Efesios 3:6 - La'aqtaqa Ñim Lo'onatac 'Enauacna 2013

⁶ Qaq de'era 'eetapeguec maye saqcha'a, damaye, 'eeta': Chegoqchigui So Jesucristo da 'enauac nam saishet da judiopi, namayepi nataqa'en ishet da ỹaconeguet da nca'alaxa qataq nam qaỹachaxanapecotpi na Israel le'ecpi. Ime, nache ỹauaxaỹaxana't da yaqto' ima'a't da nhuo' le'ecpi. Qaq dam iuen da ỹo'ot namayepi 'eeta' ỹaconeguet da no'on na'axaỹaxac.

Nuevo Testamento Toba Sur

⁶ Qaq de'eda lataxac saq cha'a 'eeta': Chigoqchigui qome da n'aqtac mayi chigaqaigui da nca'alaxa da na sa ishit da judiopi ÿaconguet cam ÿachaxanapec ñi Dios da 'eeta'am qanqoÿin na judiopi. Namayipi nataq'en nhuanau'a da l'oquiaxac so Cristo, qataq nataq'en Jesús.

Nuevo Testamento Toba Sombrero Negro

⁶ Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

Efesios 3:6 Referans Kwoze

1 Juan 2:25

cha'aye So Cristo qomi' ỹachaxanapecoto ca nca'alaxa maye chochaq tatec.

Gálatas 3:14

Qaq ỹoqo'oye da lqouagaxanaqtaic Ñim Lo'onatac 'Enauacna maye ỹachaxanapecot co'olloxocheye so Abraham, damaye ỹami' nataqa'en nam saishet da judiopi. Qaq ỹoqo'oye da huo'o ca qarpi'iỹaxac So Cristo, nache saconaxaguet som Saqcha'a La'añaxac Ñim Lo'onatac 'Enauacna maye qomi' ỹachaxanapeguema co'ollaxa.

1 Corintios 12:27

Ñi 'oonolec da qoñiita na'attaua'a na laỹepi 'amqaanataxanaxaicpi, qaq 'enauac qami' qana'ayeetaua'a da lo'ocỹaxac So Cristo.

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.

Efesios 5:30

Cha'aye ỹoqta 'eesa da ñi 'oonolec da shenaqta ña'araqtaua'a na 'amqaanataxanaxaicpi maye lo'ocỹaxac So Cristo.

Efesios 5:7

Qaq ỹoqo'oye saishet qome da qa'aitegueua'a na shiỹaxauapi maye ỹo'ottac de'era.

1 Corintios 12:12

Na ỹa'amaqteetac So Cristo, 'eeta'am da lo'ocỹaxac ca 'oonolec shiỹaxaua. Qalota na na'attaua'a logoxoshetpi, qalaxaye 'oonolec da lo'ocỹaxac.

Ezequiel 47:22

Qaq nachena qome nam qami' taỹoto da yaqto' qaralamaxache, qataq nataqa'en cam chegaqauecpi maye qami' ỹalectaiguilo, qataq da huo'o ca llalaqpi cam chegaqauecpi maye qami' netaiguilo. Qaq camayepi iuen da 'eeta'am qanqa'eñi da ỹataqta lañoqo' na Israel. Qom ivita da qancolaxachiigui na 'alhua qami' maye qauachegoqoiguet so Israel, nache nam chegaqauecpi nataqa'en qome huo'o ca taỹot 'alhua.

Gálatas 5:24

Qaq qomi' maye qomi' lalamaqa'ate So Jesucristo, mashe 'eeta'am da sogote da seuaxanaxauo da qanapagaqaanaxac qataq da qauem qarqopitaxanaqtaic.

Efesios 3:3

Ñim Lo'onatac 'Enauacna aỹem ỹaỹaanaxanaxanec da 'eetapeguec maye saqcha'a, qaq damaye shiyiñi co'ollaxa da qami' samaxalo qalaxaye saxanaxa da ỹataqta sa'axatta.