Efesios 4:12 - La'aqtaqa Ñim Lo'onatac 'Enauacna 2013

¹² Qaq 'era da 'eetec co'ollaq iqataxanai' da llec naqa'en na 'amqaanataxanaxaicpi, yaqto' ñi 'oonolec ỹo'ot ca lo'onataxanaxac, da yaqto' nquictasheguem da lo'ocỹaxac So Cristo,

Nuevo Testamento Toba Sur

¹² Qaq 'eda da 'eetec co'ollaq ÿaqataxanai' da llic naq'en na lalamaxatpi, yaqto' ñi 'oonolec i'ot ca l'onataxanaxac, da yaqto' nquictashiguem da l'oquiaxac so Cristo,

Nuevo Testamento Toba Sombrero Negro

¹² Ya'uo ca'li da'me dojo' qaedi yema da'me qo'mi jo'ne jouaqaue jena'me Dios lec'oqo'tepi, jo'ne nach'e ena'am ta'le qo'mi Cristo lapat, yataqata chimaqachiñe da'me qat'onataĝanaĝac, qaedi jauoqo 'lañaĝac ga'me qadepi'iyaĝa'u laqaya'.

Efesios 4:12 Referans Kwoze

Efesios 4:16

Qaq nacheso So Cristo som na'atta'a't naqa'en na 'amqaanataxanaxaicpi, qaq ỹoqo'oye ñi 'oonolec ne'ena na'atta'a'tpi ỹataqta cam lo'onataxanaxac, qataq 'enauac namayepi nacoota't yaqto' na 'amqaanataxanaxaicpi nquictasheguem da lañaxataxac qataq da la'añaxac souaxat da lsoxoyec.

1 Corintios 12:27

Ñi 'oonolec da qoñiita na'attaua'a na laỹepi 'amqaanataxanaxaicpi, qaq 'enauac qami' qana'ayeetaua'a da lo'ocỹaxac So Cristo.

Romanos 15:14

Qami' ỹaqaỹarolqa maye qaua'amaqchiñiitac So Cristo, aỹem ỹoqta 'eesa ñaqa'en da ỹataqta qami' nlaqchiguilo da qarauotaxanaqtaiqui qataq da qarauattonaxanaxaqui, cha'aye ñi 'oonolec ỹaỹaten da huaqata ca lỹa.

1 Corintios 14:26

Qami' ỹaqaỹañicpi, da ivita da qalapoñiỹa't, nache 'enauac nam qauo'oche, iuen da nañaxat naqa'en na 'amqaanataxanaxaicpi. Huo'o ca ishet da do'onaxaatac, qataq huo'o ca dapaxaguenataxaatac qataq huo'o ca ỹa'axat cam ỹachaxana Ñim Lo'onatac 'Enauacna qataq huo'o ca detaxaiguilo naua na'aqtaqa maye sa qaỹauanapegalo, huo'otaq ỹa'axa't cam naiguilo ne'enaua na'aqtaqa.

Romanos 14:19

Qaq ỹoqo'oye ñi 'oonolec da shenaqta souaqtaigui qome da nlagaxayec, qataq ñetaunaxa't, da yaqto' nquictasheguem dam dalaxaic achaalataxac maye qomi' ỹanema So Cristo.

1 Timoteo 1:12

Sanot da ña'achecỹaxac So Qarataxala' Jesucristo, cha'aye Somaye huo'o da naquitaxac aỹem qataq aỹem ỹami' da ỹa'añaxac da so'onataxanot Somaye.

1 Corintios 14:12

Qaq ỹoqo'oye qami' maye huo'o da qaryaqai da qauacoñiiguet na nachetaqtaxanaxatpi maye chegoqo'ot So Saqcha'a Na'añaxac, ỹataqta qanpogoxoiñiỹapegue' qome da qauacoñiiguet cam ishet da nañaxat naqa'en na 'amqaanataxanaxaicpi.

Hebreos 13:17

Ỹataqta qaualaqaiguet na qarataxala'aipi maye ilotague' nam ỹa'amaqten So Jesús, cha'aye namayepi qaica ca nmataqa' da qami' ilotegueto, qataq namayepi ỹaỹateeta da Ñim Lo'onatac 'Enauacna ipataxalec da qami' ilo'oguelo. Qaq qami' iuen da qautauañi namayepi qataq qanpogoxoiñiỹapegue' da yaqto' saishet da qami' chegoqchiguilo ca qauem, yaqto' da lo'onataxanaxac namayepi ỹataqta ỹaỹamaqchiguiñi.

