Efesios 5:25 - La'aqtaqa Ñim Lo'onatac 'Enauacna 2013

²⁵ Qataq na ỹalleppi maye mashe huaron ỹataqta ỹauotec aca lhua, 'eeta'am So Cristo da ỹataqta ỹauotec na 'amqaanataxanaxaicpi, qataq ỹan co'ollaxa da nachaalataxac souaxat namayepi.

Nuevo Testamento Toba Sur

²⁵ Qataq ca ÿale mashi huadon ÿataqta ÿauotec aca lhua, 'eeta'am nataq'en so Cristo da ÿataqta ÿauotec na 'amqajnataxanaxaicpi, qataq nañanguet da ileualec namayipi.

Nuevo Testamento Toba Sombrero Negro

²⁵ Gaa'me le'mi, 'noota ta'le yataqata noqopitalo gaa'me loua', qa'a nach'e ena'am ñe'me Cristo da'me qo'mi noqopitalo, qama'le qo'mi nep'aĝanegueta ca'li qoyalat,

Efesios 5:25 Referans Kwoze

1 Pedro 3:7

Qaq nache 'eetec nataqa'en qami' ỹalleppi maye mashe qauaroñi, ñi 'oonolec ỹataqta naỹateete' qataq ichoxoren aca lhua, qataq qauaỹachiñiita da saishet da 'eeta'am da qara'añaxaqui acamaye. Cha'aye nataqa'en acamaye Ñim Lo'onatac 'Enauacna ỹachaxanapeguem da nca'alaxa maye chochaq tatec. Qaq qami' da nache qoñiitec de'era, nache Ñim Lo'onatac 'Enauacna hua'axaỹa da qanqouagaxaunaxaqui.

Colosenses 3:19

Qataq qami' ỹalleppi maye mashe qauaroñi, ỹataqta qauauochec aca qarhuai. Qataq saishet da saq qauyacñiỹapec acamaye.

Efesios 5:28

Ca ỹale mashe huaron, ỹataqta ỹauotec aca lhua, 'eeta'am da lauotaxanaqtaic da lalamaxat lo'ocỹaxac. Qaq ca ỹauotec aca lhua, camaye 'eeta'am da lauotaxanaqtaic da maiche lo'ocỹaxac.

Génesis 2:24

Qaq ỹoqo'oye ca ỹale ca'ai qome ca lta'a qataq aca late'e, da yaqto' lmayaxaua aca lhua, nache caamaye 'eeta'am da 'oonolec shiỹaxaua.

Efesios 5:33

Qaq ỹoqo'oye ñi 'oonolec da qoñiita ỹataqta ỹauotec aca lhua, 'eeta'am da lauotaxanaqtaic da maiche nachaalataxac. Qaq aca 'alo ỹataqta huo'o naq 'enec naqa'en ca lhua.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Gálatas 1:4

So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.

Gálatas 2:20

Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Génesis 24:67

Qaq ime, nache so Isaac, ỹauegueua'a aso Rebeca, so lpe'l aso late'e Sara, qaq nache huaroneguet asomaye. Qaq so Isaac ỹataqta ỹauotec aso Rebeca. Qaq huaña, nache huesogui da laquicoxo so Isaac, souaxato' da l-leuaxa aso late'e.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

2 Samuel 12:3

qaq so choxoraq, qalaq 'oonole asotai' lalo qagueta maye lsheenaxanaqte. Qataq maiche ỹaqchet, nache ỹeta'ai' asomaye qataq soua llalqa, qataq nache lquia'axaua naxa, qataq nỹomaxaua asomaye, qataq nsoqtauo naxa da do'ocheta, qaq se'eso ỹale ỹataqta ỹauotec asomaye, 'eeta'am aca lalamaqte llale.

1 Timoteo 2:6

So Jesús ỹan co'ollaxa da lalamaxat nachaalataxac da yaqto' nca'alaxatec 'enauac na shiỹaxauapi ana 'alhua. Qaq nache chegoqchiguiña, da Ñim Lo'onatac 'Enauacna qomi' ỹachaxanalo da huotaique da nca'alaxatec 'enauac na shiỹaxauapi.

Efesios 5:24

Qaq ỹoqo'oye aca 'alo ỹataqta ỹalaxaguet ca lhua, qaq nache 'eeta'am na 'amqaanataxanaxaicpi da ỹataqta ỹalaxaguet So Cristo.

Cantares 1:11

¡Samaxasoxoolec qome da qaỹo'o't caua 'arshete oro, maye qalapaxalec na lcat plata!