Efesios 5:15 - La'aqtaqa Ñim Lo'onatac 'Enauacna 2013

¹⁵ Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Nuevo Testamento Toba Sur

¹⁵ Qaq ÿoqo'oyi ÿataqta qauloitegue qome da qadataxaqui. Sa ishit da qoñiita'am cam saqca ca ÿaÿajnapec. Chaqdata da qoñiita'am ca ÿajnaxanaxaic.

Nuevo Testamento Toba Sombrero Negro

¹⁵ Chane'eja 'noota qom yataqata auenache'ta nale joga'me jetaque auauoyi, qama'le ena'te auadenaĝachi' gaa'me chiyoĝo's dite gaa'me yatenaĝanaĝayaqa.

Efesios 5:15 Referans Kwoze

Colosenses 4:5

Qataq ỹataqta qanaỹaanaxanaqchiñi da qautaqaitague' nam saxanaxa da da'amqaanataxan. Ỹataqta qauqopitaxañiỹa'ape naua na'axa'te, da huo'o ca qardaqa'ai.

Santiago 3:13

Da huo'o ca 'oonolec da qoñiita da ỹataqta ỹaanaxanaxaic qataq sa nqalat, nache iuen da ỹachaxan ca ỹaỹamaqchiguiñi maye ỹo'ot qataq ỹachaxan da saishet da na'amqaanaxaic.

Filipenses 1:27

Qaq nachaqrato' da qanpogoxoiñiỹapegue' da yaqto' da qarataxaqui nateeteguet da lapaxaguenataxanaxac So Cristo. Qaq yaqto' qom qami' sevitalo, huo'otaq da saishet, qalaxaye ñaqaiyeta ñeshetaique da aỹem nvira'a qome ca ỹa'axaỹaxac da qoñiita da saishet da qanañaxañiiñi, qataq da qanhuooñeta't, qataq da qanaỹaañeta't da qauloquiitapeguelec da qaua'axacheetac da no'on na'axaỹaxac.

1 Corintios 14:20

Qami' ỹaqaỹañicpi, qoñiita'am qome ca nogotolec maye qaica ca lasouaxashet, qalaxaye saishet da qaue'enaxache da lhuennataxac. Nachaqrata da qaue'enaxache da lhuennataxac ca shiỹaxaua ỹe.

Proverbios 14:8

Da laỹaanec ca ỹaanaxanaxaic ỹo'ot da ỹaỹateetegue da lataxac camaye, qaq ca qaica ca ỹaỹaanapec qalaq maiche ỹatenachet da no'oopashaxac.

1 Timoteo 6:9

Qalaxaye cam nda'a't da iuennatega da nsallaxa, nache camaye lqoiñiguishec so pa'aguenataxanaxaic. Ivitta'a da lpachigui na qalota lqopitaxanaqtaicpi maye qaica ca naigui, qataq na'aqchet, nache iviraxatta'a da ỹataqta nlachiguiñi.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

1 Ts 5:15

Ỹataqta qanchelliỹa'a't, saqca ca isheetena'aguet ca sa ỹaỹamaxañi da ỹo'otec ca lỹa. Chaqrato' da qami' qanpogoxoiñiỹapegue' da qauo'ochec ca ỹaỹamaqchiguiñi ñi 'oonolec da qoñiita qataq 'enauac na laỹepi shiỹaxauapi.

Lucas 24:25

Nache So Jesús 'enapeco': –¡Ỹataqta qaico' ca qauaỹaañiỹapec qami', qataq qaỹaloqta da qaua'amaqchiñi 'enauac nam la'aqtaxanaxacpi co'ollaxa som la'aqtaxanaxanecpi Ñim Lo'onatac 'Enauacna!

Gálatas 3:3

Qaq da nache 'eetec de'era, qalaq ¿ta'ainco' qone' da qauoita'a sa qauaỹachiñi? Ye da qoquiilec da dalaxaic achaalataxac, nache qaviñi So Saqcha'a La'añaxac Ñim Lo'onatac 'Enauacna, qaq ¿ta'ainco' nagui da qauauoitaique da qauachegoxochiỹaigui da maiche qana'añaxataxaqui?

