Efesios 3:3 - La'aqtaqa Ñim Lo'onatac 'Enauacna 2013

³ Ñim Lo'onatac 'Enauacna aỹem ỹaỹaanaxanaxanec da 'eetapeguec maye saqcha'a, qaq damaye shiyiñi co'ollaxa da qami' samaxalo qalaxaye saxanaxa da ỹataqta sa'axatta.

Nuevo Testamento Toba Sur

³ Cha'ayi ñi Dios ÿachaxan da lataxac da lapaxañi co'olloxochiyi mayi saq cha'a da aÿim ÿaÿajnaxanaxanec. Qaq damayi sogote da shiyiñi da cada'ac sa'axatapec.

Nuevo Testamento Toba Sombrero Negro

³ Dios male jayem yaloĝona jena'me jenjo' lelnataĝac jo'ne te'me qoyoĝochiñe ca'li, nach'ena jo'ne male jedetapiñe nayi.

Efesios 3:3 Referans Kwoze

Gálatas 1:12

Damaye saishet da choche aỹem qaỹa'aqtaxanem huo'otaq da aỹem ỹapaxaguenec ca choche shiỹaxaua, nachaqrata da So Jesucristo, maye nacheso som aỹem ỹapaxaguenec damaye.

Romanos 16:25

Ñim Lo'onatac 'Enauacna ishet da qami' ỹo'oteque da ỹataqta qami' 'añaxaiqa da qoviitaigui da dalaxaic achaalataxac maye qomi' ỹanema So Jesucristo. Qaq ỹoqo'oye ¡sho'oxorenaq Ñimaye! 'Era da ỹa'aqtac co'ollaq qami' sa'aqtaxaateguema da no'on na'axaỹaxac qataq co'ollaq qami' sa'aqtaxaateguema So Jesucristo. Qaq damaye nateeteguet dam 'eetapeguec Ñim Lo'onatac 'Enauacna maye qomi' ỹaỹaanaxanaxaneque dam saqcha'a co'ollaq saxanaxa da ỹo'ot ana 'alhua.

Efesios 3:9

Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.

Efesios 3:4

Qaq da qautaxaỹaxañi dam shiyiñi, nache qami' ishet da qauloỹa'a da aỹem ỹataqta sauattoota dam saqcha'a 'eetapeguec Ñim Lo'onatac 'Enauacna maye ỹacoolec da ỹo'ot ỹachegoxotchigui So Jesucristo.

Hechos 22:17

Qaq co'ollaq aỹem ñe'eguelaxague na Jerusalén, nache ñeqo'oneua'a añi no'onaxanaxaqui late'erai da yaqto' ñeqouagaxauen, nache huo'o so ỹauanaqchec.

Hechos 22:21

Qalaxaye So Qarataxala' aỹem 'enapega, 'eeta': «'Aue qome, qojec, cha'aye ỹataqta qaỹoqtegue cam 'am samaxague, 'am samaxa qome nam saishet da judiopi.»

Efesios 1:17

Nache seỹaxaatacot Ñim Lo'onatac 'Enauacna maye Lta'a So Qarataxala' Jesucristo, Ñim Nta'a maye ỹo'oxoraic, da yaqto' qami' ỹanema So Saqcha'a La'añaxac da qami' ỹaanaxanaxaiqa naqa'en, qataq da yaqto' ỹataqta qauauattoñiita Ñimaye.

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Hechos 23:9

Nache 'enauac somayepi ỹa'alaqtagui; nache huo'o na nachaañi nam dapaxaguenataxaatapeguec na namaxasoxonaxacpi maye nache laỹepi na fariseopi. Nache namayepi 'eeta': –De'era ỹale, damaye saishet da huo'o ca ỹo'ot sa ỹaỹamaxañi, cha'aye saiuena'a da huo'otaq huo'o cam detaqtague' nam namaxashec piguem le'ecpi, huo'otaq nam saq cha'api na'añaxac. Qaq no'on da saishet qome da ñepa'aguenaqtague' Ñim Lo'onatac 'Enauacna.

2 Corintios 12:1

Ỹataqta qaica ca naigui ca shiỹaxaua da maiche ño'oxoreetapeguela't. Qalaxaye nache 'ena'am so'ot damaye. Qaq nagui nache qami' sa'aqtaxanema nam ỹauanaqchecpi qataq dam aỹem ỹaỹaanaxanaxanec so Qarataxala' Jesucristo.

Efesios 3:6

Qaq de'era 'eetapeguec maye saqcha'a, damaye, 'eeta': Chegoqchigui So Jesucristo da 'enauac nam saishet da judiopi, namayepi nataqa'en ishet da ỹaconeguet da nca'alaxa qataq nam qaỹachaxanapecotpi na Israel le'ecpi. Ime, nache ỹauaxaỹaxana't da yaqto' ima'a't da nhuo' le'ecpi. Qaq dam iuen da ỹo'ot namayepi 'eeta' ỹaconeguet da no'on na'axaỹaxac.

Efesios 6:19

Nataqa'en aỹem qanqouagaxauñiitalec, qauỹaxañiitacot Ñim Lo'onatac 'Enauacna da aỹem ỹanem ca ỹa'añaxac da sa'axat dam 'eetapeguec Ñimaye dam, nache 'eetai' da 'eetapeguec maye saqcha'a.

Colosenses 2:2

Qaq de'era ñeloquiaxac sauotaique da sa'añaqchet 'enauac namayepi qataq yaqto', nache 'eetai' da na'atta'a't souaxat da lauotaxanaqtaic So Cristo, huaña nache ivireguet namayepi da ỹataqta 'eesa da ỹaỹaten 'enauac dam saq cha'api 'eetapeguecpi Ñim Lo'onatac 'Enauacna qataq So Cristo.

Colosenses 4:3

Qataq nataqa'en qomi' qanqouagaxauñiitaleguete, qauỹaxañiitacot Ñim Lo'onatac 'Enauacna da yaqto' qomi' huesochiyiñi da sa'axataq da na'aqtaxanaxac qataq da saqcha'a maye 'eetapeguec So Cristo. Dam sa'axattac nagui qataq da huo'omshe aỹem qaicoñettai'.

Hebreos 13:22

Qami' ỹaqaỹa't, saq aloc de'era shiyiñi itaxaỹaxac maye qami' samaxalo da qami' sa'añaqche't. Da qautaxaỹaxañi qalaq qana'añaxacheeguet de'era ỹa'aqtaxanaxac.

1 Pedro 5:12

Ñi Silvano maye aỹem itauaatac da ỹiyiñi ana'ana saq aloc ỹere. Ñimaye samata'ac da ỹataqta sa naralaxat da lataxac da quetague' So Cristo, qataq taiguet da qaipi'iỹa'a. Qami' samaxalo ana ỹere da qami' seqatalo qataq ỹataqta 'eesa da 'enauac nam 'onaxaic maye qami' ỹanema Ñim Lo'onatac 'Enauacna ỹachaxan Ñimaye da ỹataqta lta'araic da lauoche da qoñiita. ¡Qaq ỹoqo'oye saishet qome da qauqolliguichi da lsoxoyec Ñim Lo'onatac 'Enauacna!

2 Pedro 3:15

Qataq qantooñita'ac da So Qarataxala' Jesucristo qomi' iuatta'alo, da yaqto' ishet da ñeca'alaxauec qome. So qanauochaxaua qartaua qarqaỹa Pablo, nataqa'en ỹiyiñi co'ollaxa de'era, cha'aye Ñim Lo'onatac 'Enauacna ỹa'axatem co'ollaxa de'era.