Efesios 5:2 - La'aqtaqa Ñim Lo'onatac 'Enauacna 2013

² Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Nuevo Testamento Toba Sur

² Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Nuevo Testamento Toba Sombrero Negro

² Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Efesios 5:2 Referans Kwoze

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec da qoñiita ỹataqta ỹauotec ca lỹa. 'Eeta'am da sheetec da ỹataqta qami' sauoteque, qaq nachera qome da qoñiitec da ñi 'oonolec da qoñiita ỹataqta ỹauotec ca lỹa.

Gálatas 2:20

Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Colosenses 3:14

Qalaxaye ỹataqta ỹactec qome da qa'añiiñi da qarsoxoyiqui, cha'aye nachera da na'atta't 'enauac naqa'en na shiỹaxauapi.

2 Corintios 2:15

Qataq shenaqta'am da alaitaỹaxac cam nchenaxanaxat maye ỹanot Ñim Lo'onatac 'Enauacna So Cristo, qataq ỹataqta huaỹoxonec da alaitaỹaxac, ivirauga nam mashe qanca'alaxatec qataq nam ñaq huetaigui da lsomaxac.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

1 Corintios 16:14

'Enauac na qauacoñiilec da qauo'oche, qaq ỹataqta qami' soxoraiqa.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

1 Pedro 4:8

Qalaxaye ỹataqta ỹactec qanqa'eñi da qarauotaxanaqtaiqui ca qarỹai, cha'aye da nsoxoyec nachera da ỹapalaxat na nasouaxashetpi.

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

1 Juan 3:16

Qalaxaye qomi' mashe saỹatenaq da naigui da nsoxoyec, cha'aye So Jesucristo ỹaaleguete qomi' da nachaalataxac. Qaq ỹoqo'oye nataqa'en qomi' iuen da sanaq da qanachaalataxac da ñañanaxalec na qara'amqaanataxanaxauapi.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Hebreos 9:26

Qaq So Cristo taxa da nache 'eetec nataqa'en de'era, nache Somaye ỹe'eguelaqtalectaxa da ileu, chegoqchiguiña co'ollaq cheta'ague da ỹo'ot ana 'alhua Ñim Lo'onatac 'Enauacna. Qalaxaye ỹoqta 'eesa da nagui da mashe nayeeta'a ca loga'tna, nache So Cristo 'oonolec da nachaxan, nache sa iuen da ỹe'eguelaxalec da nañan. Somaye nachaxan qataq nañan da 'eeta'am aca nachetaqtaxanaqte maye qaỹavigaxatta da yaqto' Ñim Lo'onatac 'Enauacna ỹapalaxat 'enauac na qarasouaxashetpi.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

1 Timoteo 2:6

So Jesús ỹan co'ollaxa da lalamaxat nachaalataxac da yaqto' nca'alaxatec 'enauac na shiỹaxauapi ana 'alhua. Qaq nache chegoqchiguiña, da Ñim Lo'onatac 'Enauacna qomi' ỹachaxanalo da huotaique da nca'alaxatec 'enauac na shiỹaxauapi.

Efesios 4:15

Chaqrato' da naua qara'aqtaqa qalaq ỹataqta 'eesora, qataq qomi' soxoraiqa, qataq ỹataqta nquictasheguem da no'on qarataxac, cha'aye ña'araqtaua'a So Cristo maye nacheso so Lataxala' na 'amqaanataxanaxaicpi.

1 Juan 3:23

Qaq dam lamaxasoxonaxac Ñimaye qomi' 'enapegalo da sa'amaqtenaq So Llalec Jesucristo, qataq ñi 'oonolec da shenaqta ỹataqta ỹauotec ca lỹa, ipagaqchiichigui dam qomi' ỹamaxaleguete So Jesús.

1 Timoteo 4:12

Qataq saishet da 'anasheneuo da qaica ca 'am qoỹanaigui souaxat da ñaq 'am nsoqolec. Nachaqrato' da 'am laloqnaxanaxat na laỹepi 'amqaanataxanaxaicpi souaxat naua ỹaỹamaqchiyiñi 'artaxaỹaxaco, qataq da no'on 'arataxac, qataq da 'arsoxoyec, qataq da 'arpi'iỹaxac, qataq da qui'itta na'aqtaguec da 'anachaalataxac.

1 Ts 4:9

Qaq da lataxac da qanauote' ca na'amqaanataxanaxaua, sa iuen da shiyiñi, cha'aye Ñim Lo'onatac 'Enauacna mashe qami' ỹapaxagueneque da 'eetec da qaỹauotec ca nỹa.

