Efesios 4:4 - La'aqtaqa Ñim Lo'onatac 'Enauacna 2013

⁴ Ỹataqta 'eesa da 'oonolec da no'ocỹaxac, qataq 'oonolec So Saqcha'a Na'añaxac Qui'itta. Cha'aye Ñim Lo'onatac 'Enauacna qami' iỹaxanalo co'ollaxa, da yaqto' 'oonolec naqa'en da qanaquitaxaqui.

Nuevo Testamento Toba Sur

⁴ Cha'ayi 'oonolec da n'oquiaxac, qataq 'oonolec so Espíritu Santo. Cha'ayi ñi Dios qami' iÿaxanalo co'ollaxa, da yaqto' 'oonolec naq'en da qanaquitaxaqui.

Nuevo Testamento Toba Sombrero Negro

⁴ Qa'a jena'me Dios lec'oqo'tepi onolec da'me 'loyaĝac, nataq'aen onolec ñe'me Dios Lepaqal jo'ne qo'mi uetauelo, nataq'aen onolec da'me jepagaqatapega, nach'eda da'me nec'alaĝac jo'ne Dios qo'mi yiyaĝanalo qaedi jaĝaue.

Efesios 4:4 Referans Kwoze

Efesios 2:18

Chegoqchigui da ỹo'ot So Cristo da, na'aictaxa na lauo' le'ecpi judiopi huo'otaq nam saishet da judiopi, da 'oonolec so qomi' hueta'agueta Saqcha'a Na'añaxac som chegoqchigui da ishet da saqaỹapeque Ñim Lo'onatac 'Enauacna maye Qarta'a.

Efesios 4:1

Qaq ỹoqo'oye aỹem, maye aỹem qaicoñettai' souaxat da so'onataxaatacot So Cristo, nagui qami' ñachoxoreetoiguilo da ỹataqta qoquiitegue da lataxac nam qaiỹaxanapi maye 'eeta'ama qami', da ỹalegoigui qanqa'en nam lalamaxatpi Ñim Lo'onatac 'Enauacna.

Efesios 1:18

Qataq seỹaxaatacot Ñim Lo'onatac 'Enauacna, da yaqto' qami' ỹaỹaanaxanaxaateque de'era lta'araic naigui da nca'alaxa maye ỹami' nam lalamaxatpi. Yaqto' nataqa'en ỹataqta qauaỹaañita cam qanaquitaxaqui maye huo'omshe qami' iỹaxanalo Ñimaye.

1 Corintios 12:20

Qaq na'aictaxa da ỹotta'a't da lataxac na nogoxoshetpi, qalaxaye 'oonolec da qana'attaua'a no'ocỹaxac.

Colosenses 1:5

Qami' nache qoñiitec da qarataxaqui cha'aye, chegoqchiguiña co'ollaq qaua'aqaichigui da 'eesa na'aqtaxanaxac maye chegaqaigui dam no'on na'axaỹaxac, qataq ỹataqta qauaỹaañita da Ñim Lo'onatac 'Enauacna huo'o ca iqataxaatapigui' maye hueta'ague da piguem.

Efesios 5:30

Cha'aye ỹoqta 'eesa da ñi 'oonolec da shenaqta ña'araqtaua'a na 'amqaanataxanaxaicpi maye lo'ocỹaxac So Cristo.

1 Juan 3:3

'Enauac nam iuattaique qataq huo'o da lpi'iỹaxac da 'enauac ipacchigui de'era, nache ỹataqta ỹauo'o da na'añaxataxac da ỹo'ot ca ỹaỹamaqchiguiñi, 'eeta'am da 'eetec co'ollaxa So Jesús.

1 Pedro 1:21

Chegoqchigui So Cristo da qami' qaua'amaqchiñi Ñim Lo'onatac 'Enauacna, ñim ỹe'eguelaxalec da nca'alec naqa'en Somaye, nache ỹami' da llo'oxoyec da lo'onataxanaxac. Qaq ỹoqo'oye qami' qauacheeto'ot da qanaquitaxaqui Ñim Lo'onatac 'Enauacna qataq ỹataqta 'itchiguiñi qanqa'eñi da Ñimaye qami' ỹanema cam qami' ỹachaxanapeguema.

Tito 2:13

Nataqa'en qomi' ỹapaxagueneque da qolaqtot da qarhuataxanaxac da seuataqta'aguet que'eca na'a'q maye qomi' qaỹachaxanapeguema, da ñe'eguelaq da nactaigui da llo'oxoyec So Qarataxala' Jesucristo maye Qarta'a, qataq Qarca'alaxaqui.

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

2 Ts 2:16

Ñim Lo'onatac 'Enauacna maye Qarta'a, Ñimaye soxoraic; ỹoqo'oye qomi' ỹauoteque, nache qomi' ỹanema da chochaq tatec qaramaicỹaxac qataq da ỹataqta 'eesa da ñeca'alaxauec. Ñimaye qataq So Qarataxala' Jesucristo seỹaxanoto,

Colosenses 3:15

Qami' qaiỹaxanalo da qana'ayeetaua'a da 'oonolec no'ocỹaxac, dam lo'ocỹaxac So Cristo. Qauaqaita'a da nlagaxayec maye chegoqo'ot So Cristo da ilo'ogue da qarquiyaqteỹaxaqui, qataq qantoñiitapeguec.

