Efesios 4:21 - La'aqtaqa Ñim Lo'onatac 'Enauacna 2013

²¹ cha'aye qami' qaua'aqaichigui da na'aqtaxanaxac maye ỹa'axat Somaye qataq qauaỹaañi da qoviitaigui da lamaxasoxonaxac qataq qoquiitague' da 'eesa, maye qami' ỹapaxagueneque Somaye.

Nuevo Testamento Toba Sur

²¹ lamaaxa da ÿoqta 'eesa da qau'aqaichigui da n'aqtaguec somayi, qataq da qami' qaÿapaxaguenque dam ÿoqta 'eesa lataxac mayi chigoqo'ot so Jesús.

Nuevo Testamento Toba Sombrero Negro

²¹ Qa'a ca'li yataqata auomachiiya da'me napaĝaguenataĝanaĝac jo'ne chiyoqo'ot ñe'me Cristo qama'le yataqata oquitapegue' da'me eja ladic jo'ne nach'ena nayi a'vichetac.

Efesios 4:21 Referans Kwoze

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Efesios 1:13

Qataq nataqa'en da qoñiita co'ollaq choche qana'axaỹaxañiỹa da no'on na'axaỹaxac maye chegaqaigui da qarca'alaqai, huaña, nache qaua'amaqchiñi So Cristo, qataq chegoqchigui Somaye da qana'ayeeua'a nam lalamaxatpi Ñim Lo'onatac 'Enauacna, qataq qauacoñiiguet So Saqcha'a Na'añaxac Qui'itta maye qomi' ỹachaxanapeguema Ñimaye.

Colosenses 2:7

Cha'aye mashe qami' napaxaguenataqa, qaq ỹoqo'oye qanquigaxachiitasheguem da qarpi'iỹaxaqui Somaye, qataq qaualaqaigueta naua lapaxaguenataxanaxaco yaqto' qanquiquiita'aguet da no'on da qarataxaqui, qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna.

Juan 14:17

Qataq camaye qami' ỹapaxagueneque cam ỹoqta 'eesa lataxac. Qaq nam shiỹaxauapi maye sa ỹa'amaqten Ñim Lo'onatac 'Enauacna, namayepi saishet da ỹaconeguet camaye, cha'aye saishet da ila'a, qataq saishet da ỹauatton. Qami' qalaxaye qauauattoñi, cha'aye qami' hueta'agueta, qataq camaye nache 'eetai' da qami' netaiguilo.

2 Corintios 11:10

Qaq ỹataqta aỹem 'eesa da sauattoota da 'eesa lataxac maye chegoqo'ot So Cristo, qaq ỹoqo'oye saỹateeta nataqa'en da saishet da huo'o ca nqat da ñetonaxac nam netaña ye 'alhua Acaya.

2 Corintios 1:20

Cha'aye Somaye, nacheso so ipacchigui naqa'en 'enauac na ỹachaxanapecpi Ñim Lo'onatac 'Enauacna. Qaq ỹoqo'oye da sho'oxorenaq Ñim Lo'onatac 'Enauacna, qaq chegoqchigui So Cristo Jesús da shenaqta' da qarasataxac, «Aja', nachera lataxac.»

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 10:27

Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Salmos 45:4

Cha'aye de'era 'ayo'oxoyec nache chegoqchigui da queta da 'am 'añaxaic, souaxat da 'auetteguelec da 'eesa lataxac, qataq da huesota nataxac qataq da nalochiguiñi lataxac. Qaq na 'oiguishec 'arhuaq, qalaq ỹo'ot qome na lta'araic da llo'oxoyec.

Romanos 10:14

Qalaxaye ¿ca 'eetec ca lataxac da qaiỹaxanot Ñimaye, da huo'otaq saishet da qaỹa'amaqten? Qataq ¿ca 'eetec da qaỹa'amaqten Ñimaye, da huo'otaq saishet da qaỹa'axaỹa da qaỹa'axattac? Qataq ¿ca 'eetec da huo'o ca ỹa'axat cam na'aqtaguec So Cristo?

Efesios 2:17

So Cristo anac co'ollaxa da ỹa'axatem 'enauac na shiỹaxauapi da no'on na'axaỹaxac maye ỹo'ot da nlagaxayec, qaq ivirauga na saishet da judiopi maye qaỹoqta co'ollaxa Ñim Lo'onatac 'Enauacna qataq nam judiopi maye saqaỹapeque Ñimaye.

Colosenses 1:5

Qami' nache qoñiitec da qarataxaqui cha'aye, chegoqchiguiña co'ollaq qaua'aqaichigui da 'eesa na'aqtaxanaxac maye chegaqaigui dam no'on na'axaỹaxac, qataq ỹataqta qauaỹaañita da Ñim Lo'onatac 'Enauacna huo'o ca iqataxaatapigui' maye hueta'ague da piguem.

Colosenses 1:6

De'era no'on na'axaỹaxac, damaye qaỹa'axatteguec 'enauaque naua 'aleu' maye ilotague' na Roma le'ecpi, qaq ỹataqta huo'o da lañaxataxac damaye. 'Eeta'am da qoñiita co'ollaq se'eso na'a'q da qauaỹachiñi da ỹoqta 'eesa da Ñim Lo'onatac 'Enauacna qami' ỹauoteque.