Efesios 4:9 - La'aqtaqa Ñim Lo'onatac 'Enauacna 2013

⁹ Qaq ¿hua'ague ca 'eetec ca naigui de'era na'aqtac maye 'eeta': «taigue da piguem»? Qomye, damaye naigui da Somaye ỹa'auaxaañi co'ollaxa da naỹa ana 'alhua.

Nuevo Testamento Toba Sur

⁹ Qaq ¿huá'ague ca 'eetec ca naigui de'eda n'aqtac mayi 'eeta': “taigue da piguem?” Qomyi damayi naigui da somayi i'auaxaañi co'ollaxa da naÿa ana 'alhua mayi ÿataqta qaÿoqta.

Nuevo Testamento Toba Sombrero Negro

⁹ Chane'eja, ¿jach'e jogamaĝa yelo'teguet jo'me 'naqatac jo'ne enaac da'me yec'adije'ma di'me yataqata p'ajeguem? Qa'a nach'eda yelo'teguet joñe'me jo'ne 'uaeñe da'me nenochi'ña jena'me jenjo' aleua jo'ne p'añe.

Efesios 4:9 Referans Kwoze

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Juan 6:33

Cha'aye aca nauole maye ỹan Ñim Lo'onatac 'Enauacna, nachaca acam chegoqo'ot na piguem qataq anac da ỹami' da lca'alaxa 'enauac na shiỹaxauapi.

Proverbios 30:4

¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Salmos 63:9

Qaq nam ỹauotaique da aỹem ỹalauat qalaq huañi qome, nache taigui na pa'aguiñi na 'alhua.

Hebreos 2:9

Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.

Juan 20:17

Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

Salmos 8:5

Cha'aye co'ollaq 'auo'ot, qalaq huac da 'eeta'am 'anqa'en na namaxashecpi piguem le'ecpi, nache 'aỹa'anem da la'amaqchec qataq da llo'oxoyec,

Génesis 11:5

Qalaxaye Ñim Nataxala', huenotec co'ollaxa da yaqto' imeten so huaqta'a't nỹecpi, qataq aso naue maye no'oxootapiguisheguem so shiỹaxauapi,

Hebreos 2:7

¡Qomi' 'auo'o't co'ollaxa da hua'c da shenaqta'am 'anqa'en na 'aramaxashec piguem le'ecpi! Qataq qomi' 'auo'oteque da shenaqta'am na nta'alpi;

Juan 8:14

Nache So Jesús 'enapeco': –De'era ỹa'aqtaxanaxac, damaye ỹataqta 'eesa, na'aictaxa da huo'otaq Aỹem maiche ña'axattapeguela't. Cha'aye saỹateeta ye sachegoqchiguiña, qataq dam sata'ague. Qami', qalaxaye saishet da qauaỹaañi.

Juan 6:62

Qaq ¿hua'ago' ca qoñiitec qone' da huo'otaq qami' qauloỹa'a na Shiỹaxaua Llalec da ỹe'eguelaxasheguema yem hueta'a co'ollaxa?

Juan 6:58

Qaq Aỹem sa'axattac aso nauole maye chegoqo'ot na piguem. Qaq asa'aso nauole, asomaye saishet da 'eeta'am aso maná, maye chectac co'ollaxa som hua'au qarta'ailpi, qalaxaye nache 'ena'am 'enauac somayepi ileu. Qaq cam chec asa'aso nauole maye sa'axattac, nache camaye nache 'eetai' da nca'altauec.

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Juan 6:41

Huaña, nache huo'o na judiopi le'ecpi da quetapeguelec So Jesús, souaxat co'ollaxa da 'eeta': «Aỹem Nachaỹem nauole, maye sachegoqo'ot na piguem.»

Juan 6:38

Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

Salmos 139:15

'Am 'aulotagui co'ollaxa da lañaxataxac da ỹo'ocỹaxac, co'ollaq ñañaxattac huaña ca saqcha'a, co'ollaq ñaq na'attega't da ỹo'ocỹaxac huaña ca qaỹoqchiguiña pa'aguiñi ana 'alhua.

Éxodo 19:20

Nache Ñim Nataxala' huenotec taalec so ỹataqta pa'asheguem añi qasoxonaxa Sinaí. Ime, nache 'enapega so Moisés da huenotsheguemec se'eso 'alhua. Nache so Moisés huenotsheguem.

Ezequiel 31:14

Qaq huaña nache qaca aca qo'oipaq da nquictasheguem da lañaxataxac, na'aictaxa da hueto'ot na loigue ca 'etaxat qataq na'aictaxa da qaicottalec, qalaxaye saishet da ishet da iviro'ot na lsheenec na lo'oc na piguem. Cha'aye 'enauac da taỹa'a da ileu, nache taña na ỹataqta pa'aguiñi na 'alhua, da yaqto' ỹalecta'aguet na mashe huetangui ana huachiqui.