Efesios 3:4 - La'aqtaqa Ñim Lo'onatac 'Enauacna 2013

⁴ Qaq da qautaxaỹaxañi dam shiyiñi, nache qami' ishet da qauloỹa'a da aỹem ỹataqta sauattoota dam saqcha'a 'eetapeguec Ñim Lo'onatac 'Enauacna maye ỹacoolec da ỹo'ot ỹachegoxotchigui So Jesucristo.

Nuevo Testamento Toba Sur

⁴ Qaq da qautaxaÿaxañi, nachi qami' ishit da qauloÿa'a da aÿim ÿataqta sauattoota dam saq cha'a lataxac mayi chigoqo'ot so Cristo.

Nuevo Testamento Toba Sombrero Negro

⁴ Chane'eja qom auec'achiñe jena'me jenjo' yediijec, male auayachiñe jena'me jenjo' ja'aĝatetac jo'ne Dios lelnataĝac, jo'ne nataq'aen joote ye'et ca'li ñe'me Jesucristo.

Efesios 3:4 Referans Kwoze

Colosenses 4:3

Qataq nataqa'en qomi' qanqouagaxauñiitaleguete, qauỹaxañiitacot Ñim Lo'onatac 'Enauacna da yaqto' qomi' huesochiyiñi da sa'axataq da na'aqtaxanaxac qataq da saqcha'a maye 'eetapeguec So Cristo. Dam sa'axattac nagui qataq da huo'omshe aỹem qaicoñettai'.

1 Corintios 4:1

Qami' iuen da qomi' qauamachiỹa'aque da choche qomi' lo'onataxanaxanaqa So Cristo, qomi' ipataxaleguete da sapaxaguenataxanaxac dam 'eetapeguec Ñim Lo'onatac 'Enauacna maye saqcha'a co'ollaxa.

2 Corintios 11:6

Qaq na'aictaxa da saishet da ỹoqta saỹaten da itaxaỹaxac, qalaxaye saỹateeta da huo'o ye sa'axattac. Qaq damaye, nache 'eetai' naxa da qami' sachaxaategalo, chegoqchigui 'enauac nam qami' so'oteque.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Colosenses 2:2

Qaq de'era ñeloquiaxac sauotaique da sa'añaqchet 'enauac namayepi qataq yaqto', nache 'eetai' da na'atta'a't souaxat da lauotaxanaqtaic So Cristo, huaña nache ivireguet namayepi da ỹataqta 'eesa da ỹaỹaten 'enauac dam saq cha'api 'eetapeguecpi Ñim Lo'onatac 'Enauacna qataq So Cristo.

Efesios 6:19

Nataqa'en aỹem qanqouagaxauñiitalec, qauỹaxañiitacot Ñim Lo'onatac 'Enauacna da aỹem ỹanem ca ỹa'añaxac da sa'axat dam 'eetapeguec Ñimaye dam, nache 'eetai' da 'eetapeguec maye saqcha'a.

Efesios 5:32

Qaq de'era ỹataqta 'eesa qataq ỹataqta lta'araic da naigui maye saqcha'a. Qaq aỹem nachera da seueetac da sa'axattac So Cristo qataq na 'amqaanataxanaxaicpi.

Efesios 1:9

da Ñim Lo'onatac 'Enauacna ỹo'ot da 'eetapeguec saqcha'a dam taỹa'a da ipaqueelec ỹachegoxotchigui So Cristo. Qaq nagui qomi' ỹaỹaanaxanaxaneque.

Lucas 8:10

Nache So Jesús 'enapeco': –Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna. Qalaxaye nam laỹepi shiỹaxauapi, namayepi da sapaxaguen qalaq sauo'o na saloqnaxana. Qaq ỹoqo'oye na'aictaxa da demeenaxatac qalaq 'eeta'am da sanauaañi, qataq na'aictaxa da hua'aqtac, qalaxaye 'eeta'am da saishet da hua'aqa.

1 Timoteo 3:9

Nataqa'en iuen da ỹataqta ỹa'amaqten dam 'eesa lataxac dam qarpi'iỹaxac, qataq da ntoonaxac ỹataqta ỹaỹamaqchiguiñi.

1 Corintios 13:2

Da qaica ca isoxoyec, nache qaica ca naigui da sa'axattac da la'aqtaxanaxac Ñim Lo'onatac 'Enauacna qataq da sheetega da saỹaten nam saqcha'a lapaxañipi Ñimaye. Nataqa'en qaica ca naigui da ipi'iỹaxac Ñim Lo'onatac 'Enauacna, na'aictaxa da ishet da nqochenaxat aca qaỹoqotcheguemec 'alhua.

Mateo 13:11

Nache So Jesús 'enapeco': Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna, qalaxaye na shiỹaxauapi qalaq saishet da saỹaanaxanaxanec.

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Romanos 16:25

Ñim Lo'onatac 'Enauacna ishet da qami' ỹo'oteque da ỹataqta qami' 'añaxaiqa da qoviitaigui da dalaxaic achaalataxac maye qomi' ỹanema So Jesucristo. Qaq ỹoqo'oye ¡sho'oxorenaq Ñimaye! 'Era da ỹa'aqtac co'ollaq qami' sa'aqtaxaateguema da no'on na'axaỹaxac qataq co'ollaq qami' sa'aqtaxaateguema So Jesucristo. Qaq damaye nateeteguet dam 'eetapeguec Ñim Lo'onatac 'Enauacna maye qomi' ỹaỹaanaxanaxaneque dam saqcha'a co'ollaq saxanaxa da ỹo'ot ana 'alhua.

Efesios 3:3

Ñim Lo'onatac 'Enauacna aỹem ỹaỹaanaxanaxanec da 'eetapeguec maye saqcha'a, qaq damaye shiyiñi co'ollaxa da qami' samaxalo qalaxaye saxanaxa da ỹataqta sa'axatta.

Efesios 3:9

Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.

Colosenses 1:26

de'era la'aqtac maye saishet co'ollaq da huo'o ca ỹaỹaanaxanaxanec som shiỹaxauapi soua hua'au' vi'iye. Qalaxaye nagui Ñimaye ỹaỹaanaxanaxanec nam lalamaxatpi.