Efesios 3:9 - La'aqtaqa Ñim Lo'onatac 'Enauacna 2013

⁹ Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.

Nuevo Testamento Toba Sur

⁹ Qataq ñi Dios mayi l'onatac 'enauacna, ñimayi aÿim ipataxalec da yaqto' sa'axattem 'enauac na shiÿaxauapi da lataxac dam saq cha'a mayi lapaxañi co'olloxochiyi som hua'a'u vi'iyi.

Nuevo Testamento Toba Sombrero Negro

⁹ Nataq'aen jayem qo'yelopec qaedi ja'aĝatetac yema joga'me en ta'tegue jena'me jenjo' lelnataĝac ñe'me Dios jo'ne naqaeñe mach'e 'lonatac jena'me aleua. Yema jena'me jenjo' jo'ne ami ja'aĝatapema nayi, yataqata qaya'te yayaten ca'li, qalaĝaja Dios male yaloĝon da'me jo'ne chiyoĝoteguet jaa'me 'uoidi toye's.

Efesios 3:9 Referans Kwoze

Colosenses 1:26

de'era la'aqtac maye saishet co'ollaq da huo'o ca ỹaỹaanaxanaxanec som shiỹaxauapi soua hua'au' vi'iye. Qalaxaye nagui Ñimaye ỹaỹaanaxanaxanec nam lalamaxatpi.

Mateo 13:35

Qaq 'eetec de'era yaqto' ipacchigui da ỹiyiñi co'ollaxa so la'aqtaxanaxanec Ñim Lo'onatac 'Enauacna maye, 'eeta': «Sa'aqtaxanem na shiỹaxauapi, qalaxaye sauota'a na ỹaloqnaxanaxatpi, qataq sa'axat nam lataxac maye Ñim Lo'onatac 'Enauacna saishet da ỹachaxan chegoqta'a co'ollaq cheta'ague da ỹo'ot ana 'alhua.»

2 Timoteo 1:9

Ñim Lo'onatac 'Enauacna qomi' nca'alaxatre'c, qataq qomi' iỹaxanalo da yaqto' sanaqot da qanachaalataxac. Qaq de'era qomi' ỹo'oteque, damaye nache 'eetai' da lhuennataxa. Saishet da huo'otaq choche nqopita'a ca qarataxac no'on, maye souaxat da qomi' ỹauoteque, cha'aye mashe ña'araqtaua'a So Cristo Jesús. Qataq nache 'eetai' da qomi' ỹauoteque co'ollaq saxanaqaca ana 'alhua.

Colosenses 3:3

Cha'aye qami' mashe qarleuaxauai So Cristo, qaq nagui da qanachaalataxaqui hueto'ot Somaye da na'attaua'a Ñim Lo'onatac 'Enauacna.

Mateo 28:19

Qaq ỹoqo'oye nagui qami' qanqo'oñiỹa qome na ỹotta'a't shiỹaxauapi 'enauac ana 'alhua da qanquigaxachiiuec na ỹapaxaguenatacpi. Qauachelaxanataxañiỹa qome da le'enaxat ñi Qarta'a, qataq na Llalec, qataq So Saqcha'a Na'añaxac Qui'itta.

Isaías 44:24

Qaq 'era da la'aqtac Ñim Nataxala' maye 'arca'alaxaqui, Ñim 'am ỹo'ot co'ollaq saxanaxa da 'auañiguiñi: «Aỹem nachaỹem Nataxala' maye so'ot co'ollaxa 'enauac nam huo'o. Aỹem selagaxaañi co'ollaxa na piguem qataq so'ot ana 'alhua, qalaq saishet co'ollaxa da seuen da huo'o ca aỹem itauan.

Salmos 33:6

Ñim Nataxala' ỹauota'aisalo co'ollaxa naua la'aqtaqa da ỹo'ot na piguem, qataq co'ollaq iquetetec na la'at nache ỹo'ot 'enauac ana huaqaañipi.

Apocalipsis 4:11

«'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

1 Pedro 1:20

Qaq damaye maiche lhuennataxac Ñim Lo'onatac 'Enauacna co'ollaq saxanaxa da ỹo'ot ana 'alhua, qaq So Cristo nachaxan ne'enaua pa'atre'c na'axa'te, qaq damaye maiche qana'achequi.

2 Timoteo 4:17

Qalaxaye So Qarataxala' Jesús aỹem itauan, qataq aỹem ỹami' da ỹa'añaxac da ña sepactelec da sa'axat da na'aqtac maye chegaqaigui da nca'alaxa, yaqto' hua'axaỹa de'era 'enauac na saq judiopi. Qaq nache 'eetec de'era da aỹem nca'alaxateeguesop da loxonaxanaxac nam dequi'iỹapec 'eeta'am ca shiguiỹac.

