Efesios 4:26 - La'aqtaqa Ñim Lo'onatac 'Enauacna 2013

²⁶ Qaq da huo'otaq qaualematai, qalaq saishet da qanashiñiiuo da ỹo'ot ca qarasouaxashechi. Qataq de'era qaralemataiqui saishet da imauec ca 'oonolec na'a'q,

Nuevo Testamento Toba Sur

²⁶ Qaq da huo'otaq qaualematai, qalaq sa ishit da qauauo'oi ca qadasouaxashichi. Qataq de'eda qadalemataique sa ishit da imauec ca 'oonolec na'a'q.

Nuevo Testamento Toba Sombrero Negro

²⁶ Qom aualemataitac, ja 'noota ga'me adalemataiqui ami yaueguedoue da'me auauoyi ga'me adoequi; ena'te auen taue ga'me nolo' da'me aualemata,

Efesios 4:26 Referans Kwoze

Santiago 1:19

Qami' ñauochaxau' ỹaqaỹa't, ỹataqta qana'axaỹaxañiichigui de'era maye qami' sa'aqtaxanema: 'enauac da qoñiita iuen da qami' lhuotte' da qana'axaỹañiỹa ca qarỹai, qalaxaye saishet da saq qami' lhuanguita qataq saishet da ỹaguec da qartaxaỹaxaqui.

Salmos 4:4

Da qaualematai qalaq saishet da qauauo'oi ca qarasouaxashichi, qaq qom qannañiitalec ca qarmala'ai ye pe nache qavi'imaqaitac, da qauennataxañiilec cam qarhuennataxaqui.

Salmos 37:8

'Axanec da 'annogoxonaxac qataq qoca'ai da 'aralemataic, saishet da 'aualemata cha'aye damaye 'am ỹauecta'a ca qauem.

Eclesiastés 7:9

Saishet qome da 'aua'aqta'a da 'am ỹauectac da nalemataic, cha'aye damaye lalamaxat cam shiỹaxaua maye qaica ca ỹaỹaanapec.

Proverbios 14:29

Ca qaỹoqchiguinguit da lalemataic camaye ỹoqta ỹaanataxanaxaic, qaq ca sancherapec qalaq ỹachaxan da ne'enaxac.

Proverbios 19:11

Da qaica ca qanqalaate' ỹo'ot da qalhueneguet da nalemataic, qataq ỹo'ot da ño'oxoyec da sa qaiqocha'a ca nogoqtaxanaxac.

Mateo 5:22

Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Marcos 3:5

Nache So Jesús ỹataqta dalemataỹa som datataiguipi, qaq co'ollaq ila'a da lquiyaqteỹaxac somayepi da ỹataqta qaramchigui qataq qaica ca lsoxoyec, nache huo'o da laquicoxo. Nache 'enapego' so sano'on, 'eeta': «'Anchennaxanec na 'arhuaq.» Nache se'eso ỹale nchennaxanec na lhuaq, nache no'oita.

Números 20:24

«Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Marcos 10:14

Qaq So Jesús co'ollaq ỹauaachigui de'era, nache dalemataỹalo soua lapaxaguenataqa. Nache 'eetegalo soomaye, 'eeta': «Ña qauaqaita'a na ñaqpiolec da Aỹem naua'a, saishet da sa qanashiñiiguet, cha'aye da lo'onataxanaxac Ñim Lo'onatac 'Enauacna, taigui cam 'eeta'am da lataxac ne'ena ñaqpiolec.

Proverbios 25:23

Na quenaquiaxaic maye chegaqa'ague da sheu' ishet da anacot na auot, qataq naua qauema na'aqtaqa ỹo'o't da qauem da nasheguiỹaxac.

Éxodo 11:8

Huaña qome, nache aỹem naỹa 'enauac ne'ena 'artauapi, nache ỹa'alyiñi naua l-llecte da aỹem iỹaxanot, 'eeta': Qoqui qome, 'am qataq 'enauac nam shiỹaxauapi maye 'am quetague', huaña qome nache ishet da ashec.» Nache ỹataqta dalemata so Moisés co'ollaq ca'ai so faraón.

Deuteronómio 24:15

Qaq camaye nacheye ye na'a'q da 'ausheeten aca laueque, da ñaq saxanaxa inoxooñi añi nala', cha'aye camaye choxoraq qataq iuen aca'aca laueque da yaqto' deque'etac. Ten qom iỹaxanot Ñim Nataxala' da 'am talec naqa'en ca qauem, nache huo'o qome ca 'arasouaxashet.

Santiago 1:20

Cha'aye na shiỹaxauapi maye sa ncherapec, saishet da ỹo'ot ca 'eetapeguec Ñim Lo'onatac 'Enauacna.

1 Samuel 20:34

Nache so Jonatán ỹataqta dalemata, nache ñesheguem ca'ai so nquia'axala'. Nache saishet da ỹalegueua'a so nquia'axac so lỹa na'a'q, cha'aye saỹaỹamaxaren qataq ỹaquicoqchet da so lta'a ỹoqta dalemataỹa so David.