Efesios 4:16 - La'aqtaqa Ñim Lo'onatac 'Enauacna 2013

¹⁶ Qaq nacheso So Cristo som na'atta'a't naqa'en na 'amqaanataxanaxaicpi, qaq ỹoqo'oye ñi 'oonolec ne'ena na'atta'a'tpi ỹataqta cam lo'onataxanaxac, qataq 'enauac namayepi nacoota't yaqto' na 'amqaanataxanaxaicpi nquictasheguem da lañaxataxac qataq da la'añaxac souaxat da lsoxoyec.

Nuevo Testamento Toba Sur

¹⁶ Qaq nachiso so Cristo som ÿataqta nacoota't qataq n'atta't naq'en 'enauac de'eda n'oquiaxac mayi n'atta'a't. Qaq ÿoqo'oyi ñi 'oonolec ne'ena n'atta'a'tpi, da ÿataqta ÿaÿamaqchiguiñi da lataxac, nachi 'enauac namayipi nañaxattac qataq nquictashiguem, souaxat da nauotaxanaqtaic.

Nuevo Testamento Toba Sombrero Negro

¹⁶ Nach'eñe ñe'me Cristo jo'ne qo'mi yapotena't, qama'le qo'mi yodapecache male ena'am ta'le joqotaĝaguet joñe'me, nataq'aen yema ñecochaĝapega't. Chane'eja, qom naq'aeta qama'le ena'am ta'le yataqata ñaqaloĝodaqatajeguem, qama'le 'uo da'me qat'añaĝac jo'ne chiyaqayi da'me qadoqopich'i.

Efesios 4:16 Referans Kwoze

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.

Juan 15:5

Qaq Aỹem maye sheeta'am aca 'eesa nañiguishe, qaq qami' nacheqami' icoue. Qaq cam nache 'eetai' da Aỹem na'attaua'a qataq ña'atta'ai', nache camaye ỹataqta qalota da alaỹaxac, cha'aye saishet da huo'o ca 'eneque qami' da huo'otaq saishet da Aỹem qana'ayeetaua'a.

Colosenses 2:2

Qaq de'era ñeloquiaxac sauotaique da sa'añaqchet 'enauac namayepi qataq yaqto', nache 'eetai' da na'atta'a't souaxat da lauotaxanaqtaic So Cristo, huaña nache ivireguet namayepi da ỹataqta 'eesa da ỹaỹaten 'enauac dam saq cha'api 'eetapeguecpi Ñim Lo'onatac 'Enauacna qataq So Cristo.

Efesios 4:12

Qaq 'era da 'eetec co'ollaq iqataxanai' da llec naqa'en na 'amqaanataxanaxaicpi, yaqto' ñi 'oonolec ỹo'ot ca lo'onataxanaxac, da yaqto' nquictasheguem da lo'ocỹaxac So Cristo,

1 Corintios 13:13

Qaq ỹoqo'oye da npi'iỹaxac qataq da aquitaxac qataq da nsoxoyec ỹataqta qaica ca loga't. Qalaxaye da ỹoqta ỹactec ne'enaua tres, nachera da nsoxoyec.

Efesios 4:15

Chaqrato' da naua qara'aqtaqa qalaq ỹataqta 'eesora, qataq qomi' soxoraiqa, qataq ỹataqta nquictasheguem da no'on qarataxac, cha'aye ña'araqtaua'a So Cristo maye nacheso so Lataxala' na 'amqaanataxanaxaicpi.

1 Timoteo 1:5

Dam ỹoqta 'eetapeguec de'era namaxasoxonaxac, damaye iuen da ñi 'oonolec ỹauotec ca lỹa, qaq de'era lauotaxanaqtaic ỹataqta chegoqchiguinguit añi lquiyaqte maye qui'itta, qataq da ỹaỹamaqchiguiñi ntoonaxac qataq da huesota lpi'iỹaxac.

1 Ts 2:13

Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.

