Efesios 4:25 - La'aqtaqa Ñim Lo'onatac 'Enauacna 2013

²⁵ Qaq ỹoqo'oye ñi 'oonolec saishet da ỹatenachettac ca lỹa. Cha'aye 'enauac qomi' ña'araqtaua'a da 'oonolec no'ocỹaxac. Ỹoqo'oye ñi 'oonolec da qoñiita ỹataqta 'eesa qome da huo'o ca la'aqtac.

Nuevo Testamento Toba Sur

²⁵ Qaq ÿoqo'oyi sa ishit nagui da qanasaqaiuec ca natenataxanaxac. Ñi 'oonolec da qoñiita ÿataqta 'eesa ca l'aqtac da detaxaÿapegue' ca lÿa, cha'ayi 'enauac da shinaqta ñi'adaqtau'a da 'oonolec n'oquiaxac.

Nuevo Testamento Toba Sombrero Negro

²⁵ Chane'eja 'noota qom ja yitaĝa ami pecayaqa, dite da'me ami yataqatelo'te nale, anenaĝachiyegue da'me eja nale auojeyapegue'to gaa'me adaqayadi', qa'a qadalo'ta't da'me jouaqataue na'me 'loyaĝac ñe'me Cristo.

Efesios 4:25 Referans Kwoze

Colosenses 3:9

qataq saishet da huo'o ca ỹatenachet ca lỹa, cha'aye qami' mashe sogote da qaualache da qarataxaqui maye ỹo'ottac da ñe'etaxaloxo.

Zacarías 8:16

Qaq 'era da iuen da nache 'eetai' qome da qauo'ocheetac, 'eeta': Da qana'aqtaxañiitega't qalaq ỹataqta qami' 'eesora, qaq da huo'o ca qanmiche qalaq qoquiitegue da nalochiguiñi lataxac, qataq qanpogoxoiñapegue' da nlagaxayec da qoviita'a ca huaña da huo'o ca qanmit;

Proverbios 12:22

Ñim Nataxala' ỹataqta ỹaỹemec na shepecaicpi, qalaxaye ỹaỹamaxareeta na ỹo'ottac na 'eesa lataxac.

Romanos 12:5

Qaq shenaqta'am qomi' maye sa'amaqtenaqtac So Cristo, nache qomi' qalotoiguilo, qataq ña'araqtaua'a da lo'ocỹaxac So Cristo, qalaxaye ñi 'oonolec huo'o da maiche lo'onataxanaxac.

Efesios 4:15

Chaqrato' da naua qara'aqtaqa qalaq ỹataqta 'eesora, qataq qomi' soxoraiqa, qataq ỹataqta nquictasheguem da no'on qarataxac, cha'aye ña'araqtaua'a So Cristo maye nacheso so Lataxala' na 'amqaanataxanaxaicpi.

Proverbios 12:17

Ca ỹoqta 'eesa ca ỹa'axat qalaq ỹa'axat ca ỹoqta 'eesa lataxac, qaq ca saq'en qalaq ỹa'axat ca saishet da 'eesa.

Proverbios 8:7

Cha'aye de'era shenapec damaye ỹataqta 'eesa, aỹem sa saỹamaxaren da ñasaxauec ca saq'en.

Proverbios 12:19

Ca 'eesora naua la'aqtaqa qalaq qaỹoqtec da nachaalataxac, qaq ca shepecaic qalaq saqaỹaloq da imeuo.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

1 Timoteo 4:2

Qataq na'axaỹaxaatega na saq ỹataxalec qataq tenataxanaxaic maye mashe ỹavic da ntoonaxac, ỹoqo'oye qaica ca lcoxo da ỹo'ot ca sa ỹamaxañi.

