Efesios 5:16 - La'aqtaqa Ñim Lo'onatac 'Enauacna 2013

¹⁶ Qataq ỹataqta qauqopitaxañiỹa'ape naua na'axa'te da qauo'oche ca ỹaỹamaqchiguiñi, cha'aye naua na'axa'te maye souaqtaiguilo ỹataqta qauema.

Nuevo Testamento Toba Sur

¹⁶ Qataq ÿataqta qauqopitaxañiÿa'pe naua na'axa'te da qau'ochi ca ÿaÿamaqchiguiñi, cha'ayi naua na'axa'te ÿataqta yiloxoiqa.

Nuevo Testamento Toba Sombrero Negro

¹⁶ Nale 'uo ga'me ladic da'me 'uo ga'me a'vichiye, 'noota qom yataqata a'vichiye jena'me 'noota, qa'a jouaqatauelo naa'me noloqo'ote jo'ne yataqata qalache.

Efesios 5:16 Referans Kwoze

Colosenses 4:5

Qataq ỹataqta qanaỹaanaxanaqchiñi da qautaqaitague' nam saxanaxa da da'amqaanataxan. Ỹataqta qauqopitaxañiỹa'ape naua na'axa'te, da huo'o ca qardaqa'ai.

Amós 5:13

Qaq ỹoqo'oye cam ỹaanaxanaxaic qalaq choche ñe'emaxat, cha'aye ỹaỹaten da qauema naua na'axa'te.

Juan 12:35

Nache So Jesús 'enapega somayepi, 'eeta': –Ñaq cara'acolec da qami' hueta'agueta nam lcoỹaraqte ana 'alhua, qalaxaye sa qaỹaraue'c caua na'axa'te da qami' hueta'agueta. Qaq ỹoqo'oye qauqueuoitapigui' nagui da ñaq huo'o na yo'oqchiguiñi, yaqto' saishet da qami' ique'elaxa't ca napalaxa. Cha'aye cam queuotapigui na napalaxa, camaye saishet da ỹaỹaten cam tata'ague.

Efesios 6:13

Qaq ỹoqo'oye ¡qaupaqtaxañiỹa qome 'enauac na no'ogoxonaxatpi maye qami' ỹanema Ñim Lo'onatac 'Enauacna! Yaqto' da nvildeuo caua na'axa'te maye qauema, nache da qami' iloquiaxa'n so pa'aguenataxanaxaic, nache ishet da qauataiỹa'aguet. Qaq da mashe ime da qarloquiaxaqui, nache qoquiito'ot da qanaỹamaxacheetai'.

Gálatas 6:10

Qaq ỹoqo'oye da ivita da huo'o ca so'otaq, qalaq 'enauac so'otaxac ca ỹaỹamaqchiguiñi na shiỹaxauapi, qalaxaye hua'auchiguiñi ñaqa'enaq na maiche qara'amqaanataxanaxauapi.

Eclesiastés 12:1

Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

Romanos 13:11

Qaq 'enauac de'era sheetega da qami' iuen da qauloỹa'alo ne'enaua na'axa'te maye souaqtaiguilo, qaq qami' qoviitaigui da 'eeta'am da qauo'ocheeta. ¡Mashe ivita ye laloqo' da qanloiuec! Mashe saqaỹapeque ca na'a'q da Ñim Lo'onatac 'Enauacna qomi' nca'alaxatre'c; ỹataqta 'eesa da saqaỹapeque saq 'ena'am co'ollaq cheta'ague da sa'amaqtenaq So Jesús.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Gálatas 1:4

So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.

1 Corintios 7:26

Da iuennataxac 'eeta': Ca shiỹaxaua no'on da nache 'eetai' da saq ỹaxanec cam hueta'a, souaxat naua na'axa'te maye souaqtaiguilo da ỹataqta huo'o da lqalai'c.

Salmos 37:19

Qataq da ivita da qauema naua na'axa'te, qalaq namayepi qaica ca iueetac, qataq da ivita da huo'o na nqouaxa qalaq namayepi huañi na aloq.

Efesios 6:15

Qataq nataqa'en qami' lhuotte' da qaua'axache da no'on na'axaỹaxac maye chegaqaigui da nlagaxayec; ¡ỹataqta qami' lhuotte' qome da qaua'axache damaye!

Eclesiastés 11:2

Cam 'am hueto'ot, 'aỹa'anoiguilo caua siete huo'otaq caua ocho, cha'aye sa 'auaỹaten negue't cam qauem maye ishet da nvira ana 'alhua.

Génesis 29:7

Qaq huaña nache so Jacob, 'enapeco': «Nagui ña nalota't na na'a'q da qaỹapoua'a ana qaguetapi. Qaq ¿ta'ainco' da sa qanỹomaxañi anamayepi, qaq ime nache qaltaq qauaviqui da qauquia'axañi?»

Daniel 2:8

Nache so nta'a ỹasat, 'eeta': Aỹem saỹaten da qami' qauauoitaique da chochaq qanquigaxacheeta de'era, cha'aye mashe qaua'aqaichigui dam iuennataxac.

Mateo 25:17

Qaq nache 'eetec nataqa'en som ỹaconeguet asom dos mil anom, somaye ivi' dos mil aso laỹe laueque.