña co'ollaq qanallecta'ape soua nauole, co'ollaq ime da ỹan da na'achec so Nataxala'.

Daniel 6:10

Qaq so Daniel co'ollaq la'axaỹaxac da qananerelec se'eso qalapaxañi nqataxac, nache taỹa so lma', nache ỹauatoiguilo naua nalloxoqui' so lo'ochaxaqui maye datategue dam pa'aigue ye Jerusalén, nache ỹa'alyiñi naua l-llectel da natamen, qataq ỹo'oxoren Ñim Lo'onatac 'Enauacna. Qaq damaye tres naxa da ỹo'ot ye 'oonolec na'a'q, ipacchigui dam 'eeta'ac naxa da ỹo'ottac.

Proverbios 26:19

nachera da 'eetec ca ỹatenachet ca nauochaxaua ime nache 'eetega da choche daỹactac.