Efesios 5:18 - La'aqtaqa Ñim Lo'onatac 'Enauacna 2013

¹⁸ Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

Nuevo Testamento Toba Sur

¹⁸ Qataq sa ishit qome da qami' taxaiqa, cha'ayi damayi ÿaueca'a da nlaxajñi ca shiÿaxaua. Chaqdato' da ÿataqta qami' nlaqchiguilo so Espíritu Santo.

Nuevo Testamento Toba Sombrero Negro

¹⁸ Ena'te ami taĝayaqa, qa'a gaa'me jo'ne jalcote da'me niyo'm male ja yayate'n joga'me yauote, dite da'me nach'e eta't anajeñe'teguet joñe'me Dios Lepaqal qaedi ami najaqachiguilo chayovida'a da'me ami yaloĝonalo yema joga'me auauoyi nale.

Efesios 5:18 Referans Kwoze

Proverbios 20:1

Na lataxa ỹo'ot da sancherapec ca ỹale, qataq na no'on lataxa ỹo'ot da cotaxac, qaq ca itaqchet namaye qalaq saishet da ỹaỹateetegue ca ỹo'ot.

Lucas 1:15

Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

Isaías 5:22

¡Choxoraxaso' nam qaica ca nauec da nỹomtapigui na lataxa, qataq nam ỹalleppi maye 'añaxaicpi da ỹalecna't na lataxa!

1 Corintios 5:11

Da sheetega 'eeta': saishet da qauauo'oi qanauochaxauai ca 'eetega da qara'amqaanataxanaxauai qalaxaye ỹo'ottac de'era. Ca shiỹaxaua maye lataxac de'era, camaye saishet da qanso'oñiita'ai' da qarquia'axauai.

Hechos 11:24

Cha'aye so Bernabé ỹataqta no'on da lataxac, qataq somaye nlaqchigui So Saqcha'a Na'añaxac Qui'itta qataq da lpi'iỹaxac. Qaq ỹoqo'oye ỹataqta qalota so dalaxaic shiỹaxauapi da quegue So Qarataxala'.

1 Ts 5:7

Ca sa naỹamaxateguet da lviraxac So Qarataxala' qataq huetaigui da lle'etaxaloxo qataq taxaic, camaye ỹataqta huetaigui na napalaxa.

Lucas 12:45

Qalaxaye que'eca namaxashec da huo'otaq 'enapec: «Ca ña'aco' ỹataqta qaỹaloqteguet», nache jec da iuaxaatac ca laỹepi namaxashecpi qataq aca namaxashepi, ime, qaq cot da lquia'axac qataq da nỹomaxac qataq da ltaxa.

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Tito 1:6

da ca lataxala' na 'amqaanataxanaxaicpi saishet da huo'otaq sa ỹaỹamaxañi ca na'aqtaguec, qataq 'oonole aca lhua naqa'en, qataq caua llalqa iue'n da ỹa'amaqte'n So Cristo, qataq ỹala'q.

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.

Deuteronómio 21:20

nache caamaye da, 'eeta': Ne'ena qoyalec, namaye saishet da na'axaỹaxan qataq saishet da ỹalaq, ỹataqta saishet da qomi' ỹalaxagueta, namaye choche ỹe'en naxa ana alom souaxat da nỹomaxac na lataxa.

1 Corintios 11:21

Cha'aye da ivita ye laloqo' da qauqui'i, nache ñi 'oonolec hua'aualec da deque'e, qaq saishet da iuata'a ca lỹa. Qaq ỹoqo'oye huo'o na iqouat, qaq na laỹepi qalaq ivira'a da taxaicpi.

Cantares 1:4

¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

Génesis 9:21

Qaq huo'o so na'a'q, nache so Noé nỹomgui so lataxa, nache taxaic, nache huetaiya', qataq huetauec, huetaigui na lauel so lpe'l.

Mateo 23:25

¡Ỹataqta qauem da qa'aita'ague qami' tenataxanaxaicpi! Qami' choche qaue'enaxache ca shiỹaxaua maye 'onaxaic da lataxac, qalaxaye qami' qauemaiqa, qaica ca ishet da qautauañi, nachaqrata da qaucacheetacot na shiỹaxauapi. ¡Qami' qaica ca qaraỹaanataxanaxaqui! 'Onaxaic da ỹataqta qano'onaxache da qarataxaqui, cha'aye da saishet da nache qoñiitec de'era, nache qoñiỹa'am aca ỹomaxaqui qataq ca nquia'axaqui da qui'itta na pa'auec, qalaxaye ỹataqta nshepaxan na pa'auo. Qalaxaye aca ỹomaxaqui qataq ca nquia'axaqui da qaiỹo na pa'auo, nache ỹoqta 'eesa da imauec da qui'itta.

Isaías 25:6

Ñim Nataxala' maye Qaica ca Ỹaqalanapec huaña qome añi qasoxonaxa Sión da iqataxanai' da ỹo'ot da yaqto' ỹalegueua'a na ỹotta'at shiỹaxauapi ca nquia'axac da qanallec ca ỹataqta ama nallec, qataq qanỹomigui ca ỹataqta togoshaapec lataxa, qataq ca ỹataqta no'on nallec qataq cam ỹataqta no'on lataxa.

Salmos 69:12

Qaq na nso'ootaña ñi ñegueuo 'enauac da aỹem na'aqtaxaatapigui, na nỹomaxaicpi qalaq ỹo'ot na lo'onecpi da aỹem ỹe'eetac.

Mateo 24:49

nache quetot da iuaxaatac na ltauapi, qataq ỹo'ot na lquia'axac, qataq nỹomtague' na taxaicpi.

Cantares 7:9

Da lamaic na 'ap 'eeta'am na lataxa, da quigui na qorap qataq naua qarhue.

Levítico 10:9

«'Am qataq naua 'aỹa'alqa, da ivita da qaunoxoñiiua'a ñi npe'l, nache saishet da hua'auñi da qanỹomiigui na lataxa huo'otaq ca lỹa maye ishet da qantaxac, ten qom qaullivi. Qaq 'era qome da nache 'eetai' lataxac da qoyecỹaxaqui qataq cam qami' chegoxogueta,

Juan 2:10

Nache 'enapega, 'eeta': –'Enauac na shiỹaxauapi ỹa'auaxaachiguiñi naxa da nỹomaxangui na no'on lataxa na namaxasoxoic, qaq da mashe qaỹoqtegue da nỹomaxac, nache qaltaq qanỹomaxangui na lataxa maye saqallegueme da no'on. Qalaxaye 'am 'aupa'axaatec da 'aumenec na no'on lataxa.