Efesios 4:22 - La'aqtaqa Ñim Lo'onatac 'Enauacna 2013

²² Qaq ỹoqo'oye 'onaxaic da saishet da qoviitaigui huo'otaq qavi'eguelaqaỹa da togoshec qarataxaqui, dam qauem lqopitaxanaqtaic co'ollaxa da qarapachiỹaxaqui maye ỹauectac da qanachaalataxaqui.

Nuevo Testamento Toba Sur

²² Qaq ÿoqo'oyi dam toguishic qadataxaqui co'ollaxa, damayi no'on da ÿataqta qaualachiiuec. Cha'ayi damayi taÿa'a da qanlaxajñi, qataq ÿataqta quichigui da natenataguec souaxat nam qauem 'eetapegueguesat.

Nuevo Testamento Toba Sombrero Negro

²² Chane'eja ena'te yitaĝa auacoñiyeguet ga'me at'oyaĝaqui toijec jo'ne te'me ami 'naĝa't ca'li, jouaĝat gaa'me namaico jo'ne ja ejoda.

Efesios 4:22 Referans Kwoze

Romanos 6:6

Huo'o da ỹataqta ỹataqtegue, 'eeta': Co'olloxocheye maye qomi' 'etaxaloxoiqa, qalaxaye co'ollaq So Cristo da qaiuaxaneguet so npe'enaxaqui, nache qomi' qarleuaxaua Somaye. Qaq ỹoqo'oye de'era ñe'etaxaloxo mashe saishet da qomi' ỹamaqta'ape.

Hebreos 12:1

¡'Enauac se'eso shiỹaxauapi nagui qomi' datataua'alo da qomi' ỹachaxaategalo da lpi'iỹaxac! Qaq ỹoqo'oye naua vi'iye maye souaqtaiguilo iuen da saxanaxañi da so'otaqtac ca qarasouaxashet, nataqa'en ño'onaxataqchigui 'enauac nam saishet da qomi' ỹalemaxa't, nache semataqo'ot Ñim Lo'onatac 'Enauacna da qanaquitaxac. Cha'aye de'era achaalataxac 'eeta'am ca qomitaxac, qaq da ñe'etaxaloxo qalaq 'eeta'am da lpattapiguilo naua qarchel da saishet da qomi' ỹashenema da ñeqalgoxosoq.

Santiago 1:21

Qaq ỹoqo'oye qaỹa'axañiiñi da qauo'ocheetac na qauem, cha'aye ỹapac mashe ỹaguec na qauem ana 'alhua. Saishet da qauo'oche da qauem; cha'aye da nache qoñiitec de'era, nache da qanachaalataxaqui nlaguiñi, 'eeta'am ca hualoq laỹe maye ltoqchet na lshepaxanaxa. Nachaqrato' da qami' huesotte' da qauacoñiiguet da la'aqtaxanaxac Ñim Lo'onatac 'Enauacna maye qami' ỹanema. De'era na'aqtaxanaxac ỹataqta huo'o da la'añaxac da qami' nca'alaxatre'c.

Hebreos 3:13

Nachaqrata nagui da ñaqauo'o ye qardaqa'ai, nache ñi 'oonolec ỹa'añaqchet ca lỹa da yaqto' queto'ot da naquitaxac. Yaqto' qaica ca 'eetega da 'onaxaic da qaỹauo'o ca nasouaxashet qataq qaica ca sa ỹalaxaguet Ñim Lo'onatac 'Enauacna.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Efesios 4:25

Qaq ỹoqo'oye ñi 'oonolec saishet da ỹatenachettac ca lỹa. Cha'aye 'enauac qomi' ña'araqtaua'a da 'oonolec no'ocỹaxac. Ỹoqo'oye ñi 'oonolec da qoñiita ỹataqta 'eesa qome da huo'o ca la'aqtac.

1 Pedro 4:3

Cha'aye mashe qalote' soua na'axa'te da qauo'ocheetac nam qauem maye ỹo'ottac nam saishet da ỹa'amaqten Ñim Lo'onatac 'Enauacna. Se'esoua na'axa'te qami' qoviitaigui nam ỹotta'a't namanaxanaqtaiguesat, qataq na qauem nqopitaxanaqtaiguesat, qataq qami' taxaiqa, qataq qaualliquiitaua'a na naponaxacpi maye ishet da huaigui da qaỹo'ot ca qauem, qaq dam ỹataqta ỹactec da qauem maye qauo'ocheetac, nachera dam qanatamñeetacot na ne'enaqtacpi maye saq 'en.

Efesios 4:17

Qaq cha'aye aỹem ña'attaua'a So Qarataxala', ỹoqo'oye qami' shenapegalo qataq qami' seqatalo da saishet da qoñiita'am da lataxac nam saishet da ỹauatton Ñim Lo'onatac 'Enauacna, cha'aye namayepi quetegueto naua qauema lhuennataxaco maye qaica ca naiguilo.

2 Pedro 2:13

Qataq huo'o da nque'eenaxac souaxat nam ỹo'otec nque'eenaxacpi na laỹepi, cha'aye ipettega da ivira'a da machiguiñi souaxat nam ỹo'ottacpi qauem maye maiche 'eetapeguec da ỹachaigui ye na'a'q. Ỹataqta ỹo'ot da na'agaxa da qaimeteetac nam ỹo'ottacpi qauem, qataq nam qami' ỹo'oteque qauem da qami' ỹalectraiguilo da huaigui na laponaxac na ỹa'amaqten So Jesús.