Efesios 2:22

Nagui da mashe qana'ayeetaua'a So Jesucristo, nache nataqa'en qami' qana'ayeetaua'a ñi'iñi nỹec, maye netaigui Ñim Lo'onatac 'Enauacna ỹachegoxotchigui naqa'en So Saqcha'a La'añaxac.

Efesios 2:16

Chegoqchigui da l-leuaxa So Jesucristo co'ollaq qaiuaxaata'aguet so npe'enaxaqui, da Somaye ỹa'axaneguet da pa'aguenaxac maye huetaiguilo se'esoua nhuo' lashe'. Qataq l-llatcheguem se'eso pa'aguenaxac co'ollaq qaiuaxaneguet so npe'enaxaqui Somaye, ime nache ỹauaxaỹaxana't da yaqto' 'enauac da nhuo' le'ecpi qataq huetaigui da lactapiguiñi, cha'aye hueto'ot Ñim Lo'onatac 'Enauacna.

Mateo 28:19

Qaq ỹoqo'oye nagui qami' qanqo'oñiỹa qome na ỹotta'a't shiỹaxauapi 'enauac ana 'alhua da qanquigaxachiiuec na ỹapaxaguenatacpi. Qauachelaxanataxañiỹa qome da le'enaxat ñi Qarta'a, qataq na Llalec, qataq So Saqcha'a Na'añaxac Qui'itta.

Jeremías 14:8

'Am maye 'am ỹacheto'ot naxa da naquitaxac, qataq 'am lca'alaxaqui na israel le'ecpi da huaigui da lqalaic, ¿ta'ainco' da 'avi'inaxat da lataxac cam ỹaqa'a ca chegaqa'ague da qoueta'a ne'ena 'alhua, qoneta'am ca queuoxoic da 'oonolec pe da hueta'a ca lanataqa'?

Tito 3:7

Damaye ỹataqta saishet sa saxaguet, qalaxaye Ñimaye ỹachegoxotchigui da lqouagaxanaqtaic da qomi' ỹaconegueta, qataq qomi' ỹanema da yaqto' saconaxaguet da 'itchiguiñi achaalataxac chochaq tatec maye seuataqta'aguet.

1 Timoteo 1:1

'Am ỹauotaxat Timoteo: 'Am samaxa da iquinaxanaxac. Aỹem Pablo, aỹem lamaxashec So Jesucristo, cha'aye Ñim Lo'onatac 'Enauacna maye Qarca'alaxaqui, qataq So Cristo Jesús maye hueto'ot da qanaquitaxac aỹem ỹamaxalec da sa'axat de'era la'aqtac. 'Am 'ena'am da ỹoqta 'am ỹalamaxat ỹalec. Ỹoqo'oye seỹaxaatacot Ñim Lo'onatac 'Enauacna maye Qarta'a qataq So Jesucristo maye Qarataxala' da ỹataqta 'am ỹauotec qataq 'am itauaatac 'enauac nam 'auo'otpi, qataq 'am ỹami' da 'arlagaxayec.

1 Corintios 10:17

Na'aictaxa da qomi' qalote', qalaxaye 'enauac da sacheguenaq aso 'oonole nauole 'ayiiña, nache qomi' shenaqta'am ca 'oonolec no'ocỹaxac.

2 Corintios 11:4

Cha'aye qami' qana'añaxacheeguet nam qami' nvittapegueua'alo maye ỹa'axattac ca lỹa Jesús maye saq 'ena'am som sa'axataqtac, qataq da qami' qauacoñiiguet ca lỹa saqcha'a maye saq 'ena'am som Saqcha'a Na'añaxac Qui'itta maye mashe qauacoñiiguet, qataq ca lỹa na'aqtaxanaxac maye saq 'ena'am dam mashe sogote qauacoñiiguet.

Hechos 15:11

Chaqrata da qomi' sa'amaqtenaq da ñeca'alaxauec, qalaxaye chegoqchigui da lqouagaxanaqtaic So Qarataxala' Jesús, qaq nache shenaqta'am namayepi.

Jeremías 17:7

Qalaxaye no'on ca talec ca ỹale maye Aỹem pi'iỹa'a, qataq Aỹem ỹacheto'ot da naquitaxac.

Romanos 11:29

Ñim Lo'onatac 'Enauacna saishet da ñe'eguelaxaala't cam mashe ime da ỹan, qataq saishet da icoua'ai cam shiỹaxauapi maye lca'aguishecpi.

Salmos 122:8

Qaq souaxat da ỹauotaxanaqtaic na ỹaqaỹañicpi, qataq na ñauochaxauapi, nache sheeta': «Ñaq huo'o qome da nlagaxayec, 'am Jerusalén.»