Efesios 4:2

Ỹataqta qami' huesote' qataq qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ỹataqta ỹauotec ca lỹa qataq itauan.

Efesios 3:17

Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

Gálatas 1:4

So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.

Levítico 1:17

Ime, nache inoxongui na laiñi, ỹauattchiguilo naqa'en naua laua't que'eca qoto', nache ca ntaxaỹaxanaxanec ỹachalec ca 'epaqpi maye 'ettaigui huetalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.»

Levítico 1:13

Ime, nache que'eca ỹaneuo ca lachetaqtaxanaxat, camaye nacheca ca iỹo ca lauel le'ecpi, qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec nache ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Hebreos 9:23

Qaq ỹoqo'oye iuen da qaỹalauat se'eso shiguiỹac da yaqto' qaiqui'itaxat 'enauac na huetaigui ñi npe'l maye lqui'i ca hueta'ague da piguem. Qalaxaye ca hueta'ague da piguem iuen cam ỹataqta ỹactec da lyac, napacalec ca nachetaqtaxanaxat shiguiỹac maye qaỹavigaxatta.

Efesios 3:19

Qataq seỹaxaatacot Ñim Lo'onatac 'Enauacna, da yaqto' qami' ỹataqta qauauattoñiita de'era nauotaxanaqtaic maye ỹataqta napacalec 'enauac na qarauattonaxanaxacpi, qataq yaqto' qami' qauacoñiiguet 'enauac nam huotaique da qami' ỹanema Ñimaye.

Romanos 8:3

Qaq Ñim Lo'onatac 'Enauacna ỹo'ot co'ollaxa dam saishet da ỹañoxot da ỹo'ot nam namaxasoxonaxacpi maye chegoqo'ot so Moisés, cha'aye qaica ca ilo'ogue da lqopitaxanaqtaic da ỹo'ot nam qauem. Nache Ñim Lo'onatac 'Enauacna namaxalec co'ollaxa ana 'alhua so lalamaxat Llalec, qaq Somaye ỹataqta 'ena'ama qomi' da qarqalviaxa, qataq da qañe'eguenataguec. Qaq Ñim Lo'onatac 'Enauacna namaxalec ana 'alhua Somaye da yaqto' qomi' ileualeguete souaxat na qaye'etaxaloxo. Qaq nache chegoqchigui Somaye da Ñim Lo'onatac 'Enauacna, nlaxaañi da la'añaxac da ñe'etaxaloxo.

Amós 5:21

Aỹem, ỹataqta saỹemec nam qauo'ocheetac nquia'axacpi, qataq seqaiga nam ño'oxonnataxanaxacpi maye qauo'ocheetac.

Levítico 1:9

Ime, nache que'eca ỹaneuo ca lachetaqtaxanaxat qaỹavigaxatta, camaye nacheca ca iỹo ca lauel le'ecpi qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec ỹavigaxat 'enauac camaye, ỹachalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Efesios 5:25

Qataq na ỹalleppi maye mashe huaron ỹataqta ỹauotec aca lhua, 'eeta'am So Cristo da ỹataqta ỹauotec na 'amqaanataxanaxaicpi, qataq ỹan co'ollaxa da nachaalataxac souaxat namayepi.

1 Corintios 5:7

Qaq ỹoqo'oye qaỹa'axañiiñi da qauo'ocheetac naua qarasouaxashe'echilli'. Cha'aye dam ñe'etaxaloxo, 'eeta'am ana mashe qauem maye ỹasheeraxachigui ca ndaqnec 'ayiiña, da iqataqchet 'enauac naqa'en camaye. Da qami' qaỹa'axañiiñi da qauo'ocheetac na qauem, nache qami' dalaxaiqa shiỹaxau', qoñiita'am aca dalaxai nauole maye qaca aca lalecte maye ỹasheeraxachigui da qanallec da iviteuga ye na'a'q le'enaxat Lapascua. De'era dalaxaic qanachaalataxac, 'eeta'am de'era naponaxac. Qaq so qagueta llalec maye qaỹalauat da huaigui de'era naponaxac, nacheso So Cristo maye qaỹalauat co'ollaxa, qaiuaxaneguet so npe'enaxaqui. Qaq qomi' qalaq shenaqta'am aca nauole maye qanallec da huaigui de'era naponaxac, qaq ỹoqo'oye iuen da shenaqta'am aca nauole maye qaca aca lalecte maye ỹasheeraxachigui, damaye naigui da huesota qarataxac qataq no'on. Saishet qome da qomi' qauemaiqa qataq saishet da so'otaxac ca qauem ca qarỹa, cha'aye da nache shenaqtec de'era, nache shenaqta'am aca nauole maye lalecte qanqa'en ana mashe qauem maye ỹasheeraxachigui.