Da na'aqtaguec so Job 2:10

Qalaxaye so Job 'enapeco': «¡'Am 'alo, saishet da 'anasaxauec de'era sa ỹaỹamaxañi! Cha'aye qomi' saconaxaguet 'enauac na ỹaỹamaqchiguiñisat maye qomi' namaxalo Ñim Lo'onatac 'Enauacna, qalaq ¿ta'ainco' taxa da saisheto' da sa saconaxaguet nataqa'en ca sa ỹaỹamaxañi?» Qaq 'era da 'eetec da huaigui so Job, qalaxaye somaye qaica ca lasouaxashet, ivira'alo naua la'aqtaqa.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Mateo 27:24

Qaq so Pilato co'ollaq ila'a da saishet da ỹañoxot so shiỹaxauapi, nachaqrata da nquictasheguem somayepi da lliỹa't. Nache damaxasoxonaique so 'etaxat da qandoua'a, nache somaye ỹauaachigui naqa'en so shiỹaxauapi da iỹoi' naua lhua'q, nache 'enapeco': –Aỹem saishet da ỹasouaxashet da l-leuaxa de'era ỹale. Qami' maye qarasouaxashechi de'era.

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Mateo 8:4

Nache So Jesús 'enapega somaye, 'eeta': –¡Ỹataqta 'ana'axaỹaxaachigui qome de'era shenapec! Saishet qome da huo'o ca 'aua'axatem de'era. Nachaqrata da 'am qojec, 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, qataq 'aỹa'aneuo qome aca 'arachetaqtaxanaqte maye damaxasoxoolec co'ollaxa so Moisés, yaqto' qaỹaỹaten da mashe 'am no'oita.

Efesios 5:33

Qaq ỹoqo'oye ñi 'oonolec da qoñiita ỹataqta ỹauotec aca lhua, 'eeta'am da lauotaxanaqtaic da maiche nachaalataxac. Qaq aca 'alo ỹataqta huo'o naq 'enec naqa'en ca lhua.

2 Samuel 24:10

Qaq co'ollaq ime aso le'enaxat lmalate se'eso shiỹaxauapi, nache so David ỹataqta huo'o da ntogotaxac, nache da'aqtaxanem Ñim Nataxala', 'eeta': «'Am Nataxala', aỹem, ỹataqta lta'araic da ỹasouaxashet, souaxat da so'ot de'era. Qalaxaye nagui 'onaxaico' da 'auapalaxat de'era ne'enaxac ne'ena 'aramaxashec.»

Éxodo 23:13

Qaupaquiichigui qome 'enauac ne'ena lataxacpi da qauo'oche, qataq saishet qome da huo'o ca iỹaxaatacot ca ỹaqa'a atamnaxala', da iỹaxaataique ca ntaunaguec, qataq saishet da choche nasaqtapeguec da le'enaxat camaye.»

Colosenses 1:9

Co'ollaq choche saỹaanaq 'enauac de'era, nache qolaqtot da qami' ñeqouagaxaunaqtapegueleguete. Seỹaxanaqtacot Ñim Lo'onatac 'Enauacna da ña qami' ỹauattonaxanaxaneque dam ỹataqta 'eetapeguec Ñimaye, qataq da qami' ỹanema na ỹotta'a't naỹaaneguesat qataq da nauattonaxanaxac maye chegoqo'ot So Saqcha'a Na'añaxac Qui'itta.

Gálatas 3:1

¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.

Mateo 27:4

nache 'eetega somayepi, 'eeta': –Aỹem huo'o da ỹasouaxashet hueto'ot Ñim Lo'onatac 'Enauacna, cha'aye saneguet da nalaataguec So Jesús, qaq Somaye qaica ca ỹasouaxat. Qalaxaye somayepi 'enapeco': –Aque', ¡Damaye saishet da saqtegueua'a! ¡Damaye maiche 'arasouaxashet!

Mateo 25:2

Qaq cinco soomaye soua sa naỹamaxata'ape, qataq cinco soua naỹamaxatte'.

Salmos 73:22

souaxat da qaica ca saỹaanapec qataq da iualoxonaxac, nache sheeta'am ca shiguiỹac da 'am ñachatto'ot.

Proverbios 15:21

Ca qaica ca ỹaỹaanapec qalaq machiguiñi naqa'en da no'oopashaxac, qaq ca ỹaanataxanaxaic qalaq ỹaỹamaxatchiguiñi da lqauaxac.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.