Efesios 5:24 - La'aqtaqa Ñim Lo'onatac 'Enauacna 2013

²⁴ Qaq ỹoqo'oye aca 'alo ỹataqta ỹalaxaguet ca lhua, qaq nache 'eeta'am na 'amqaanataxanaxaicpi da ỹataqta ỹalaxaguet So Cristo.

Nuevo Testamento Toba Sur

²⁴ Qaq ÿoqo'oyi aca 'alo ÿataqta ÿalaxaguet ca lhua, 'eeta'am na 'amqajnataxanaxaicpi da ÿataqta ÿalaxaguet so Cristo.

Nuevo Testamento Toba Sombrero Negro

²⁴ Chane'eja, gaa'me yauo', 'noota ta'le nach'e eta't yoqocha'alo jogaa'me loua', nach'e ena'am ta'le da'me qo'mi jo'ne qo'mi Dios lec'oqo'tepi yataqata joqochaĝa joñe'me Cristo.

Efesios 5:24 Referans Kwoze

Efesios 5:33

Qaq ỹoqo'oye ñi 'oonolec da qoñiita ỹataqta ỹauotec aca lhua, 'eeta'am da lauotaxanaqtaic da maiche nachaalataxac. Qaq aca 'alo ỹataqta huo'o naq 'enec naqa'en ca lhua.

Tito 2:7

Qataq 'am ỹataqta 'auachaxana namayepi ca no'on 'aro'onataxanaxac. Da 'auapaxaguenataxaatac qalaq saishet da 'auasaguettac.

Colosenses 3:20

Qataq qami' ñaqpiolec, ỹataqta qaualaqaigueta caua qarta'alli', cha'aye damaye ỹataqta ỹaỹamaxareeta So Qarataxala'.

Tito 2:9

'auqata na 'amqaanataxanaxaicpi maye ñaq nlatacpi da ỹataqta ỹalaxaguet 'enauac na la'aqtacpi ca na'aco'. Qataq npogoxoinapegue' da ỹaỹamaxareeta ca na'aco' qataq saishet da ncotatague' camaye.

Colosenses 3:22

Qataq qami' nlatacpi, ỹataqta qaualaqaiguet ca yo'oqchigui qana'aco'oi ana'ana 'alhua. Saishet da nachaqrata da qami' ilotaguilo da yaqto' qami' ỹaỹamaxareete', nachaqrata da qauo'oche damaye souaxat da huesota qarquiyaqteỹaxaqui, qataq da 'enec qanqa'eñi So Qarataxala'.

Éxodo 29:35

Qaq 'era da qonetec ñi Aarón qataq ñeua llalqa, qataq 'apactelec qome 'enauac na ỹamaxasoxonaxacpi. Qalaxaye huaiguilo 'anqa'en caua siete na'axa'te da 'aỹa'anaguilo de'era no'onataxanaxac,

Éxodo 23:13

Qaupaquiichigui qome 'enauac ne'ena lataxacpi da qauo'oche, qataq saishet qome da huo'o ca iỹaxaatacot ca ỹaqa'a atamnaxala', da iỹaxaataique ca ntaunaguec, qataq saishet da choche nasaqtapeguec da le'enaxat camaye.»

Lucas 10:17

Qaq som setenta y dos napaxaguenatacpi maye ỹamaq co'ollaxa So Jesús ỹataqta machiguiñi co'ollaq ñe'eguelaq. Nache da'aqtaxaatac, 'eeta': ¡'Am Qarataxala', ivira'a na saqcha'a na'añaxac leguemaxaicpi ỹataqta qomi' ỹalaxagueta da shenaqapega da seroxolec da 'are'enaxat!

Efesios 5:23

Cha'aye ca lhua nacheca ca lqaic acamaye, 'eeta'am So Cristo, da Somaye nacheso so lqaic na 'amqaanataxanaxaicpi, qataq nacheso som lca'alaxaqui. So Cristo nacheso so lqaic, qaq na 'amqaanataxanaxaicpi nachena na 'eeta'am da lo'ocỹaxac Somaye.

Efesios 5:25

Qataq na ỹalleppi maye mashe huaron ỹataqta ỹauotec aca lhua, 'eeta'am So Cristo da ỹataqta ỹauotec na 'amqaanataxanaxaicpi, qataq ỹan co'ollaxa da nachaalataxac souaxat namayepi.