Efesios 4:15 - La'aqtaqa Ñim Lo'onatac 'Enauacna 2013

¹⁵ Chaqrato' da naua qara'aqtaqa qalaq ỹataqta 'eesora, qataq qomi' soxoraiqa, qataq ỹataqta nquictasheguem da no'on qarataxac, cha'aye ña'araqtaua'a So Cristo maye nacheso so Lataxala' na 'amqaanataxanaxaicpi.

Nuevo Testamento Toba Sur

¹⁵ Chaqdato' da naua qad'aqtaqa qalaq ÿataqta 'eesoda, qataq qomi' soxodaiqa, qataq ÿataqta nquictashiguem da no'on qadataxac, cha'ayi ñi'adaqtau'a so Cristo mayi nachiso so lqaic de'eda n'oquiaxac.

Nuevo Testamento Toba Sombrero Negro

¹⁵ Chane'eja 'noota ta'le da'me qadoqopich'i nach'ena qo'mi yaloĝo'talo qaedi nach'e eta't ja'aĝataĝatac da'me eja, chayovida'a da'me nach'e eta't ñaqaloĝodaqataje'ma joñe'me Cristo, jo'ne nach'eñe qo'mi nejaliaĝatelo'te yemeda naa'me noloqo'ote.

Efesios 4:15 Referans Kwoze

1 Juan 3:18

Qami' ỹalqolqa, saisheto' qome da ndotre'c naua qara'aqtaqa da shenaqtega da huo'o da qarsoxoyec, nachaqrato' qome da iuen da sachaxanaq da qarsoxoyec chegoqchigui ca so'otaq.

Efesios 4:25

Qaq ỹoqo'oye ñi 'oonolec saishet da ỹatenachettac ca lỹa. Cha'aye 'enauac qomi' ña'araqtaua'a da 'oonolec no'ocỹaxac. Ỹoqo'oye ñi 'oonolec da qoñiita ỹataqta 'eesa qome da huo'o ca la'aqtac.

Zacarías 8:16

Qaq 'era da iuen da nache 'eetai' qome da qauo'ocheetac, 'eeta': Da qana'aqtaxañiitega't qalaq ỹataqta qami' 'eesora, qaq da huo'o ca qanmiche qalaq qoquiitegue da nalochiguiñi lataxac, qataq qanpogoxoiñapegue' da nlagaxayec da qoviita'a ca huaña da huo'o ca qanmit;

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Efesios 2:21

Somaye nacheso som nlletañi cam nỹec qataq nquictasheguem naqa'en, choche ivitta'a da 'eeta'am ca nỹec maye ño'oxonnataxanaxaqui da qaỹo'oxoren Ñim Nataxala'.

Efesios 1:22

Nache Ñim Lo'onatac 'Enauacna ipataxalec da ilo'ogue naqa'en 'enauacna So Cristo, qataq ỹanem da nachaqsota 'oonolec lataxala' naqa'en 'enauac na 'amqaanataxanaxaicpi.

1 Pedro 2:2

Nachaqrata da qanmichiỹaique 'enauac na no'on maye itauan da saqcha'a qarca'alaqai, 'eeta'am ca nogotolec maye cheta'ague da ñiguiñi da lhuogoxo da nmitta'a na lche' aca late'e. Qaq da nache qoñiitec de'era, nache qami' no'o'n 'amqaanataxanaxaiqa, qaq Ñim Lo'onatac 'Enauacna nache qami' nca'alaxatre'c,

Romanos 12:9

Ỹataqta 'eesa qanqa'eñi da qarsoxoyiqui, ñi 'oonolec ỹauotec ca lỹa. Qaumaqỹa'aguet 'enauac na qauem, qataq saishet da qoquiỹa'ai na ỹaỹamaqchiguiñipi.

Juan 1:47

Nache So Jesús co'ollaq ila'aguet so Natanael da naỹaua'a, nache 'enapega, 'eeta': –'Ena na ỹoqta 'eesa da Israel le'ec, namaye saishet da tenataxanaxaic.

Efesios 5:23

Cha'aye ca lhua nacheca ca lqaic acamaye, 'eeta'am So Cristo, da Somaye nacheso so lqaic na 'amqaanataxanaxaicpi, qataq nacheso som lca'alaxaqui. So Cristo nacheso so lqaic, qaq na 'amqaanataxanaxaicpi nachena na 'eeta'am da lo'ocỹaxac Somaye.

2 Corintios 4:2

Saishet da huo'o ca qomi' ỹa'aloqche't, qataq saishet da huo'o ca soxotaqtañi. Saishet da satenachetaqtac na shiỹaxauapi qataq saishet da ñaralaxataq da la'aqtaxanaxac Ñim Lo'onatac 'Enauacna. Nachaqrata da Ñim Lo'onatac 'Enauacna qomi' ỹaỹateete' da qara'aqtaxanaxac da ỹataqta 'eesa. Ỹoqo'oye 'enauac na shiỹaxauapi ishet da pi'iỹa'alo qomi'.

Salmos 32:2

Ỹataqta machiguiñi ca shiỹaxaua maye saishet da qauem ca 'eetapeguec, qataq Ñim Nataxala' saishet da huo'o ca ỹasaxalec lasouaxashet.

Jueces 16:15

Nache aso Dalila 'enapega somaye, 'eeta': ¿Ta'ainco' da qonetega aỹem 'auauotec, ye choche aỹem 'auatenachettalec? Cha'aye nagui mashe tres da aỹem 'auatenachet, qaq saxanaxa da aỹem 'aua'aqtaxaatem ca chegaqa'ague de'era lta'araic 'ara'añaxac.

2 Corintios 8:8

Qaq de'era saishet da ỹamaxasoxonaxac. Nachaqrata da ñeshetaique da qami' qauaỹaañi da 'eetec da lachetaqtaxanaxac na laỹepi 'amqaanataxanaxaicpi, da yaqto' qami' ishet nataqa'en da qauachaxañi dam huesota qarsoxoyiqui.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

1 Corintios 11:3

Qaq nagui sauotaique da qauaỹachiñi de'era: So Cristo huo'o da 'enec da ilotalec ca ỹale, 'eeta'am ca ỹale da huo'o naq 'enec da ilotalec aca lhua. Qaq nache 'eetec Ñim Lo'onatac 'Enauacna da ilotalec So Cristo.

Efesios 1:4

Co'ollaq saxanaxa da ỹo'ot 'enauacna Ñim Lo'onatac 'Enauacna, qaq nale'ena da qomi' lca'agui'she ỹachegoxotchigui So Cristo da yaqto' qomi' lalamaqa'ate qataq da qaica ca qarasouaxashet da souaqto'ot Ñimaye. Ñim Lo'onatac 'Enauacna ỹataqta lta'araic da lauotaxanaqtaic da shenaqta,