Romanos 4:25

Ñim Lo'onatac 'Enauacna ỹan So Jesús co'ollaxa da yaqto' qomi' ileualeguete souaxat na qarasouaxashetpi, qataq nca'alaxateeguesop da nleuaxa, da yaqto' ỹapalaxat na qarasouaxashetpi.

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Romanos 8:37

Qaq na'aictaxa da souaqtangui 'enauac na sa ỹaỹamaxañisat, qalaxaye ỹataqta saỹatenaqta da So Jesucristo som qomi' lauotaqa'ate, Somaye qomi' ỹanema da sauegaxanaq.

Levítico 3:16

Ime, nache ca ntaxaỹaxanaxanec ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat nallec maye qaỹavigaxat da qoỹanot Ñimaye, yaqto' da ama laitaỹaxac ỹamaateguet Ñim Nataxala'. Qaq 'enauac que'eca lcheta nache lalamaxat Ñimaye.

Éxodo 29:18

Qaq 'enauac camaye 'auavigaxat, 'auachalec aca nca'atoxonaxalate da nachetaqtaxanaxat maye qaỹavigaxatta, yaqto' da ama laitaỹaxac ỹamaateguet Ñim Nataxala'.

Éxodo 29:25

Qaq da ime da ỹaayeshegue'm, nache 'auavigaxat, 'auachalec aca nca'atoxonaxalate, qataq lỹateuaq ca nachetaqtaxanaxat maye qaỹavigaxatta, yaqto' da ama laitaỹaxac ỹamaateguet Ñim Nataxala'.

Romanos 15:16

qataq aỹem lca'aguishec da so'onataxanot So Jesucristo da yaqto' setauan nam saishet da judiopi. Qaq aỹem sheeta'am ca ntaxaỹaxanaxanec da sa'axatem namayepi da no'on na'axaỹaxac maye chegoqo'ot Ñim Lo'onatac 'Enauacna, qataq seroua'a Ñimaye da 'eeta'am aca nachetaqtaxanaqte maye ỹaỹamaxareeta Ñimaye, cha'aye So Saqcha'a Na'añaxac Qui'itta iỹotauga da yaqto' lalamaqte.

2 Corintios 2:14

Qaq ỹoqo'oye qomi' sanaqot da qana'achec Ñim Lo'onatac 'Enauacna, da qomi' ỹalecnaxaneua'alo da lauegaxanaxac So Cristo Jesús qataq qomi' ỹanema da sa'axataq da na'aqtaguec So Cristo da yaqto' 'enauac da qaỹauatton.

Efesios 1:4

Co'ollaq saxanaxa da ỹo'ot 'enauacna Ñim Lo'onatac 'Enauacna, qaq nale'ena da qomi' lca'agui'she ỹachegoxotchigui So Cristo da yaqto' qomi' lalamaqa'ate qataq da qaica ca qarasouaxashet da souaqto'ot Ñimaye. Ñim Lo'onatac 'Enauacna ỹataqta lta'araic da lauotaxanaqtaic da shenaqta,

Efesios 5:15

Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

Hebreos 8:3

Ana'ana 'alhua huo'o naxa ñi qoỹaneuo da lataxala' na ntaxaỹaxanaxanecpi da yaqto' ỹanot Ñim Lo'onatac 'Enauacna ana nachetaqtaxanaqte qataq ana qaỹavigaxatta maye ỹaneuo na shiỹaxauapi. Qaq ỹoqo'oye So Jesucristo nataqa'en huo'o da ỹan da ỹanot Ñim Lo'onatac 'Enauacna.

Números 7:21

qataq so 'oonolec huaca llalec, 'oonolec peenaq, qataq so 'oonolec qagueta llalec, maye ivi' 'oonolec vi'i, da yaqto' nachetaqtaxanaxat qaỹavigaxatta,

Deuteronómio 27:6

cha'aye da qauo'oche aca nca'atoxonaxalate maye lalamaqte Ñim Nataxala', nache qauachegoxochiỹaigui ca no'oitai' coma', yaqto' qauachiỹalec acamaye aca qarachetaqtaxanaqche maye qaỹavigaxatta da qaỹa'añiỹot Ñim Nataxala' maye Qanatamnaxala'ai,