Efesios 5:11 - La'aqtaqa Ñim Lo'onatac 'Enauacna 2013

¹¹ Qataq saishet qome da qa'aitegueua'a nam ỹo'ottacpi nam sa ỹauatton Ñim Lo'onatac 'Enauacna, cha'aye nam ỹo'ottacpi qaica ca naigui. Nachaqrata da qauachaxañiỹa nam npe'enaxacpi.

Nuevo Testamento Toba Sur

¹¹ Qataq sa ishit qome da qanhuañiÿau'a nam qaica ca naigui lataxaguesat mayi i'ottac nam huetaigui na napalaxa. Chaqdata da qauachaxañi ca llic, da yaqto' qaÿaÿaten.

Nuevo Testamento Toba Sombrero Negro

¹¹ Ena'te auadenaĝachi' gaa'me 'yetedac ga'me jo'ne uetaue joga'me 'naltapiye, qa'a yataqata qaya'te chiyaqayi, dite da'me aueñi di'yoq ga'me ladi'j qaedi yataqata male yayate'n da'me eja.

Efesios 5:11 Referans Kwoze

Romanos 13:12

¡Mashe yaqta'a da ivita ye laloqo'! Qaq ỹoqo'oye nagui saxanaxañi da so'otaqtac da qaye'etaxaloxo, cha'aye da qaỹo'ottac damaye, nache 'eeta'am da qanayeetaigui na napalaxa. Nachaqrata da so'otaq ca ỹaỹamaqchiguiñi maye 'eeta'am da qanayeetaigui da yo'oqchiguiñi. Ñellaqañi da qarqopitaxanaqtaic maye qomi' ỹauecta'alo da so'otaq ca qauem, ime, nache ño'onaxataq da qarataxac, 'eeta'am da ima'ape naua na'axa'te da souaqtaigui ye na'a'q. Saishet da ñeqo'onaxa ca naponaxac maye huaña da sa qailo'ogue da nataxac, saishet da qomi' taxaiqa qataq saishet da qomi' quisheguetaxaiqa, qataq saishet da qolaqtague' da qaramanaxanaqtaic, qataq saishet da ñimitaqta'a da loquiaxac, qataq saishet da qomi' ca'alaxanaxaiqa. Nachaqrato' da sa'axasoqta'a So Jesucristo da qomi' npaxattaleguete qataq qomi' itauaata'ape da se'enaxataq da maiche lataxac.

1 Timoteo 5:20

Qalaxaye ca saishet da ỹaxaañi da lle'etaxaloxo, nache 'ana'axannec da qonapega qataq ỹauaachigui 'anqa'en na laỹepi 'amqaanataxanaxaicpi yaqto' namayepi ishet da ñi'i, nache saishet da huo'o ca ỹe'enaxat camaye.

2 Ts 3:6

Qami' qarqaỹa't, qami' shenaqapegalo, cha'aye qomi' lamaxa'she So Qarataxala' Jesucristo, da saishet da qavi'enaxache da lataxac ca camachaqca qarqaỹa da saishet da do'onataxan, qataq lamaaxa da saishet da quetegue da qarapaxaguenataxanaxac maye qami' sanaxama.

Romanos 16:17

Qami' ỹaqaỹañicpi, qami' ñachoxoreetoiguilo da ỹataqta qarvichiỹa'aguet qome nam colaxagui naqa'en na 'amqaanataxanaxaicpi. Namayepi ỹataqta dataỹa'aguet 'enauac nam qami' qaỹapaxagueneque. Qoquiỹa'ai qome namayepi,

Apocalipsis 18:4

Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.

Tito 2:15

Qaq 'era qome da 'auapaxaguenataxanec 'arolec da 'ara'añaxac da 'aua'añaqchet qataq 'auaỹamaxaañi na 'amqaanataxanaxaicpi. Qataq qaica ca 'am nataỹaña.

2 Ts 3:14

Da huo'o ca 'oonolec da qoñiita da saishet da ỹalaxalec da qara'aqtac maye huetalec ana qorere, qaq camaye ỹataqta qauauattoñiita. Nache saishet da qavi'enaxache da lataxac, yaqto' camaye maiche na'aloxon.

Romanos 6:21

Qaq ¿negue't cam qauachegoxochiỹaigui damaye? Nachaqrata da qauachegoxochiỹaigui da qara'aloqoi qataq da nache 'eetai' da qami' qaỹoqtalo Ñim Lo'onatac 'Enauacna.

2 Timoteo 4:2

Sauotaique da 'am 'aua'axat da na'aqtac da huo'o ca 'ardaqa', nache 'ena'am da qaica ca 'ardaqa'. 'Auachaxana da lsomaxac na shiỹaxauapi, 'auaỹamaxaañi qataq 'aua'añaqchet qataq 'anhualaxaune' da 'auapaxaguen.

2 Timoteo 3:5

Namayepi 'eetega ỹauotec qataq huo'o naq 'enec naqa'en Ñim Lo'onatac 'Enauacna, qalaxaye da lataxac npe'eneguet da ỹoqta lataxac da na'amqaanataxanaxac. Qaq 'ena qome na 'antela'aguet.

Gálatas 6:8

Da qolaqtague' nam qauem qarqopitaxanaqtaic, nache da qarleuaxa chochaq tatec; qalaxaye da salaxasoxoguet So Saqcha'a Na'añaxac, nache qomi' taỹoto da nca'alaxa chochaq tatec.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Proverbios 13:18

Ca ỹo'otan na nqataxacpi qalaq taỹa'a da lachoxoyec qataq qaica ca llo'oxoyec, qaq ca ỹasateguet da qaitaxaỹaua'a qalaq ỹaconeguet ca ño'oxonnataguec.

