Efesios 5:23 - La'aqtaqa Ñim Lo'onatac 'Enauacna 2013

²³ Cha'aye ca lhua nacheca ca lqaic acamaye, 'eeta'am So Cristo, da Somaye nacheso so lqaic na 'amqaanataxanaxaicpi, qataq nacheso som lca'alaxaqui. So Cristo nacheso so lqaic, qaq na 'amqaanataxanaxaicpi nachena na 'eeta'am da lo'ocỹaxac Somaye.

Nuevo Testamento Toba Sur

²³ Cha'ayi ca lhua nachica ca lqaic acamayi, nachi 'eeta'am so Cristo. Somayi nachiso so lqaic na 'amqajnataxanaxaicpi, qataq nachiso som lca'alaxaqui. Qaq namayipi nachina na 'ico' l'oquiaxac somayi.

Nuevo Testamento Toba Sombrero Negro

²³ Qa'a ga'me le'em naqaega jo'ne lajoĝola' jaga'me loua jo'ne ue'tajop, qa'a nach'e ena'am joñe'me Cristo, nach'eñe mach'e qadajoĝola' jo'ne qo'mi nec'alaĝatedegue, da'me qo'mi jo'ne qo'mi Dios lec'oqo'tepi.

Efesios 5:23 Referans Kwoze

Colosenses 1:18

Qataq So Cristo nacheso so ilotague' na ỹa'amaqten Somaye qataq ỹami' da lca'alaxa. Somaye nacheso so nqaic, qaq nam 'amqaanataxanaxaicpi qaq nachera da lo'ocỹaxac. So Cristo nacheso so la'auaxanec 'enauac nam huo'o. Qaq ỹoqo'oye nacheso so la'auaxanec da nca'aleeguesop da nleuaxa, da yaqto' nachaqsota 'oonolec Nataxala'.

Efesios 4:15

Chaqrato' da naua qara'aqtaqa qalaq ỹataqta 'eesora, qataq qomi' soxoraiqa, qataq ỹataqta nquictasheguem da no'on qarataxac, cha'aye ña'araqtaua'a So Cristo maye nacheso so Lataxala' na 'amqaanataxanaxaicpi.

1 Ts 1:10

Nataqa'en namayepi ỹaỹaten da qami' qauacheeta'aguet So Jesucristo qom ñe'eguelaq da chegoxogue da piguem. Ñim Lo'onatac 'Enauacna nca'aleeguesop naqa'en da l-leuaxa Somaye co'ollaxa yaqto' qomi' nca'alaxateeguesopa da nhuaxanaguec na 'etaxaloxoicpi ca pa'atec na'a'q qom nmitna Somaye.

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

1 Corintios 6:13

Nataqa'en huo'o naxa da na'aqtac, 'eeta': «Ca nallec qaỹo'ot da tangui ana qara'am, qataq ana qara'am qaỹo'ot da yaqto' ỹaconeguet ca nallec.» ¡Qaq damaye ỹoqta 'eesa! Qaq Ñim Lo'onatac 'Enauacna taỹa'a da nlaxaayiñi ne'enaua. Qalaxaye da qaro'ocỹaxac saishet da taiguet da sanaxaguet da quisheguetaxac maye sa qaishetapec. Chaqrata da so'onataxanaxa damaye, da so'onataxanaqot Ñim Nataxala', cha'aye Ñimaye maye lalamaxat da qaro'ocỹaxac.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Efesios 5:24

Qaq ỹoqo'oye aca 'alo ỹataqta ỹalaxaguet ca lhua, qaq nache 'eeta'am na 'amqaanataxanaxaicpi da ỹataqta ỹalaxaguet So Cristo.

Apocalipsis 19:7

Qaq ỹoqo'oye ỹataqta samaqtapiguiñi qome, qataq qomi' nlaqchiguilo da qantonaxac, qataq sho'oxorenaq Ñimaye, cha'aye mashe ivita ye laloqo' da huaron Ñi Qagueta Llalec. Añi lhua mashe sogote da naỹamaxattai', maye nachena nam 'amqaanataxanaxaicpi;