Levítico 19:11

Saishet da qaucachi. Saishet da qauatenataxañi, qataq saishet da huo'o ca ỹatenachet ca lỹa.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

1 Timoteo 1:10

Qataq ca ỹale da ncachetague' aca sa lhua, huo'otaq ca maiche lỹa 'eeta'am ỹale, nataqa'en ca decachiỹa ca lỹa da imen, nataqa'en ca tenataxanaxaic, qataq ca ỹa'axat ca 'eetega lataxac, qalaxaye choche datenataxan. Qaq da ỹoqta 'eetapeguec ne'ena namaxasoxonaxacpi nshetaique da ỹaỹamaxaañi nam dataỹa'aguet dam ỹataqta ỹaỹamaqchiguiñi napaxaguenataxanaxac

2 Corintios 7:14

Qaq mashe sheetega so Tito da aỹem ỹataqta huo'o da ña'amqaanaxac souaxat qami'. Cha'aye saishet da huo'o ca aỹem qauo'ochec qauem. Chaqrata da 'enauac nam sa'aqtaxanaqteguem so Tito ỹataqta 'eesa, nataqa'en ỹataqta 'eesa nam sa'aqtaxanaqteguema qami'.

Tito 1:12

Huo'o som da'aqtaxan co'ollaxa maye maiche lma' añi ỹaqa'ata 'alhua Creta. Somaye co'ollaq 'eeta' da la'aqtac: «Nam Creta le'ecpi ỹataqta tenataxanaxaicpi, qataq yeloxoicpi, 'eeta'am na shiguiỹac, qataq saq llalcolec na chec, qataq hualaicpi.»

1 Corintios 10:17

Na'aictaxa da qomi' qalote', qalaxaye 'enauac da sacheguenaq aso 'oonole nauole 'ayiiña, nache qomi' shenaqta'am ca 'oonolec no'ocỹaxac.

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

Zacarías 8:19

«Da qouaqchetaxac maye huaigui naxa so ca'agoxoic cuatro, cinco, siete qataq diez, qalaq nmeneguet qome da tonaxac, qataq da namaicỹaxac da huo'o na lta'araic laponaxacpi nam chegoxoguetpi so Judá. ¡Qami' ỹataqta qauauochec qome da 'eesa lataxac, qataq da nlagaxayec!

Oseas 4:2

Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

Isaías 63:8

Qaq Ñimaye, 'enapec co'ollaxa: «Ne'ena nhuo' le'ecpi maiche ỹalamaxatpi, ne'ena ñalaqpi saishet qome da Aỹem ỹatenachet.» Nache Ñimaye nca'alaxateeguesop 'enauac da laquicoxo namayepi.

Isaías 9:15

Qaq na lqaic nache naigui na ỹa'axaiquipi qataq na nataxala'pi, qaq na la'araxashet qalaq nachena na na'aqtaxanaxanecpi maye dapaxaguenataxaateguec da natenataxanaxac.

Proverbios 21:6

Da nsallaxa maye qaỹachegoxotaigui da natenataxanaxac, damaye saqaỹauec qataq imeuo naqa'en ca nmitta'a da nleuaxa.

Proverbios 6:17

na'ai'te maye na'amqaanaxaiqa, qataq nachaxat maye shepecaic, qataq nhua'q maye ỹalaua't ca qaica ca ỹasouaxat,

Salmos 119:29

Qataq aỹem 'eltaxaneguet qome na llecpi da natenataxanaxac, nache aỹem 'anqouaguec da aỹem 'auapaxaguenec na 'arqataxacpi.

Salmos 52:3

qataq 'agaqnauec na qauem da 'auauotec, saq 'ena'am ca no'on, qataq 'auauotec ca shepegaxanaxac saq 'ena'am 'anqa'en ca 'eesa.

Efesios 5:30

Cha'aye ỹoqta 'eesa da ñi 'oonolec da shenaqta ña'araqtaua'a na 'amqaanataxanaxaicpi maye lo'ocỹaxac So Cristo.

1 Reyes 13:18

Nache se'eso ỹa'axaiquiolec ỹatenachet somaye, 'eeta': Aỹem, nataqa'en aỹem na'aqtaxanaxanec, sheeta'am 'am, qaq huo'o so lamaxashec Ñim Nataxala', da aỹem 'enapega, 'eeta': 'Auauega qome ye 'arma' yaqto' deque'e qataq nỹom 'etaxat.