Levítico 19:17

Saishet da choche qauacheetaigui añi qarquiyaqche ca npe'enaxac ca qarỹai. Ỹataqta qoñiỹapega, yaqto' saishet da qanhuañiỹaua'a ca ỹo'ot lle'etaxaloxo.

1 Ts 5:7

Ca sa naỹamaxateguet da lviraxac So Qarataxala' qataq huetaigui da lle'etaxaloxo qataq taxaic, camaye ỹataqta huetaigui na napalaxa.

Lucas 3:19

Nataqa'en iviraxato'ot so nta'a Herodes souaxat da huaroneguet aso Herodías, maye lhua so lqaỹa Filipo, qataq nataqa'en souaxat nam laỹepi ỹo'otpi maye sa ỹaỹamaxañi.

Efesios 5:7

Qaq ỹoqo'oye saishet qome da qa'aitegueua'a na shiỹaxauapi maye ỹo'ottac de'era.

Efesios 4:22

Qaq ỹoqo'oye 'onaxaic da saishet da qoviitaigui huo'otaq qavi'eguelaqaỹa da togoshec qarataxaqui, dam qauem lqopitaxanaqtaic co'ollaxa da qarapachiỹaxaqui maye ỹauectac da qanachaalataxaqui.

Isaías 29:21

qataq nam nmaxalec naxa ca lỹa da 'eetega laataxanaxaic, qataq nam ỹatenachet naxa cam nmit na nasouaxashet, qataq nam datenataxan naxa da yaqto' ỹaneguet da qauem cam qaica ca lasouaxashet.

Proverbios 25:12

Qataq 'eeta'am nataqa'en aca chiguishaqte huo'otaq aca nqola maye chegaqaigui na ndota't oro, cam ỹaỹaten da na'axaỹaxana ca la'aqtac ca ỹaanaxanaxaic.

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Génesis 20:16

Qaq nataqa'en 'enapega aso Sara, 'eeta': «Nam sanempi da 'arqaỹa, ỹataqta saqaỹoqtegue añi ivi' lasheue, qaq namayepi nala'aguet qome da npaxaalec da no'on 'ana'aqtaguec, da yaqto' na 'am neto'otpi saishet da 'am ỹasaxalec ca sa ỹaỹamaxañi ltaxaỹaxac.»

Proverbios 19:25

Da 'auaxan ca sancherapec, nache ỹaỹaanataxanaxan ca qaica ca ỹaỹaanapec, qaq da 'anlaxanec ca ỹaanaxanaxaic nache nquictec da lauattonaxanaxac.

Proverbios 15:12

Ca nogoqtaxanaxaic saishet da ỹauotec ca nlaxanec camaye, qataq saishet da nmittaique da ỹalectaigui na ỹaanaxanaxaicpi.

Mateo 18:15

Da huo'o ca 'oonolec nam Aỹem ca'attague' da 'am ỹo'otec ca qauem, qaq no'on da 'andote' camaye da 'aua'aqtaxanem ca lsomaxac. Qaq camaye da huo'otaq 'am ỹalaxaguet, nache 'am qaltaq 'araueguec camaye.

Jeremías 15:17

Aỹem sevitta'aguet co'ollaxa da salecta'aguet nam nda'a't da iuennatega da la'ashaxac, nache chegoqchiguiña co'ollaq aỹem 'auacona da aỹem 'aralamaxat, nache aỹem 'oonolec da huo'o ye soota'a, cha'aye aỹem 'anlaxatchigui da 'arayeloxo.

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

1 Timoteo 6:5

qataq qaica ca loga't da loquiaxac. Qaq nam shiỹaxauapi maye ỹo'ottac de'era, namayepi ỹataqta sa ỹaỹaten da ỹaỹamaxatchiguiñi ca lhuennataxac, namayepi saishet da ỹaỹaten da 'eesa lataxac. Namayepi ipi'itaxaatega da qaỹachegoxotchigui da na'amqaanataxanaxac da qanauec ca lta'araic nsallaxa.

Proverbios 1:10

Na 'etaxaloxoicpi da huotaique da 'am ỹatenachet, qalaq saishet qome da 'auca'ategue, 'am ỹalcolec.

Proverbios 28:4

Qaq ca ca'ai da llec na napaxaguenataxanaxacpi camaye ỹo'oxoreetac qome na qauemaicpi, qaq ca ỹalaxaguet na napaxaguenataxanaxacpi qalaq dataỹa'aguet namayepi.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Efesios 5:12

Cha'aye ỹataqta 'eesa da ỹo'ot da na'agaxa da qaỹa'axat nam ỹo'ottac namayepi maye ỹoxottañi.

Colosenses 1:12

da qaỹa'añiitacot da qana'achecỹaxaqui Ñim Lo'onatac 'Enauacna, maye Nta'a. Cha'aye Ñimaye iqataxaatapigui' da qomi' ỹanema qom huaigui dam lo'onataxanaxac maye yo'oqchiguiñi, da nsallaxa maye ỹachaxanapecot nam lalamaxatpi llalaqpi.

1 Timoteo 5:22

Saishet da 'aỹalapegue' da huo'o ca 'aneua'a da lo'onataxanaxac Ñim Lo'onatac 'Enauacna, cha'aye saiuena'a da huo'o ca lasouaxashet, nache nataqa'en 'am nshepaxanaqchet. ¡'Antela'agueto' 'enauac na sa ỹaỹamaxañisat!