1 Pedro 1:18

Cha'aye Ñim Lo'onatac 'Enauacna qami' nca'alaxateeguesopa dam achaalataxac maye sa ỹaỹamaxañi, dam qami' ỹapaxagueneque som hua'au qarta'ailpi. Qataq qauaỹaañita da yaqto' qami' huesochiyiñi naqa'en, nache saishet da desheetenaxana cam ishet da qailaxachigui da 'eeta'am na lcat oro huo'otaq na lcat plata;

Colosenses 2:11

Na judiopi ỹauo'o na la'anaxat na lo'oc maye la'anaxat da lalamaxatpi Ñim Lo'onatac 'Enauacna. Qalaxaye Ñimaye ỹachegoxotchigui So Cristo da qami' ỹalecnoiguilo nam lalamaxatpi, nache nataqa'en nqat da qarqopitaxanaqtaiqui da qauo'ocheetac da ñe'etaxaloxo. Qaq 'era da qana'anaxache maye qami' ỹo'oteque Ñim Lo'onatac 'Enauacna.

Proverbios 11:18

Ca qauemaic ỹaconeguet ca nsheetenaguec maye saq'en, qaq ca ỹaỹamaqchiguiñi ca lo'onataxanaxac camaye ỹoqta 'eesa ca nsheetenaguec.

Da na'aqtaguec so Job 22:23

Cha'aye da 'avi'eguelaxa Ñim Qaica ca Ỹaqalanapec, huaña nache ca'ai naqa'en ye 'arma' na que'eenaxacpi.

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Abdías 1:3

Qaq dam 'ana'amqaanaxac, ỹataqta 'am ỹatenachet. 'Am maye qonetaigui nam lpoxoỹaxapi ana coma'pi, qataq qonetasheguema nam qaỹoqotcheguemapi, ỹoqo'oye 'aupi'itaxaatega da qaica ca ishet da 'am iqalagoxotec.

2 Pedro 2:7

Qalaxaye so Lot saishet da ỹavigaxat, cha'aye se'eso ỹale ỹataqta no'on da lataxac, qataq huo'o da nqui'ic da ilotagui na qauem maye ỹo'ottac se'eso shiỹaxauapi.

Jeremías 49:16

Dam 'año'oxonnaxac co'ollaxa, nachera da 'am ỹatenachet, cha'aye souaxat 'am ncolanaxat. Qataq qouetaigui na lpoxoỹaxapi na coma'pi, qoueta'a na ỹataqta qaỹoqotcheguemec qasoxonaxapi. Qalaxaye na'aictaxa da qaỹoqotcheguemec 'anqa'en ca 'arpata'c da qoneta'am ca vi'ic qalaxaye nache 'am sachegoxotchiguiña qome da 'am ñeqaañi. Qaq 'era da ỹa'aqtac Aỹem Nataxala'.

Gálatas 1:13

Qami' mashe qauaỹaañi da ỹataxac co'ollaq shectaigui da la'amqaanataxanaxac na judiopi. Nataqa'en qauaỹachiñiita da sheetec co'ollaq da sauo'o da lta'araic nque'eenaxac nam ỹa'amaqteetac Ñim Lo'onatac 'Enauacna qataq da sheetec da sauotaique da ỹataqta selaxachigui.

1 Samuel 1:14

Nache 'enapego', 'eeta': «¿Che laguio' qaq imeuec nam 'artaxa? ¡Ñaq 'axaañi ctaxa na lataxa!»

Romanos 7:11

Cha'aye de'era ñe'etaxaloxo, do'onataxana na namaxasoxonaxacpi da aỹem ỹatenachet, qaq ỹoqo'oye nache chegoqchigui namayepi da aỹem qaỹoqta Ñim Lo'onatac 'Enauacna.

Santiago 1:26

Da huo'o ca ipi'itaxaatega da ỹataqta qui'itta, qalaxaye saishet da ilo'oguelo naua la'aqtaqa, nache camaye maiche natenachettapeguela't, qataq da la'amqaanataxanaxac ỹataqta qaica ca naigui.

Jeremías 17:9

Qaica ca ỹactec da tenataxanaxaic qataq qauemaic da, 'eeta'am añi lquiyaqte ca shiỹaxaua. ¿Qaq negue't ca ishet da ỹaỹaten?

2 Corintios 11:3

Cha'aye de'era 'eetec so na'araxanaq maye sa nqalaataxaic co'ollaq ỹatenachet aso Eva, nachera da ỹo'ot da icolanaxa da saiuena'a da nataqa'en ishet da qami' ỹatenache't. Nache da qarhuennataxaqui ishet da dasheueeguesop dam huesochiguiñi qara'amqaanataxanaxaqui So Cristo.

Efesios 4:31

Qaỹa'axañiiuec qome da qaraquicoqoi qataq da qaralemataiqui. Qataq saishet da qaua'alqaitai' qataq saishet da qasheuñiitac ca qarỹai. Qataq qaỹa'axañiiñi da qauo'ocheetac na qauem.