Filipenses 1:9

Qataq naxa da ñeqouagaxaueetac, qalaq seỹaxaatacot Ñim Lo'onatac 'Enauacna da qami' nquigaxatta'agueta da ỹataqta qanauochiỹa't, qataq ỹataqta qauaỹaañita ca no'on, qataq qauauattoñiita ca 'eesa lataxac,

Efesios 3:17

Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Efesios 3:7

Ñim Lo'onatac 'Enauacna ỹataqta aỹem ỹauotec, ỹoqo'oye ñetooteguec da lta'araic la'añaxac, cha'aye nachera da ỹachegoxotchigui da aỹem ipataxalec da sa'axatec da no'on na'axaỹaxac, na'aictaxa da saishet da saiguet damaye.

Efesios 1:4

Co'ollaq saxanaxa da ỹo'ot 'enauacna Ñim Lo'onatac 'Enauacna, qaq nale'ena da qomi' lca'agui'she ỹachegoxotchigui So Cristo da yaqto' qomi' lalamaqa'ate qataq da qaica ca qarasouaxashet da souaqto'ot Ñimaye. Ñim Lo'onatac 'Enauacna ỹataqta lta'araic da lauotaxanaqtaic da shenaqta,

Gálatas 5:22

Qalaxaye So Saqcha'a La'añaxac Ñim Lo'onatac 'Enauacna, qomi' ỹo'oteque da huo'o da qarsoxoyec, qataq nache 'eetai' da ñetonaqtapigui' qataq souaqtaigui da qarlagaxayec. Qataq qomi' ỹo'oteque nataqa'en da qarhualaxavic qataq da qarauotaxanaqtaic, qataq so'otaxac ca ỹaỹamaqchiguiñi ca qarỹa, qataq huo'o da qarpi'iỹaxac Ñim Lo'onatac 'Enauacna,

1 Juan 4:16

Qaq ỹoqo'oye saỹatenaq qataq sa'amaqtenaq da Ñim Lo'onatac 'Enauacna qomi' lauotaqa'ate. Ñimaye ỹataqta huotaxanaqtaqaic, ỹoqo'oye camachaqca ca ỹauotec ca lqaỹa, nache camaye ỹataqta 'itchiguiñi da na'attaua'a Ñim Lo'onatac 'Enauacna.

2 Ts 1:3

Qami' qarqaỹa't, ỹataqta nache 'eetai' naxa da sanaqtacot da qana'achecỹaxac Ñim Lo'onatac 'Enauacna souaxat da qoñiita. Qaq damaye nache lataxac, qaq ỹoqo'oye qami' ỹataqta nquictasheguem da qarpi'iỹaxaqui Ñimaye qataq ñi 'oonolec ỹataqta nquictasheguem da lauotaxanaqtaic ñi lỹa.

1 Ts 3:12

Nataqa'en seỹaxanaqtacot Som Qarataxala' Jesús da qami' ỹo'oteque da qanauochiỹa't qataq nataqa'en qauauochec 'enauac na laỹepi shiỹaxauapi. 'Eeta'ama qomi' da ỹataqta qami' sauotaxaque.

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

1 Corintios 8:1

Qaq nagui qami' sa'axatema da lataxac ca nallec maye hua'auñi da qoỹanot na choche ne'enaqtacpi maye qanatameetacotpi qataq saq 'en. 'Enauac da shenaqta saỹatenaq de'era. Qalaxaye saỹatenaq de'era nauattonaxanaxac da ỹo'ot da napagaqaanaxac qataq da ño'oxonnaxac ca shiỹaxaua. Qalaxaye da nsoxoyec ỹa'añaqchet da qara'amqaanataxanaxac.

Romanos 12:4

Qauennachiỹa'a da lo'ocỹaxac ca shiỹaxaua da qalota na na'atta'a't logoxoshetpi, qalaxaye saishet da 'enauac namayepi da 'oonolec ca lo'onataxanaxac.

1 Corintios 10:17

Na'aictaxa da qomi' qalote', qalaxaye 'enauac da sacheguenaq aso 'oonole nauole 'ayiiña, nache qomi' shenaqta'am ca 'oonolec no'ocỹaxac.