2 Ts 2:13

Qalaxaye qomi' nache 'eetai' da sanaqtacot da qana'achecỹaxac Ñim Lo'onatac 'Enauacna souaxat da qoñiita, Ñimaye qami' ỹauoteque qataq qami' lca'agui'she, nache 'eetai' da chegoqta'ague co'ollaq saxanaqca 'enauacna yaqto' qanca'alliueeguesop de'era lhuaxanaxanaxac. Qami' lca'agui'she, ỹachegoxotchigui So Saqcha'a Na'añaxac da qami' iỹotaugalo da ỹauo'oi qami' lalamaqa'ate, cha'aye souaxat da qauacoñiiguet da no'on na'axaỹaxac.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Efesios 1:4

Co'ollaq saxanaxa da ỹo'ot 'enauacna Ñim Lo'onatac 'Enauacna, qaq nale'ena da qomi' lca'agui'she ỹachegoxotchigui So Cristo da yaqto' qomi' lalamaqa'ate qataq da qaica ca qarasouaxashet da souaqto'ot Ñimaye. Ñim Lo'onatac 'Enauacna ỹataqta lta'araic da lauotaxanaqtaic da shenaqta,

1 Corintios 2:7

De'era naỹaanec maye sa'axataqtac, damaye naỹaanec saqcha'a maye chegoqo'ot Ñim Lo'onatac 'Enauacna. Damaye nachera da ỹapogoñi laỹaanec Ñim Lo'onatac 'Enauacna maye iqataxanai' co'ollaq saxanaqaca ana 'alhua qataq da huotaique ỹachaxan dam ñeuanaqaua'a da llo'oxoyec maye chochaq tatec.

Hechos 15:18

'Era da la'aqtac Ñim Nataxala' maye ỹa'axatta'a co'ollaxa de'era soua hua'au' vi'iye.

Juan 10:30

Aỹem, qataq Ñim Ita'a, 'oonolec da qarataxac.

Juan 5:19

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da ne'ena Llalec Ñim Lo'onatac 'Enauacna, namaye saishet da huo'o ca ỹo'ot da huo'otaq maiche ndotelec, cha'aye namaye ỹo'ot cam ỹauaachigui da ỹo'ot Ñim Lta'a. Qaq ỹoqo'oye 'enauac nam ỹo'otpi Ñim Ita'a, qaq nataqa'en Aỹem so'ot.

Juan 5:17

Qalaxaye So Jesús 'enapegalo soomaye, 'eeta': –Ñi Ita'a, saishet da ỹaxaañi da lo'onataxanaxac, qaq nache 'eetec nataqa'en Aỹem.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Mateo 10:27

Da huo'o ca sa'axat da huaigui na napalaxa, qalaq qaua'axacheeuec qom qoviitaigui ca yo'oqchiguiñi. Qataq da huo'o ca qami' ño'otaxaatoto ỹa'aqtac qalaq qaua'axachem 'enauac na shiỹaxauapi.

Apocalipsis 17:8

Se'eso shiguiỹac leguemaxaic maye 'auauaachigui, nacheso so 'oonolec maye nca'altauec co'ollaxa, qalaxaye nagui mashe saqca. Qaq somaye qaltaq nnoxoosheguem qome da chegaqaña cam laponqa' na leuaxaicpi, qalaxaye nachaqrata da yaqto' ima da qailaxachigui. Qaq na shiỹaxauapi maye huetalec ana 'alhua nam saishet da qoỹettaua'a acam lmalate nam qanca'alaxatecpi chegoqchiguiña co'ollaq saxanaxa da qaỹo'ot ana 'alhua, namayepi ỹataqta huo'o da la'aalaxa qom ỹauaachigui se'eso shiguiỹac leguemaxaic maye nca'altauec co'ollaxa, qalaxaye mashe saqca, qalaxaye qaltaq ỹe'eguelaxalec da nca'alec.

Apocalipsis 14:6

Ime, qataq sela'a so lỹa namaxashec piguem le'ec, huaỹotac, queto'ot na piguem. Ỹachetac da no'on na'axaỹaxac maye huo'o naq 'enec qataq qaica ca loga't, da yaqto' da'aqtaxanem 'enauac na ỹotta'a't shiỹaxauapi maye netalec na ỹotta'a't 'alhuapi qataq ỹotta'a't na la'aqtacpi.

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Efesios 3:2

Qami' mashe sogote da qauaỹaañi da Ñim Lo'onatac 'Enauacna aỹem ipataxalec da sa'axatec dam 'eetapeguec Ñimaye dam ỹachegoxotchigui da lta'araic lsoxoyec maye, nache 'eetai' da ỹaỹamaxattapiguiñi.

Efesios 6:19

Nataqa'en aỹem qanqouagaxauñiitalec, qauỹaxañiitacot Ñim Lo'onatac 'Enauacna da aỹem ỹanem ca ỹa'añaxac da sa'axat dam 'eetapeguec Ñimaye dam, nache 'eetai' da 'eetapeguec maye saqcha'a.

Colosenses 4:3

Qataq nataqa'en qomi' qanqouagaxauñiitaleguete, qauỹaxañiitacot Ñim Lo'onatac 'Enauacna da yaqto' qomi' huesochiyiñi da sa'axataq da na'aqtaxanaxac qataq da saqcha'a maye 'eetapeguec So Cristo. Dam sa'axattac nagui qataq da huo'omshe aỹem qaicoñettai'.