Efesios 4:17 - La'aqtaqa Ñim Lo'onatac 'Enauacna 2013

¹⁷ Qaq cha'aye aỹem ña'attaua'a So Qarataxala', ỹoqo'oye qami' shenapegalo qataq qami' seqatalo da saishet da qoñiita'am da lataxac nam saishet da ỹauatton Ñim Lo'onatac 'Enauacna, cha'aye namayepi quetegueto naua qauema lhuennataxaco maye qaica ca naiguilo.

Nuevo Testamento Toba Sur

¹⁷ Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

Nuevo Testamento Toba Sombrero Negro

¹⁷ Da'me jayem lamaĝajec ñe'me Qadejaliaĝanec, qama'le nayi jenjo' ami ja'aĝatema: ami jachitatatapegalo ta'le ja auadenaĝachi gaa'me jo'ne ja p'iida'a joñe'me Dios, jo'ne que'teguelo gaa'me ch'e lelnataĝaco jo'ne ja 'noe'n.

Efesios 4:17 Referans Kwoze

Romanos 1:21

cha'aye namayepi ỹaỹaten da huo'o Ñim Lo'onatac 'Enauacna, qalaxaye saishet da huo'o ca 'enec naqa'en qataq saishet da ỹami' ca na'achecỹaxac. Nachaqrata da iuennatega dam qaica ca naigui qataq da ỹo'ot ca qauem.

2 Pedro 2:18

Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

Colosenses 2:4

Qaq qami' sa'axatema de'era, yaqto' saishet da huo'o ca qami' ỹatenache't souaxat naua choche no'onaxa't ltaxaỹaxaco maye saq 'e'n.

1 Pedro 1:18

Cha'aye Ñim Lo'onatac 'Enauacna qami' nca'alaxateeguesopa dam achaalataxac maye sa ỹaỹamaxañi, dam qami' ỹapaxagueneque som hua'au qarta'ailpi. Qataq qauaỹaañita da yaqto' qami' huesochiyiñi naqa'en, nache saishet da desheetenaxana cam ishet da qailaxachigui da 'eeta'am na lcat oro huo'otaq na lcat plata;

Hechos 20:21

Qaq 'enauac nam judiopi qataq nam saishet da judiopi sheetega da ca'aisalo naua qauema lataxaco, nache ỹa'amaqten Ñim Lo'onatac 'Enauacna, qataq ỹa'amaqten So Qarataxala' Jesucristo.

Hechos 18:5

Qaq co'ollaq nvilye' so Silas qataq so Timoteo, chegoqra'a ye 'alhua Macedonia, nache so Pablo ỹataqta nalemaqteguet da ỹa'axattac da la'aqtac Ñim Lo'onatac 'Enauacna, da ỹataqta da'aqtaxaatem na judiopi da So Jesús, Somaye nacheso So Lca'aguishec Ñim Lo'onatac 'Enauacna maye qaiuattaique.

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Jeremías 42:19

Qaq qami' maye qano'oñiỹalec na Judá, Ñim Nataxala', qami' 'enapegalo da saishet da qa'aỹeegue da Egipto. Qaq no'on da qauaỹaañita de'era, maye aỹem qami' sevitaqna'agueta nagui.

2 Timoteo 4:1

Qaq de'era iqataxac 'am sami' nagui, ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo maye anac ca na'a'q da nachaxan da Nta'a, qataq nmit ñi 'oonolec na shiỹaxauapi maye ña nca'altauec qataq na mashe ileu.

1 Timoteo 6:13

Qaq nagui qomi' ỹauaachiguilo Ñim Lo'onatac 'Enauacna nataqa'en So Jesucristo maye saishet da datenataxan co'ollaxa datato'ot so nta'a Poncio Pilato.

1 Timoteo 5:21

Da iqataxac maye 'am sami' nagui ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo, nataqa'en na chegaqasheguem lamaxashecpi maye lca'aguishecpi Ñim Lo'onatac 'Enauacna. Ỹataqta 'aualaxaleco' qome da iqataxac. Saishet da huo'o ca 'amatalec da 'arauotaxat, qataq saishet da 'alca'agui na shiỹaxauapi.