Éxodo 23:7

Saishet qome da 'aualecaua'a ca na'aqtaxanaxac maye saq 'en, qataq saishet da 'aỹa'aneguet da nalaataguec ca saqca ca ne'enaxac, qataq qaica ca lasouaxashet, cha'aye aỹem saishet da shenapec da qaica ca lasouaxashet cam huo'o ca lasouaxashet.

Salmos 15:2

Nachecata ca qaica ca lasouaxashet, qataq ỹo'ottac ca no'on lataxac, qataq ca ỹataqta 'eesora naua 'ena'ape 'enauac da lquiyaqteỹaxac,

Proverbios 24:28

Saishet da 'auasaxalec ca saq 'en 'ara'aqtaxanaxac ca 'arỹa, qataq saishet da saq 'en ca 'aua'axat.

Efesios 4:22

Qaq ỹoqo'oye 'onaxaic da saishet da qoviitaigui huo'otaq qavi'eguelaqaỹa da togoshec qarataxaqui, dam qauem lqopitaxanaqtaic co'ollaxa da qarapachiỹaxaqui maye ỹauectac da qanachaalataxaqui.

Efesios 4:31

Qaỹa'axañiiuec qome da qaraquicoqoi qataq da qaralemataiqui. Qataq saishet da qaua'alqaitai' qataq saishet da qasheuñiitac ca qarỹai. Qataq qaỹa'axañiiñi da qauo'ocheetac na qauem.

Colosenses 3:8

Qalaxaye nagui no'on da qaỹa'axañiiuec 'enauac ne'ena: Saishet qome da qanoitac, qataq saishet qome da qanmichiita'a da qauo'ochec ca sa ỹaỹamaxañi ca qarỹai, qataq saishet da qasheuñiitac Ñim Lo'onatac 'Enauacna huo'otaq ca qoñiỹa'am shiỹaxaua,

Hebreos 12:1

¡'Enauac se'eso shiỹaxauapi nagui qomi' datataua'alo da qomi' ỹachaxaategalo da lpi'iỹaxac! Qaq ỹoqo'oye naua vi'iye maye souaqtaiguilo iuen da saxanaxañi da so'otaqtac ca qarasouaxashet, nataqa'en ño'onaxataqchigui 'enauac nam saishet da qomi' ỹalemaxa't, nache semataqo'ot Ñim Lo'onatac 'Enauacna da qanaquitaxac. Cha'aye de'era achaalataxac 'eeta'am ca qomitaxac, qaq da ñe'etaxaloxo qalaq 'eeta'am da lpattapiguilo naua qarchel da saishet da qomi' ỹashenema da ñeqalgoxosoq.

Santiago 1:21

Qaq ỹoqo'oye qaỹa'axañiiñi da qauo'ocheetac na qauem, cha'aye ỹapac mashe ỹaguec na qauem ana 'alhua. Saishet da qauo'oche da qauem; cha'aye da nache qoñiitec de'era, nache da qanachaalataxaqui nlaguiñi, 'eeta'am ca hualoq laỹe maye ltoqchet na lshepaxanaxa. Nachaqrato' da qami' huesotte' da qauacoñiiguet da la'aqtaxanaxac Ñim Lo'onatac 'Enauacna maye qami' ỹanema. De'era na'aqtaxanaxac ỹataqta huo'o da la'añaxac da qami' nca'alaxatre'c.

1 Pedro 2:1

Qaq ỹoqo'oye iuen da qaỹa'axañiiñi da qauo'ocheetac na qauem. Saisheto' da qauatenataxañiitac, qataq saishet da dos naua qoquiitegueto, qataq saishet da qami' quiỹaxanaqtaqaiqa, qataq saishet da qami' na'aqtaqa lo'o'.

Jueces 16:11

Nache so Sansón 'enapeco': Da qaỹo'ogoxona ca nañecpi dalaxaicolec maye saxanaxa da qaicoñetaxana da aỹem qaicoñerai', nache qaica de'era ỹa'añaxac, nache sheeta'am ca camachaqca shiỹaxauatto.