Efesios 5:21 - La'aqtaqa Ñim Lo'onatac 'Enauacna 2013

²¹ Ñi 'oonolec qome da qoñiita ỹataqta ipacapegue' ca lỹa, souaxat da ỹataqta huo'o naq 'enec qanqa'eñi Ñim Lo'onatac 'Enauacna.

Nuevo Testamento Toba Sur

²¹ Ñi 'oonolec qome da qoñiita ÿataqta ipacapegue' ca lÿa, souaxat da ÿataqta huo'o naq 'enec qanqashiñi ñi Dios.

Nuevo Testamento Toba Sombrero Negro

²¹ Nataq'aen anecochiyapega't nale onolqa'tape da'me ami, yajouaĝat da'me yataqata a'nonaĝachiyegui joñe'me Cristo.

Efesios 5:21 Referans Kwoze

Filipenses 2:3

Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

Efesios 5:24

Qaq ỹoqo'oye aca 'alo ỹataqta ỹalaxaguet ca lhua, qaq nache 'eeta'am na 'amqaanataxanaxaicpi da ỹataqta ỹalaxaguet So Cristo.

Efesios 5:22

Aca 'alo mashe huaron, ỹataqta ỹalaxaguet ca lhua, ỹe'enaxatchigui naqa'en da ỹalaxaguet So Cristo.

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Hebreos 13:17

Ỹataqta qaualaqaiguet na qarataxala'aipi maye ilotague' nam ỹa'amaqten So Jesús, cha'aye namayepi qaica ca nmataqa' da qami' ilotegueto, qataq namayepi ỹaỹateeta da Ñim Lo'onatac 'Enauacna ipataxalec da qami' ilo'oguelo. Qaq qami' iuen da qautauañi namayepi qataq qanpogoxoiñiỹapegue' da yaqto' saishet da qami' chegoqchiguilo ca qauem, yaqto' da lo'onataxanaxac namayepi ỹataqta ỹaỹamaqchiguiñi.

1 Pedro 2:17

Nachaqrata da ỹataqta huo'o naq 'enec qanqa'eñi 'enauac na shiỹaxauapi qataq ỹactec qanqa'eñi da qarauotaxanaqtaiqui nam ỹa'amaqten So Jesús. Qavio'oxoyiñi Ñim Lo'onatac 'Enauacna qataq huo'o naq 'enec qanqa'eñi ñi lataxala' na nta'alpi maye netaña ye nỹecpi ye Roma.

1 Timoteo 3:4

Qataq ỹaỹaten da ilo'ogue da lma'ỹaxac, qataq ỹapaxaguenec da lco'oxoc da ỹalaq qataq ntela'a ca lỹa.

Gálatas 5:13

Qami' ỹaqaỹa't, Ñim Lo'onatac 'Enauacna qami' iỹaxanalo da yaqto' qami' huesochiyiñi. Qalaxaye saishet da qauo'ogoxoñiỹa damaye da yaqto' qauo'oche ca qauem. Nachaqrato' da ñi 'oonolec huapegue' ca lỹa souaxat da qarsoxoyiqui.

1 Timoteo 2:11

Nataqa'en ñeshetaique da na 'alpi ỹataqta na'axaỹaxana da napaxaguenataxanaxac.

1 Corintios 16:16

Ỹoqo'oye ñeshetaique da qami' ỹataqta qaualaqailec ca shiỹaxaua maye 'eeta'am na Estéfanas, qataq nataqa'en 'enauac nam detaunaxaatac qataq do'onataxaatacot Ñim Lo'onatac 'Enauacna, 'eeta'am namaye.

Proverbios 24:21

'Am ỹalcolec, huo'o naq 'enec 'anqa'en Ñim Nataxala' qataq ca nta'a, qataq saishet da 'aualecta'aguet qome na pa'aguenataxanaxaicpi,

Nehemías 5:15

Qaq so nta'alpi maye hua'aulec co'ollaxa da ilotague' somayepi, ỹataqta qalota nataqa'en aso isheeten se'eso nalamaxat nhuo' le'ecpi, cha'aye ye 'oonolec na'a'q, nache ỹataqta iỹaxaataua'a na nallec, lataxa nache añi lasheue ivi' aso cuarenta lcatpiole plata. Nataqa'en so ltauapi somayepi ỹataqta ỹoqolavin so shiỹaxauapi. Aỹem, qalaxaye saishet da sheetec de'era, cha'aye souaxat da sauotec qataq huo'o naq 'enec ñaqa'en Ñim Lo'onatac 'Enauacna.

2 Crónicas 19:7

Qaq ỹoqo'oye huo'o naq 'enec qanqa'eñi Ñim Nataxala', qataq qauloitelec da lataxac cam qauo'oche, cha'aye Ñim Nataxala' maye Qanatamnaxala', sa ishetaxateguet da qaỹo'ot ca sanalogoñi lataxac, qataq da qalca'atagui na shiỹaxauapi, qataq sa ishetaxateguet ca qoỹoxottañi nsheetenaxanaxac.»

1 Pedro 2:13

Da yaqto' qaica ca qauema naua la'aqtaqa da detaqtega So Qarataxala' Jesucristo, nache qami' iuen da ỹataqta qaualaqaiguet 'enauac na nta'alpi. Qataq qaualaqaiguet ñi lataxala' na nta'alpi maye netaña ye nỹecpi ye Roma, cha'aye ñimaye nacheñi ñi qoỹanem da na'añaxac da ilotague' na 'alhuapi.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

Nehemías 5:9

Nache aỹem shenapega somayepi, sheeta': «De'era qauo'ocheetac, damaye ỹataqta saỹaỹamaxañi. Cha'aye da ishet da qarvichiỹa'a da le'enaxanaxac na qomi' ipa'agueeta'ape, nache qami' qauachaxañi da huo'o naq 'enec qanqa'eñi Ñim Qanatamnaxala'.

1 Crónicas 29:24

Qataq 'enauac so nataxala'pi, qataq so alaataxaicpi, qataq 'enauac so llalaqpi so nta'a David, ỹataqta itauaatac so nta'a Salomón.

Génesis 16:9

Qaq huaña, nache so lamaxashec Ñim Nataxala' 'enapega asomaye, 'eeta': «'avi'eguelaxa qome añi 'ana'acoro, nache 'auo'ot qome 'enauac cam 'am ỹamaxalec.»

2 Corintios 5:11

Qomi' saỹatenaq da iuen da qaỹalaxaguet qataq qaỹo'oxoren Ñim Lo'onatac 'Enauacna. Qaq ỹoqo'oye ñepogoxouenaqtapegue' da sa'aqtaxanaqteguem na laỹepi shiỹaxauapi da yaqto' ỹa'amaqten Ñimaye. Ñim Lo'onatac 'Enauacna qomi' ỹauattoote', qaq ỹoqo'oye aỹem huo'o da iyaxa nataqa'en da qomi' qauauattoñiite'.