Efesios 5:19 - La'aqtaqa Ñim Lo'onatac 'Enauacna 2013

¹⁹ Qaq da ivita da qana'aqtaxañiỹa't qalaq nataqa'en qauo'oñi na ỹotta'a't no'onecpi maye chegoqo'ot So Saqcha'a Na'añaxac Qui'itta. Qataq qavio'oxoyiñi Ñim Lo'onatac 'Enauacna ỹataqta imauec da qarquiyaqteỹaxaqui.

Nuevo Testamento Toba Sur

¹⁹ Qataq da ñi 'oonolec detaqtague' ca lÿa, qalaq huota'a naq'en na ÿotta'a't n'onecpi mayi chigoqo'ot so Espíritu. Qataq ÿataqta imauec da qadquiyaqteÿaxaqui da qau'onaxañiitac qataq da qavi'oxoyiñiitac so qadataxala'.

Nuevo Testamento Toba Sombrero Negro

¹⁹ Chane'eja nale ademiya'a't, a'uoñi naa'me nalaco jo'ne yodapecache, uotaĝa namaico jo'ne onaĝayaqa 'me ja 'nalo'te. Nach'e ena'am a'uonaĝañi qama'le yataqata a'nonaĝachiyegui joñe'me Qadejaliaĝanec.

Efesios 5:19 Referans Kwoze

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

1 Corintios 14:26

Qami' ỹaqaỹañicpi, da ivita da qalapoñiỹa't, nache 'enauac nam qauo'oche, iuen da nañaxat naqa'en na 'amqaanataxanaxaicpi. Huo'o ca ishet da do'onaxaatac, qataq huo'o ca dapaxaguenataxaatac qataq huo'o ca ỹa'axat cam ỹachaxana Ñim Lo'onatac 'Enauacna qataq huo'o ca detaxaiguilo naua na'aqtaqa maye sa qaỹauanapegalo, huo'otaq ỹa'axa't cam naiguilo ne'enaua na'aqtaqa.

Salmos 95:2

Ñeqo'onaxaua'a Ñimaye da sanqot da qana'achec, qataq so'onaq na no'onecpi da sho'oxorenaq Ñimaye.

Hechos 16:25

Qalaxaye co'ollaq mashe laiñi so pe, nache so Pablo qataq so Silas, soomaye nqouagaxaueeta'ape qataq do'onaxaata'ape, ỹo'oxoreetrac Ñim Lo'onatac 'Enauacna. Qaq som laỹepi ncoñeteguishecpi na'axaỹaxaategalo soomaye.

Salmos 147:7

Qauo'onaxañeeto'ot Ñim Nataxala' da qaỹa'añiỹot da qana'achecỹaxaqui, qataq qauauoita'a aca nvique arpa, da qauo'onaxañiito'ot Ñim Qanatamnaxala'.

Santiago 5:13

Da huo'o ca 'oonolec da qoñiita da daquicotac, nache iuen da nqouagaxaueetac. Qaq da ỹataqta matapiguiñi qalaq iuen da do'onaxaatac, ỹo'oxoreetac Ñim Lo'onatac 'Enauacna.

Salmos 62:8

Qaq qami' ihuo' le'ecpi nache 'eetai' qome da qaupi'iitega Ñimaye, ỹataqta qaumachiỹo'ot da qarquiyaqteỹaxaqui da qanatamñiitacot cha'aye Ñim Lo'onatac 'Enauacna nacheñi Ñim qaye'eguenaxala'.

Isaías 65:14

nam ỹamaxashecpi do'onaxaatac qome souaxat da ntonaxac da lquiyaqteỹaxac, qami' qalaq qaua'alqaitaigui qome qataq qanỹiñiitac, souaxat da qaraquicoqoi qataq da qanqui'iqui.

Salmos 86:12

'Am Ỹataxala' qataq Ñatamnaxala', ỹataqta 'am semato'ot da iquiyaqteỹaxac da 'am sho'oxoreetac, qaq nache 'eetai' qome da sho'oxoreetac da 'are'enaxat.

Mateo 26:30

Qaq co'ollaq ime, nache do'onaxaata'ape, ime nache taresheguemec aso qaỹoqotcheguemec 'alhua maye nanqa' ana Olivo.

Mateo 15:8

‹Ne'ena shiỹaxauapi 'eetega da Aỹem ỹalaxaguet, qalaxaye da lquiyaqteỹaxac ỹataqta qaỹoqta naqa'en Aỹem.

1 Corintios 14:15

¿Qaq ca sheeteco' qone'? Da ivita da ñeqouagaxauen qalaq nachera dam saqcha'a ica'alaxa da nqouagaxaueetac, qalaxaye nataqa'en da ỹauattonaxanaxac. Qataq da ivita da so'onaxan qalaq nachera da saqcha'a ica'alaxa da do'onaxan qataq nataqa'en da ỹauattonaxanaxac.

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.