Efesios 5:10 - La'aqtaqa Ñim Lo'onatac 'Enauacna 2013

¹⁰ Qataq qanpogoxoiñiỹapegue' qome da qauo'oche ca lataxac maye ỹaỹamaxareeta Ñim Lo'onatac 'Enauacna.

Nuevo Testamento Toba Sur

¹⁰ Qataq qanpogoxoiñiÿapegue' qome da qauaÿajñi ca lataxac ca ÿaÿamaxadeeta ñi qadataxala'.

Nuevo Testamento Toba Sombrero Negro

¹⁰ Qama'le 'noota qom anapaĝagueñiyalo gaa'me yataqata yiyamaĝade'n joñe'me Qadejaliaĝanec qama'le auauoyi nale.

Efesios 5:10 Referans Kwoze

Hebreos 12:28

Sanqot da qana'achec Ñim Lo'onatac 'Enauacna, cha'aye da lo'onataxanaxac Ñimaye maye qomi' ỹanema saishet da ishet da qanqochenaxat. Qaq ỹoqo'oye iuen da sho'oxorenaq Ñimaye chegoqchigui da lta'araic lsoxoyec qataq da ño'oxonnataguec maye ỹaỹamaxareeta da qoỹami'.

Salmos 19:14

Nache ỹataqta 'auaỹamaxareete' naua ỹa'aqtaqa qataq naua iuennataxaco, 'am Ỹataxala', nache 'am maye aỹem 'aupelteetalec qataq aỹem 'ampaxattalec.

1 Pedro 2:20

Da huo'o ca qaỹauo'o ca nhuaxanaguec souaxat da huo'o ca ỹo'ot qauem, nache camaye da na'añaxateguet qataq lhueneguet ca nque'eenaxac, nache de'era saishet da qaỹa'aalac. Qalaxaye da huo'otaq huo'o ca nque'eten qataq na'añaxateguet da nque'eenaxac souaxat da ỹo'ottac ca ỹaỹamaqchiguiñi, nache Ñim Lo'onatac 'Enauacna ỹaalec da nqouagaxa camaye.

1 Ts 5:21

Qalaxaye qavi'iguiñi 'enauac, qaq cam ỹaỹamaqchiguiñi, nacheca qauaỹamaxache.

1 Timoteo 2:3

Qaq de'era qouagaxaunaxac, nachera da ỹataqta ỹaỹamaqchiguiñi qataq laỹamaxannatac Ñim Lo'onatac 'Enauacna maye Qarca'alaxaqui,

Filipenses 1:10

yaqto' ishet da qauaỹaañi da qalca'aiua'a ca ỹataqta no'on. Yaqto' da ivita da ñe'eguelaq So Jesucristo, nache qaica ca qarasouaxashechi, qataq qaica ca qami' ỹasaxaleguete ca qarasouaxashechi.

Romanos 14:18

Qaq da nache shenaqtec de'era da so'onataxanaqot So Jesucristo, nache Ñim Lo'onatac 'Enauacna qomi' ỹaỹamaxareete', qataq huo'o naq 'enec naqa'en da shenaqta 'enauac na shiỹaxauapi.

Proverbios 21:3

Da qaỹo'ot ca no'on qataq ca nalochiguiñi lataxac, qalaq ỹaỹamaxareeta Ñim Lo'onatac 'Enauacna, qaq saq 'ena'am da qoỹaatapegueuo ana nachetaqtaxanaqtepi.

1 Timoteo 5:4

Qalaxaye aca pa'ai da huo'o ca llalec huo'otaq laual, nache caamaye iue'n da hua'auyiñi da itaua'n acamaye na lhuenaxanaxasat, ỹe'eguelaxatteguet dam ltelaxa co'ollaxa qataq da ltaunaxanaxac acamaye. Cha'aye de'era ỹataqta ỹaỹamaxareeta Ñim Lo'onatac 'Enauacna.

Jeremías 6:20

¿Ta'ainco' da aỹem qandoiua'a nam nchenaxanaxat maye qauachegoxochiỹa'a ye Sabá, qataq ana nañiguishe maye ama na laita maye qauachegoxochiỹa'a cam qaỹoqta 'alhua? Aỹem saishet sa saỹamaxarem nam qarachetaqtaxanaxache maye qauavigaxacheeta qataq na laỹepi.»

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

1 Samuel 17:39

Ime, nache so David na'achigui so lainec, nache ỹe'eguen da queuoỹapigui', qalaxaye souaxat da saq naỹa'aque se'esoua anogo, nache saishet da coto, ime nache 'enapego' so Saúl, 'eeta': Aỹem sa seshet da saatrañi ne'enaua anogo, cha'aye saishet da sanaỹa'aque. Ime, nache nqa't 'enauaque soomaye.

Isaías 58:5

¿Qalqo' qaupichiitega da saỹamaxareeta da qouaqchetaxac maye qaỹo'ot naxa da naquicoxo, qataq da naqtañi ca shiỹaxaua 'eeta'am aca na'aate, qataq da qoỹaatrañi naua nogo maye sansattegueta da qannaatangui na alo? ¿Qaq nachera peta'a dam qauamachiỹa'ac qouaqchetaxac, qataq na'a'q maye ỹaỹamaxareeta Ñim Nataxala'?

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.