Efesios 3:5 - La'aqtaqa Ñim Lo'onatac 'Enauacna 2013

⁵ De'era maye saqcha'a saishet co'ollaxa da huo'o ca qaỹaỹaanaxanaxanec som hua'au' vi'iye. Qalaxaye nagui Ñim Lo'onatac 'Enauacna ỹachegoxotchigui So Saqcha'a La'añaxac da ỹaỹaanaxanaxanec nam iỹotaugapi maye lamaxashecpi So Jesús qataq na la'aqtaxanaxanecpi.

Nuevo Testamento Toba Sur

⁵ De'eda lataxac mayi saq cha'a sa ishit co'ollaxa da huo'o ca qaÿaÿajnaxanaxanec som hua'a'u vi'iyi. Qalaxayi nagui ñi Dios ÿachigoxotchigui so n'Espíritu da ÿaÿajnaxanaxanec nam iÿotaugapi mayi lamaxashicpi so Jesús qataq na l'aqtaxanaxanecpi.

Nuevo Testamento Toba Sombrero Negro

⁵ Jena'me jenjo' lelnataĝac joñe'me Dios ca'li dia'me 'uaediñe ja yayate'n, qalaĝaja nayi Dios male yaloĝonalo jogaa'me ja 'nalo'te jo'ne mach'e lamaĝa's nataq'aen gaa'me 'laqataĝanaĝanaqa, jouaĝat da'me 'uo ñe'me Lepaqal jo'ne uetauelo jogaa'me.

Efesios 3:5 Referans Kwoze

Judas 1:17

Qalaxaye qami' ñauochaxau' ỹaqaỹarolqa, qauennachiỹa'a dam mashe qami' da'aqtaxaateguema co'ollaxa soua lamaxa'she So Qarataxala' Jesucristo.

2 Pedro 3:2

Qauennachiỹa'a da la'aqtaxanaxac som la'aqtaxanaxanecpi Ñim Lo'onatac 'Enauacna maye qomi' ỹanema soua qaỹoqteguelo vi'iye. Qataq saishet da qaucoviỹa'aisalo naua lamaxasoxonaxaco So Qarataxala' qataq Qarca'alaxaqui Jesucristo maye qami' ỹapaxagueneque soua lamaxa'she.

Efesios 2:20

Qataq qami' 'amqaanataxanaxaicpi qoñiita'am ca nỹec maye qano'oxootapiguisheguem, no'oxootelec qanqoỹen som lapaxañi co'olloxocheye na lamaxashecpi So Jesús qataq so la'aqtaxanaxanecpi Ñim Lo'onatac 'Enauacna. Qaq nacheso So Jesucristo som 'eeta'am ca coma' maye nllañi ca nỹec.

Efesios 3:9

Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.

Hechos 10:28

Nache so Pedro 'enapego' somayepi, 'eeta': –Qami' qauaỹaañi da na judiopi ỹasouaxat da la'amqaanataxanaxac, nache ỹataqta sa qaỹasheneguet da ỹaleeguet ca sa lauo' le'ec, huo'otaq da choche pa'aigui ca lauo' camaye. Qalaxaye Ñim Lo'onatac 'Enauacna aỹem ỹapaxaguenec da saishet da huo'o ca samata'ac da nshepaxan da lataxac, huo'otaq sa qaisheteguet.

Lucas 10:24

Cha'aye qalota co'ollaxa som la'aqtaxanaxanecpi Ñim Lo'onatac 'Enauacna qataq som ilotague' so Israel le'ecpi, huo'o da lyaxa da ỹauaachigui qataq hua'aqchigui dam qami' qauloita'a qataq qaua'aqaichigui nagui, qalaxaye somayepi sa ỹañoxot.»

Juan 14:26

Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

Mateo 13:17

Cha'aye qalota co'ollaxa so la'aqtaxanaxanecpi Ñim Lo'onatac 'Enauacna qataq som no'on da lataxac shiỹaxauapi da huotaique da ỹauaachigui de'era maye qami' qaumiiñitac, qataq dam qaua'aqaitega, qalaxaye somayepi saishet da ỹañoxot.

Romanos 16:25

Ñim Lo'onatac 'Enauacna ishet da qami' ỹo'oteque da ỹataqta qami' 'añaxaiqa da qoviitaigui da dalaxaic achaalataxac maye qomi' ỹanema So Jesucristo. Qaq ỹoqo'oye ¡sho'oxorenaq Ñimaye! 'Era da ỹa'aqtac co'ollaq qami' sa'aqtaxaateguema da no'on na'axaỹaxac qataq co'ollaq qami' sa'aqtaxaateguema So Jesucristo. Qaq damaye nateeteguet dam 'eetapeguec Ñim Lo'onatac 'Enauacna maye qomi' ỹaỹaanaxanaxaneque dam saqcha'a co'ollaq saxanaxa da ỹo'ot ana 'alhua.

Juan 16:13

Qalaxaye qom anac cam Saqcha'a Na'añaxac Qui'itta maye ỹoqta 'eesa, nache Camaye qami' ỹapaxagueneque 'enauac nam lataxaguesat maye 'eesa; cha'aye Camaye saishet da maiche nallegoxottela't ca la'aqtaxanaxac, nachaqrata da ỹa'axat 'enauac nam hua'aqchigui, qataq qami' ỹaỹaanaxanaxaneque cam ñaq naỹa'acna.

Mateo 23:34

Aỹem samaq qome ca ỹa'aqtaxanaxanecpi qataq ca ỹaanaxanaxaicpi qataq ca napaxaguenataxanaqpi. Qalaxaye huo'o qome ca qaualauache camayepi qataq qauaxañiiguet ca npe'enaxaqui; qataq huo'o qome na qauaxañiitac da huaigui ana qanapaxaguenaxaqui, qataq huo'o qome ca laỹepi da qaviraxachiỹa'a na laỹepi nỹecpi da qaucañiitac.

Lucas 11:49

Qaq ỹoqo'oye Ñim Lo'onatac 'Enauacna maye ỹaanaxanaxaic, huo'o da la'aqtac co'ollaxa da qami' ỹa'axatta'agueta 'enapeco': «Aỹem qami' samaxalo qome ca ỹa'aqtaxanaxanecpi qataq ỹamaxashecpi, qalaxaye huo'o na qaualauache, qaq ca laỹepi qalaq qaucañiitac, qaviraxachiỹalo naua lỹa't 'aleu'.»

Isaías 52:15

qaq nache 'eetec nataqa'en qome da qalota na ỹotta'a't shiỹaxauapi nam huo'o da la'aalaxa, qaq na nta'alpi qom ila'a nache 'eco' qaicaua naua la'aqtaqa, cha'aye ỹauaachigui qataq ỹaỹaten qome dam sa ỹauanega da hua'aqchigui.

1 Corintios 2:10

Qaq 'era da qomi' ỹauattonaxanaxaneque Ñim Lo'onatac 'Enauacna, chegoqchigui naqa'en So Saqcha'a La'añaxac, cha'aye Somaye ỹaỹaten 'enauac, qataq ivira'a da ỹaỹaten na saqcha'a 'eetapeguecpi Ñim Lo'onatac 'Enauacna.

Mateo 20:7

Nache somayepi 'enapeco': «¡Cha'aye qaica ca qomi' ỹo'onataxanaxa'n!» Nache se'eso 'aco' 'enapeco': «Qami' nataqa'en qanqo'oñiuga qome ye ỹanaxanqa' da qauo'onataxañi.»