1 Ts 4:6

Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

Colosenses 2:18

Qaq ỹoqo'oye saishet da qauaqaita'a da huo'o ca qami' ỹaueegueta ca qarasouaxashechi, qataq ỹoqta ỹactec da saishet da qauqocheetega nam shiỹaxauapi maye ỹo'oxoreetac na namaxashec piguem le'ecpi qaltaq ne'enaqchingui da huesota da lataxac. Qataq 'eetega da huo'oi naua lauanaqcheco, qalaxaye choche datenataxaatac. Qataq naua lhuennataxaco ỹataqta nlaqchiguilo da ño'oxonnaxac, qalaxaye nachaqrata da iuennatega nam qauempi.

Efesios 4:22

Qaq ỹoqo'oye 'onaxaic da saishet da qoviitaigui huo'otaq qavi'eguelaqaỹa da togoshec qarataxaqui, dam qauem lqopitaxanaqtaic co'ollaxa da qarapachiỹaxaqui maye ỹauectac da qanachaalataxaqui.

Efesios 1:22

Nache Ñim Lo'onatac 'Enauacna ipataxalec da ilo'ogue naqa'en 'enauacna So Cristo, qataq ỹanem da nachaqsota 'oonolec lataxala' naqa'en 'enauac na 'amqaanataxanaxaicpi.

Gálatas 5:3

Qaq ỹoqo'oye qaltaq she'eguelaxalec da itelaqtaxanaxac da camachaqca shiỹaxaua da ỹauo'o ca la'anaxat na lo'oc, nache camaye iuen da ỹalaxaguet na namaxasoxonaxacpi.

Gálatas 3:17

Qaq dam sheetega 'eeta': dam ỹachaxanapec co'ollaxa Ñim Lo'onatac 'Enauacna, damaye saishet da naralaxat huo'otaq da qaica naqa'en ca naigui na namaxasoxonaxacpi maye ỹan Ñimaye co'ollaq mashe ivi' soua cuatrocientos treinta vi'iye.

2 Corintios 9:6

Qaq qantooñita'ac de'era na'aqtac, 'eeta': Ca saq 'amaqtaq ca ỹan, qaq nataqa'en saq 'amaqtaq ca ỹaconeguet; qaq ca lta'araic ca ỹan, qaq nataqa'en lta'araic ca ỹaconeguet.

1 Corintios 15:50

Qami' ỹaqaỹañicpi da sauotaique da qami' sa'axatema 'eeta': de'era yo'oqchigui qaro'ocỹaxac saishet da inoxoneua'a ca lo'onataxanaxac Ñim Lo'onatac 'Enauacna maye saqcha'a qataq qaica ca loga't.

1 Corintios 1:12

Cha'aye huo'o na 'eeta': «Aỹem seca'attague' so Pablo;» qataq huo'o na 'eeta': «Aỹem seca'attague' so Apolo;» qataq huo'o na 'eeta': «Aỹem seca'attague' so Pedro;» qataq huo'o na 'eeta': «Aỹem seca'attague' So Cristo.»

Hechos 2:40

Qaq 'era da la'aqtaxanaxac so Pedro. Qataq huo'o na laỹepi la'aqtaxanaxac da huaqattega somayepi, 'eeta': –Qananeltaxañeeguet ca nhuaxanaguec ne'ena shiỹaxauapi maye taỹa'a da deqat, yaqto' qarca'alliiuec.

Nehemías 13:15

Nache se'esoua na'axa'te sauaachigui so netaña ye Judá, da huo'o so nlomtac na lli'i aso uva, qataq dachoxooteguelec so 'ashena da ndotapegueuo so laqtac so trigo qataq so lataxa, uvapi, hiigopi qataq so ỹotta'a't laỹepi da irotapegueua'a ye Jerusalén. Nache seviraxattacot souaxat da imeetac so ỹotta'a't lmenecpi se'eso na'a'q mataxaqui.

Lucas 16:28

da yaqto' da'aqtaxanema caua cinco ỹaqaỹa't, da caamaye da saishet da ỹaxaare'c da ỹo'ottrac da qauem, nache ishet nataqa'en da nvilda'a ne'ena que'eenaqa'.»

Levítico 15:18

Qataq ca ỹale da hue'eguet aca 'alo, nache caamaye iue'n da nache'l, iỹoi' na lo'o'c ỹauota'a ca 'etaxat, qalaxaye caamaye saishet da qui'itte' iviraiguilo da pe.

Deuteronómio 27:10

Qaq ỹoqo'oye ỹoqta qaualaqaiguet qome Ñimaye, qataq qauo'oche na lamaxasoxonaxacpi, qataq na lqataxacpi maye qami' samaxaleguete nagui.»