Efesios 3:8 - La'aqtaqa Ñim Lo'onatac 'Enauacna 2013

⁸ Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Nuevo Testamento Toba Sur

⁸ Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Nuevo Testamento Toba Sombrero Negro

⁸ Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Efesios 3:8 Referans Kwoze

Colosenses 1:27

Qaq Ñimaye maiche lhuennataxac da ỹaỹaanaxanaxanec de'era 'eetapeguec maye lta'araic qataq huo'o da llo'oxoyec 'enauac na ỹotta'a't shiỹaxauapi ana 'alhua. Qaq damaye 'eeta': Ñim Lo'onatac 'Enauacna naỹa naqa'en ana 'alhua So Cristo da yaqto' qami' hueta'agueta, qataq Somaye ỹataqta 'eesa naqa'en da qanhuañiỹaua'a da la'añaxac qataq da llo'oxoyec Ñim Lo'onatac 'Enauacna.

1 Corintios 15:9

Cha'aye aỹem qaica ca ỹa'amaqchec, saq shena'am na laỹepi lamaxashecpi So Jesús, qataq sa yaloua'a da aỹem qoỹanagui da aỹem lamaxashec Somaye, cha'aye secaatac na ỹa'amaqteetacpi co'ollaxa.

Efesios 3:16

Souaxat dam lta'araic lsallaxa qataq da llo'oxoyec, nache seỹaxaatacot Ñim Lo'onatac 'Enauacna da ỹachegoxotchigui So Saqcha'a La'añaxac da qami' ỹanema ca la'añaxac da qarvilỹaxaqui.

Efesios 2:7

Qaq ỹo'ot de'era Ñimaye, cha'aye nshetaique da ỹachaxan da 'eetec cam ñaq natrauo na'axa'te da lta'araic lauotaxanaqtaic da shenaqta qataq dam lqouagaxanaqtaic maye ỹachegoxotchigui So Cristo Jesús.

1 Timoteo 2:7

Ỹoqo'oye Ñim Lo'onatac 'Enauacna aỹem ỹamaq da sa'axatem nam saishet da judiopi de'era no'on na'axaỹaxac. Qaq aỹem sapaxaguenec namayepi da ỹataqta 'eesa qataq dam naigui da qaipi'iỹa'a Ñim Lo'onatac 'Enauacna. ¡De'era ỹa'aqtaxanaxac ỹataqta 'eesa, saishet da satenataxaatac!

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

Romanos 11:33

¡Ñim Lo'onatac 'Enauacna ỹataqta lta'araic da lsallaxa! ¡Da laỹaanec qataq da lauattonaxanaxac ỹataqta saishet da qaivi' da qanaloqten! Qaica ca ishet da ỹaỹate'n naua lhuennataxaco, qataq qaica ca ishet da ỹa'axat nam ỹo'otpi.

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

2 Timoteo 1:11

Qaq Ñim Lo'onatac 'Enauacna ỹanagui da aỹem lamaxashec da yaqto' sa'aqtaxanem qataq sapaxaguenec da no'on na'axaỹaxac na ỹotta'a't shiỹaxauapi.

Efesios 3:19

Qataq seỹaxaatacot Ñim Lo'onatac 'Enauacna, da yaqto' qami' ỹataqta qauauattoñiita de'era nauotaxanaqtaic maye ỹataqta napacalec 'enauac na qarauattonaxanaxacpi, qataq yaqto' qami' qauacoñiiguet 'enauac nam huotaique da qami' ỹanema Ñimaye.

1 Corintios 2:9

Qaq tachigui da 'ena'ape naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Ñim Lo'onatac 'Enauacna iqataxaatapigui' da ỹanem cam ỹauotec Ñimaye dam qaica ca ishet da ila'a, huo'otaq hua'axaỹa huo'otaq da iuennatapega.»

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

Hechos 5:41

Nache se'esoua Jesús lamaxa'she chegoqtoiguilo so nta'alpi ỹataqta huo'o da ntonaxa'c, cha'aye Ñim Lo'onatac 'Enauacna ỹasheetegueta soomaye da huo'o da nque'eenaxa'c, huasoirelec da ỹataqta ỹalaxareguet So Jesús.

Apocalipsis 3:18

Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

1 Timoteo 1:15

Qaq de'era ỹataqta 'eesa, qataq saishet da qaiqoleguet da So Cristo Jesús naỹa ana 'alhua da nca'alaxatec na shiỹaxauapi 'etaxaloxoicpi, ivira'a aỹem, maye ỹactec da aỹem 'etaxaloxoic.

Hechos 9:15

Qalaxaye So Qarataxala' 'enapego' somaye, 'eeta': –'Aue, 'anqo'ona, cha'aye Aỹem ica'aguishec ñi'iñi ỹale da yaqto' Aỹem ỹa'axat da ỹa'axatem na ỹotta'a't shiỹaxauapi, qataq na lta'alpi namayepi, nataqa'en nam Israel le'ecpi.

Filipenses 4:19

Qaq Ñim Ita'a maye Lo'onatac 'Enauacna, qami' ỹanema qome 'enauac cam qaviñiitaique ỹachegoxotchigui dam qaica ca 'ena'am lsallaxa, qataq da llo'oxoyec maye hueto'ot So Cristo Jesús.

Gálatas 2:8

Qaq nacheñi Ñim Lo'onatac 'Enauacna Ñim lamaxashec so Pedro da da'aqtaxanem na judiopi, qaq aỹem qalaxaye aỹem ỹamaxa na saishet da judiopi.

Salmos 31:19

Ỹataqta lta'araic da 'arqouagaxanaqtaic, maye 'auqataxaatai' da 'aỹa'anem na ỹataqta 'am quetague', qataq ỹauaachigui 'anqa'en na shiỹaxauapi, da 'aỹa'anoigui na ỹataqta 'am pe'etega.

Filipenses 2:3

Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

Efesios 3:2

Qami' mashe sogote da qauaỹaañi da Ñim Lo'onatac 'Enauacna aỹem ipataxalec da sa'axatec dam 'eetapeguec Ñimaye dam ỹachegoxotchigui da lta'araic lsoxoyec maye, nache 'eetai' da ỹaỹamaxattapiguiñi.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Juan 1:16

Qaq 'enauac da shenaqta saconaxaguet dam chochaq huañi lsallaxa, qaq nachera dam lqouagaxanaqtaic maye nacalec lỹa da qomi' ỹanema.

1 Crónicas 17:16

Huaña nache so nta'a David, nachaateua'a so lanataqa' Ñim Nataxala', nache 'enapeco': «'Am Nataxala' maye 'Aro'onatac 'Enauacna, ¿che negue'to' aỹem qataq na ỹalaqpi, da yaqto' aỹem 'anviraxata'a ne'ena?

Efesios 3:1

Aỹem Pablo, aỹem qaicoñettai' cha'aye sasoilec da so'onataxaatacot So Jesucristo qataq so'onataxaatac da yaqto' qauaỹamaqaiñi qami' maye saishet da qami' judiopi.

Lucas 14:22

Qaq co'ollaq mashe ñe'eguelaq so namaxashec, nache da'aqtaxan, 'eeta': «'Am ña'aco', mashe sogote da so'ot 'enauac da aỹem 'auamaxalec, qalaxaye ñaqaiyeta ñaq huo'o ye ndaqa'.»