Hebreos 6:1

Qaq ỹoqo'oye qomi', no'on da nquictasheguem da qarauattonaxanaxac, choche seviraqta'a da ỹe da qarauattonaxanaxac So Cristo. Qataq ño'onaxataqchigui dam hua'auchiguiñi napaxaguenataxanaxac maye ỹa'axat So Cristo, qataq saishet da qolaqto'ot da sa'axataqtac ca lataxac maye saq 'amaqtaq. Qataq saxanaxañi da so'otaq ca qauem, nache qolaxague So Cristo, qataq saxanaxañi da sauoqo'o ca qarasouaxashet, yaqto' saishet da seleuaq. Qomi' saỹatenaq da iuen da sauoqo'o ca qarpi'iỹaxac Ñim Lo'onatac 'Enauacna,

2 Corintios 6:3

Saishet da saỹamaxarenaq da huo'o ca quetapeguelec da qaro'onataxanaxac. Ỹoqo'oye ñepogoxoinaqtapegue' da saishet da qauem ca qana'aqtaguec.

Lucas 22:32

Qalaxaye Aỹem 'am ñeqouagaxaueetapeguelec, da yaqto' saishet da saqca ca 'arpi'iỹaxac Aỹem. Qaq 'am qom ivita da Aỹem 'añe'eguelqot, nache 'autauan qome na 'arqaỹañecpi da yaqto', nache 'eetai' da lpi'iỹaxac.

2 Timoteo 4:5

Qalaxaye 'am Timoteo, ỹataqta 'anaỹanaxanaqchen qome, qataq 'ana'añaxateguet na 'anque'eenaxaguesat, qoqueto'ot da 'aua'axat da no'on na'axaỹaxac maye chegaqaigui da nca'alaxa, 'apactelco' da ỹoqta lataxac da 'aro'onataxanaxac.

Colosenses 4:17

Nataqa'en qoñiỹapega qome ca Arquipo, qoñiita': «Ỹataqta 'auaỹamaxatchiguiñi qome da 'aro'onataxanaxac maye 'am ipataxalec So Qarataxala'.»

Colosenses 1:28

Qaq qomi' nacheso So Cristo sa'axataqtac, qataq ỹataqta ñaỹaanaxanaqchenaq da seqataqtega 'enauac na shiỹaxauapi, qataq sapaxaguenaqtac 'enauac, da yaqto' ñi 'oonolec ivira'a da nalochiguiñi da lataxac, 'eeta'am So Cristo.

Colosenses 1:24

Qaq nagui aỹem ỹataqta samachiguiñi, cha'aye huo'o da ñeque'eenaxac souaxat da qoñiita. Cha'aye de'era nque'eenaxac da ỹalamaxat ỹo'ocỹaxac, damaye naigui da nalochiguiñi ñaqa'en na nque'eenaxacpi So Cristo souaxat 'enauac nam ỹa'amaqten Somaye.

Efesios 1:23

Cha'aye na 'amqaanataxanaxaicpi, nachena na 'eeta'am da lo'ocỹaxac So Cristo. Qaq namayepi ỹataqta imatta't da lataxac Somaye. Qaq Somaye ỹataqta naloqchiichiguiñi naqa'en na 'amqaanataxanaxaicpi.

2 Corintios 12:19

Qalqo' ¿qami' qaupi'itaxañiỹa peta'a da qomi' shenaqapec de'era, da choche qami' ñimanaqtacoto? 'A'i, saishet. Nachaqrata da qomi' ỹaỹateete' Ñim Lo'onatac 'Enauacna nagui da qomi' lalamaqa'ate So Cristo. Qaq 'enauac de'era so'otaq, qami' ỹaqaỹarolqa, damaye naigui da yaqto' ishet da qanquiquiitasheguem da ỹataqta qaupi'iỹa'ai So Cristo.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

2 Corintios 4:1

Ñim Lo'onatac 'Enauacna Ñimaye ỹataqta qomi' ỹauoteque. Ỹoqo'oye qomi' ipataxaleguete de'era no'onataxanaxac, qaq ỹoqo'oye saishet da saq ña'añaxataq.

1 Corintios 14:14

Cha'aye da huo'otaq saconalo naua na'aqtaqa sa qaỹauanapegalo da ñeqouagaxauen, nache ndotec da saqcha'a ica'alaxa da nqouagaxaueetac, cha'aye saishet da saỹaten ca naiguilo naua ñasaqtregue'c na'aqtaqa.

Romanos 15:29

Qaq aỹem ỹoqta 'eesa da qom sevita ye nỹecpi ye Roma, nache qami' sa'aqtaxanema 'enauac nam no'on saconaxaguet maye chegoqo'ot So Cristo.

Romanos 15:2

'Enauac da shenaqta iuen da souaqapegue' na qaraỹepi qataq selaqaique ca laỹamaxa maye ishet da machiguiñi naqa'en. Qaq 'era da 'eetec da setaunaxac namayepi da nquiguisheguem da lpi'iỹaxac Ñim Lo'onatac 'Enauacna.

