Efesios 3:21 - La'aqtaqa Ñim Lo'onatac 'Enauacna 2013

²¹ Qaq ỹoqo'oye 'enauac qome qomi' maye sa'amaqtenaqtac So Cristo, 'onaxaic da chochaq tatec da qayo'oxonnataxanaxa Somaye. Aja', nache 'eetec.

Nuevo Testamento Toba Sur

²¹ Qaq ÿoqo'oyi 'enauac qome na 'amqajnataxanaxaicpi ÿi'oxoden ñi Dios souaxat da n'attau'a so Cristo. Qaq damayi nachi 'eetai' qome da qaica ca loga't. Aja', nachi 'eetec.

Nuevo Testamento Toba Sombrero Negro

²¹ ¡Eja, 'noota qom qo'nonaĝachigui joñe'me! Yema da'me qo'mi jo'ne jouaqaue jena'me Dios lec'oqo'tepi, qo'mi jo'ne qademe'teguet joñe'me Jesucristo, 'noota ta'le yataqata 'ñonaĝataĝaye joñe'me yemeda naa'me noloqo'ote, nach'e eta't ja pal. Jaja'a, nach'e naq'aeta da'me dojo'.

Efesios 3:21 Referans Kwoze

Judas 1:25

Qaq ỹoqo'oye qavio'oxoyiñiitac qome Ñim Lo'onatac 'Enauacna maye Qarca'alaxaqui, qataq qaua'amaqchiñi da la'amaqchec qataq da la'añaxac qataq da 'enec, cha'aye Ñimaye qomi' namaxalo So Qarataxala' Jesucristo. Qaq ỹoqo'oye chochaq tatec qome da qayo'oxonnataxanaxac Ñimaye. Aja', nache 'eetec.

Romanos 11:36

Ỹataqta 'eesa da Ñim Lo'onatac 'Enauacna, ỹo'ot imauec nam qaila'a qataq nam saqcha'a, qaq 'enauac na huo'o, nache chegoqchigui Ñimaye qataq lalamaxat. Qaq ỹoqo'oye, ¡chochaq tatec qome da qayo'oxonnataxanaxa Ñim Lo'onatac 'Enauacna! Aja', nache 'eetec.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

1 Pedro 5:11

Qaq Ñim Lo'onatac 'Enauacna do'onataxana dam qaica ca 'ena'am la'añaxac maye chochaq tatec. Aja', nache 'eetec.

Isaías 6:3

Nache ñi 'oonolec soomaye na'axanneque naua la'aqtaqa da detaqtega't, 'eeta': «Qui'itta, qui'itta, ỹataqta qui'itta Ñim Nataxala' maye Qaica ca Ỹaqalanapec. Da llo'oxoyec Ñimaye ỹataqta imattalec ana 'alhua.»

1 Crónicas 29:11

¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

Filipenses 4:20

¡Qaq Ñimaye maye Qarta'a, nache 'eetai' qome da qaỹo'oxoreetac! Aja', nache 'eetec.

Romanos 16:27

Qaq nagui chegoqchigui So Jesucristo, da chochaq tatec qome da qayo'oxonnataxanaxa Ñim 'oonolec qataq ỹaanaxanaxaic maye Lo'onatac 'Enauacna. Aja', nache 'eetec.

Isaías 42:12

Ña qaỹa'añim qome da llo'oxoyec Ñim Nataxala', qataq qaua'axacheuec da llo'oxoyec da qoviita'a na ỹaqauga 'alhuapiolec aso auaxai.

Filipenses 2:11

qataq yaqto' 'enauac qaỹauattoota So Jesucristo da nacheso so Nataxala', qataq nache llo'oxoyec Ñim Qarta'a maye Lo'onatac 'Enauacna.

Gálatas 1:5

Qaq ỹoqo'oye ¡nache 'eetai' qome da qaỹo'oxoreetac Ñim Lo'onatac 'Enauacna! Aja', nache 'eetec de'era.

2 Timoteo 4:18

Qataq aỹem isoueeguesop 'enauac nam qauem qataq aỹem nca'alaxatec, ime, nache aỹem ỹauegueua'a da lo'onataxanaxac maye ỹataqta lta'araic da llo'oxoyec chochaq tatec. Aja', nache 'eetec de'era.

Filipenses 1:11

Cha'aye chegoqchigui da ltaunaxanaxac So Jesucristo da qami' ishet da qauo'oche ca ỹaỹamaqchiguiñi, yaqto' na shiỹaxauapi ỹo'oxoren, qataq huo'o naq 'enec naqa'en Ñim Lo'onatac 'Enauacna.

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Salmos 115:1

'Am Nataxala', da ño'oxoyec saishet da qaralamaxat, cha'aye damaye lalamaxat da 'are'enaxat, souaxat da 'arauotaxanaqtaic qataq da 'eesa 'arataxac.

Efesios 2:7

Qaq ỹo'ot de'era Ñimaye, cha'aye nshetaique da ỹachaxan da 'eetec cam ñaq natrauo na'axa'te da lta'araic lauotaxanaqtaic da shenaqta qataq dam lqouagaxanaqtaic maye ỹachegoxotchigui So Cristo Jesús.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Efesios 4:1

Qaq ỹoqo'oye aỹem, maye aỹem qaicoñettai' souaxat da so'onataxaatacot So Cristo, nagui qami' ñachoxoreetoiguilo da ỹataqta qoquiitegue da lataxac nam qaiỹaxanapi maye 'eeta'ama qami', da ỹalegoigui qanqa'en nam lalamaxatpi Ñim Lo'onatac 'Enauacna.