Efesios 4:11 - La'aqtaqa Ñim Lo'onatac 'Enauacna 2013

¹¹ Ime, nache ỹanem ca nme ñi 'oonolec na shiỹaxauapi. Nache huo'o na lamaxashecpi naqa'en Somaye, qataq huo'o na la'aqtaxanaxanecpi qataq huo'o na lataxala'pi naqa'en na 'amqaanataxanaxaicpi, qataq na napaxaguenataxanaqpi.

Nuevo Testamento Toba Sur

¹¹ Ime, nachi ÿanem ca nshitaxat naq'en ñi 'oonolec shiÿaxaua. Nachi huo'o na lamaxashicpi naq'en somayi, qataq huo'o na l'aqtaxanaxanecpi naq'en ñi Dios, qataq huo'o naq'en na i'axattac da n'aqtaxanaxac mayi chigaqaigui da nca'alaxa, qataq huo'o na lataxala'pi naq'en na 'amqajnataxanaxaicpi, qataq na napaxaguenataxanaqpi.

Nuevo Testamento Toba Sombrero Negro

¹¹ Qama'le nach'eñe jo'ne yauo'oe daa'me nayatenaĝanaĝaco jo'ne yanema jena'me jiyaĝadipi. Chane'eja uo'oe gaa'me qoyanema da'me 'lonata'j jo'ne Dios lamaĝa's, nataq'aen gaa'me laqaya' jo'ne Dios 'laqataĝanaĝanaqa, nataq'aen gaa'me laqaya' jo'ne qoyanema da'me 'yaĝa'tape da'me Dios 'laqatac, nataq'aen gaa'me laqaya' jo'ne yelolo'te jena'me Dios lec'oqo'tepi nataq'aen yapaĝague'tape.

Efesios 4:11 Referans Kwoze

Jeremías 3:15

Qaq sanem qome cam nataxala'pi maye ỹo'ot cam sheetapeguec, qataq huo'o da laỹaanec qataq da laỹaanataxanaxac da ilo'ogue namayepi.

Efesios 2:20

Qataq qami' 'amqaanataxanaxaicpi qoñiita'am ca nỹec maye qano'oxootapiguisheguem, no'oxootelec qanqoỹen som lapaxañi co'olloxocheye na lamaxashecpi So Jesús qataq so la'aqtaxanaxanecpi Ñim Lo'onatac 'Enauacna. Qaq nacheso So Jesucristo som 'eeta'am ca coma' maye nllañi ca nỹec.

2 Timoteo 4:5

Qalaxaye 'am Timoteo, ỹataqta 'anaỹanaxanaqchen qome, qataq 'ana'añaxateguet na 'anque'eenaxaguesat, qoqueto'ot da 'aua'axat da no'on na'axaỹaxac maye chegaqaigui da nca'alaxa, 'apactelco' da ỹoqta lataxac da 'aro'onataxanaxac.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Efesios 4:8

Cha'aye naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Somaye co'ollaq taigue da piguem, nache qalota so ỹauec lcoñeteguishecpi. Ime, nache ỹanem na lachetaqtaxanaxatpi na shiỹaxauapi.»

Efesios 3:5

De'era maye saqcha'a saishet co'ollaxa da huo'o ca qaỹaỹaanaxanaxanec som hua'au' vi'iye. Qalaxaye nagui Ñim Lo'onatac 'Enauacna ỹachegoxotchigui So Saqcha'a La'añaxac da ỹaỹaanaxanaxanec nam iỹotaugapi maye lamaxashecpi So Jesús qataq na la'aqtaxanaxanecpi.

Romanos 12:7

Da qomi' ỹanema ca qanachetaxat da souaqapegue' ca qarỹa, nache nachera so'otaq qataq ỹataqta saỹamaxataqchiguiñi. Qaq da qomi' ỹanema da ñalaqaua'a da sapaxaguenataxanaq, nache ñañanaxaguet da qarapaxaguenataxanaxac.

2 Crónicas 15:3

Qaq na Israel le'ecpi, mashe qaỹoqteguelo soua vi'iye da saishet da natamnot Ñim ỹoqta 'eesa Atamnaxala', qataq ca ntaxaỹaxanaxanec da ỹapaxaguen namayepi, qataq ca ỹapaxaguenec na nqataxacpi.

Hebreos 5:12

Cha'aye ne'enaua na'axa'te maye huetaiguilo da qaua'amaqchiñi da no'on na'axaỹaxac, nache qami' mashe ishettaxa da huo'o ca qarapaxaguenataqui. Qalaxaye nagui qami' ñaq 'eetalec da qaviñiitac da qami' qaỹa'aqtaxaatema ca saqalaq napaxaguenataxanaxac maye ỹa'axat Ñim Lo'onatac 'Enauacna. Cha'aye qami' ñaq qoñiita'am ca nogotolec maye saxanaxa da chec ca nallec maye sa nsatta, nachaqrata da nỹomtapigui na nche'.

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Hechos 21:8

Qaq so lỹa na'a'q, nache so Pablo nataqa'e'n qomi' qaltaq qolaq qalaxaye sapiaqtañi, nache seviraqa'a ye nỹecpi ye Cesarea. Qaq huaña yemaye, nache ñeqo'onaxaua'a ye lma' so Felipe som ỹa'axattac da no'on na'axaỹaxac, som 'oonolec soua siete ltauapi co'ollaxa soua Jesús lamaxa'she. Nache souaqa'a ye lma'.

Hechos 13:1

Qaq nam ỹa'amaqten So Jesús maye netaña ye nỹecpi ye Antioquía huo'oi soua la'aqtaxanaxanaqa Ñim Lo'onatac 'Enauacna, qataq huo'oi soua dapaxaguenataxaata'ape. Qaq naua le'enaqa'ate soomaye Bernabé, qataq so Simón (da lỹa le'enaxat Hueraic), qataq so Lucio, maye lma' ye nỹecpi ye Cirene, qataq so Menahem (som nacta'ai' co'ollaxa so nta'a Herodes maye ilotague' ye 'alhua Galilea), qataq so Saulo.

Apocalipsis 21:14

Qaq se'eso lcopaqtaxat se'eso nỹecpi somaye no'oxootaleguete qanqa'en soua doce coma'ye. Qaq ñi 'oonolec soomaye, nache nanettaleguete naua le'enaqa'ate soua doce lamaxa'she So Qagueta Llalec.

Judas 1:17

Qalaxaye qami' ñauochaxau' ỹaqaỹarolqa, qauennachiỹa'a dam mashe qami' da'aqtaxaateguema co'ollaxa soua lamaxa'she So Qarataxala' Jesucristo.

1 Corintios 12:4

Saq 'ena'a't na nachetaqtaxanaxatpi maye qoỹanem na shiỹaxauapi, qalaxaye 'oonolec So Saqcha'a Na'añaxac maye chegoqo'ot.