Romanos 12:7

Da qomi' ỹanema ca qanachetaxat da souaqapegue' ca qarỹa, nache nachera so'otaq qataq ỹataqta saỹamaxataqchiguiñi. Qaq da qomi' ỹanema da ñalaqaua'a da sapaxaguenataxanaq, nache ñañanaxaguet da qarapaxaguenataxanaxac.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

Hechos 11:23

Qaq so Bernabé maye no'on da lataxac qataq nlaqchigui da la'añaxac So Saqcha'a Na'añaxac Qui'itta, qataq nda'a't So Qarataxala' da lpi'iỹaxac. Somaye co'ollaq ivi', nache ila'a da lqouagaxanaqtaic Ñim Lo'onatac 'Enauacna da huetalec 'enauac so shiỹaxauapi. Nache somaye ỹataqta machiguiñi. Huaña, nache ỹataqta huaqattega 'enauac somayepi da yaqto' da lquiyaqteỹaxac sa dasheuec, chaqrata da ỹataqta quetegue So Qarataxala'.

Hechos 9:31

Nache 'enauac nam ỹa'amaqten So Jesús maye netaña ye 'alhua Judea, qataq ye 'alhua Galilea, qataq ye 'alhua Samaria, namayepi ỹataqta saishet da ñe'etega da sa qaiyacnapec. Nache queto'ot da ỹo'oxoreetac So Qarataxala', nache ima'ape naua na'axa'te da nquictauec da lpi'iỹaxac So Jesús. Qaq So Saqcha'a Na'añaxac Qui'itta ỹataqta ỹa'añaqchettac namayepi da nquictauec naqa'en ye lcata na da'amqaanataxan.

Hechos 1:25

da yaqto' talec da lo'onataxanaxac so Judas maye iqataqchet souaxat dam lasouaxashet, nache ivireguet dam ỹataqta 'itchiguiñi naigui dam ỹo'ot.»

Hechos 1:17

Cha'aye so Judas maiche qarỹa qataq qartaua de'era qaro'onataxanaxac.

2 Timoteo 4:11

Nachaqñita ñi Lucas ñaq aỹem hueta'aguet. Qaq qom 'auanac, nache 'ananaỹalec ca Marcos da 'anauec, cha'aye camaye ishet da aỹem itauan da qaro'onataxanaxac.

Efesios 4:29

Qataq saishet da qauema naua qara'aqtaqalli'. Chaqrata da qano'onaxache' naua qara'aqtaqalli', yaqto' ishet da nquiguisheguem, qataq huo'o da na'achecỹaxac cam qami' na'axaỹaxaategalo.

Efesios 4:4

Ỹataqta 'eesa da 'oonolec da no'ocỹaxac, qataq 'oonolec So Saqcha'a Na'añaxac Qui'itta. Cha'aye Ñim Lo'onatac 'Enauacna qami' iỹaxanalo co'ollaxa, da yaqto' 'oonolec naqa'en da qanaquitaxaqui.

2 Corintios 13:9

Qaq ỹoqo'oye da qami' 'añaxaiqa, nache qomi' ỹataqta samaqchiguiñi da qaica ca qara'añaxac. Qaq qolaqtot da ñeqouagaxaunaqtaleguete qami', yaqto' qanquiquiita'aguet da nalochiguiñi da qarpi'iỹaxaqui So Cristo.

1 Corintios 12:7

Ñim Lo'onatac 'Enauacna qomi' ỹapaxague'n ỹachegoxotchigui So Saqcha'a Na'añaxac Qui'itta da qomi' ỹanema na lachetaqtaxanaxatpi da yaqto' ñepogoxoinaqapegue' da so'otaxac ca ỹaỹamaqchiguiñi ca qarỹa.

Romanos 12:5

Qaq shenaqta'am qomi' maye sa'amaqtenaqtac So Cristo, nache qomi' qalotoiguilo, qataq ña'araqtaua'a da lo'ocỹaxac So Cristo, qalaxaye ñi 'oonolec huo'o da maiche lo'onataxanaxac.

2 Corintios 13:11

Nachaqrata de'era, qami' ñauochaxau' ỹaqaỹa't. Qami' sequiita'ape qataq qami' seỹaxanoiguilo da nache 'eetai' da qauamaichiguiñi. Qanpogoxoiñiỹapegue' da qanquigaxachiitasheguem da no'on qarataxaqui. Aỹem qaualaqaiguet qome. Qataq qanaỹamaxayiñeeta't qataq qavi'imaqaitac. Qaq Ñim Lo'onatac 'Enauacna Ñim qomi' lauotaqa'ate qataq qomi' ỹanema da qarlagaxayec, Ñimaye qami' hueta'agueta.