Efesios 3:20 - La'aqtaqa Ñim Lo'onatac 'Enauacna 2013

²⁰ Qaq ỹoqo'oye 'onaxaic nagui da qaỹo'oxoren qome Ñim Lo'onatac 'Enauacna, Ñim 'añaxaic maye ishet da ỹactec naqa'en ca qomi' ỹanema, napacalec cam seỹaxanaqaique, huo'otaq cam tatapigui ye qarhuel, da chegoqchigui naqa'en da la'añaxac maye do'onataxaatapoigui da qanachaalataxac.

Nuevo Testamento Toba Sur

²⁰ Qaq ÿoqo'oyi nagui qaÿi'oxoden qome ñi Dios ñim 'añaxaic mayi ishit da ÿacteec naq'en da qomi' ÿanema cam seÿaxanaqaique, huo'otaq cam tatapigui yi qadhuel, da chigoqchigui naq'en da l'añaxac mayi do'onataxaatapoigui da qanachaalataxac.

Nuevo Testamento Toba Sombrero Negro

²⁰ Dios yataqata yaqanatet ta'le yauo'oe gaa'me jo'ne napacalo'te jogaa'me jajelaĝanaqaque uotaĝa ta'le ch'e jenataqatapegalo, qa'a jouaĝat joda'me 'lañaĝac jo'ne qo'mi t'onataĝanouelo.

Efesios 3:20 Referans Kwoze

2 Corintios 9:8

Ñim Lo'onatac 'Enauacna ishet da chochaq huañi naqa'en da qami' ỹanema na ỹotta'a't yo'oqchigui qana'achecỹaxaqui, yaqto' qami' ishet da huo'o 'enauac na maiche qarviñiqui. Huaña, nache ishet da qautauañi ca qarỹai.

Romanos 4:21

So Abraham ỹataqta ỹaỹateeta da Ñim Lo'onatac 'Enauacna huo'o da la'añaxac da ishet da ipactelec dam ỹachaxanapec.

Jeremías 32:27

«Nachaỹem maye Aỹem Nataxala', maye Natamnaxala' 'enauac nam huo'o da lca'alaxa, Aỹem qaica ca seqalanapec.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

1 Corintios 2:9

Qaq tachigui da 'ena'ape naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Ñim Lo'onatac 'Enauacna iqataxaatapigui' da ỹanem cam ỹauotec Ñimaye dam qaica ca ishet da ila'a, huo'otaq hua'axaỹa huo'otaq da iuennatapega.»

Efesios 1:19

Qataq yaqto' qauaỹaañi dam ỹataqta lta'araic la'añaxac maye qomi' itauaategueque. De'era na'añaxac qaica ca loga't, dam do'onataxana co'olloxocheye Ñim Lo'onatac 'Enauacna,

Jeremías 32:17

«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Hebreos 7:25

So Jesús ishet da chochaq tatec naqa'en da lca'alaxa nam huotaique da ivira'a da nauochaxaua Ñim Lo'onatac 'Enauacna chegoqchigui Somaye. Cha'aye Somaye, nache 'eetai' da nca'altauec, qataq nache queto'ot da iỹaxaatacot Ñim Lo'onatac 'Enauacna da iỹaxaateguelec namayepi.

Efesios 3:7

Ñim Lo'onatac 'Enauacna ỹataqta aỹem ỹauotec, ỹoqo'oye ñetooteguec da lta'araic la'añaxac, cha'aye nachera da ỹachegoxotchigui da aỹem ipataxalec da sa'axatec da no'on na'axaỹaxac, na'aictaxa da saishet da saiguet damaye.

Romanos 16:25

Ñim Lo'onatac 'Enauacna ishet da qami' ỹo'oteque da ỹataqta qami' 'añaxaiqa da qoviitaigui da dalaxaic achaalataxac maye qomi' ỹanema So Jesucristo. Qaq ỹoqo'oye ¡sho'oxorenaq Ñimaye! 'Era da ỹa'aqtac co'ollaq qami' sa'aqtaxaateguema da no'on na'axaỹaxac qataq co'ollaq qami' sa'aqtaxaateguema So Jesucristo. Qaq damaye nateeteguet dam 'eetapeguec Ñim Lo'onatac 'Enauacna maye qomi' ỹaỹaanaxanaxaneque dam saqcha'a co'ollaq saxanaxa da ỹo'ot ana 'alhua.

1 Reyes 3:13

Qaq nataqa'en 'am sanem qome nam saishet da 'auỹaxanaique, dam nsallaxa qataq da ño'oxoyec, qaq nache qaica qome ca lỹa nta'a da 'am 'eeta'am.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Daniel 3:17

Cha'aye Ñim Qanatamnaxala' maye sho'oxorenaqtac, Ñimaye ishet da qomi' nca'alaxateeguesopa na le'eraxa aca nqatelaxanaxaqui, qataq qomi' nca'alaxateeguesopa 'enauac nam qauem maye huotaique da qomi' 'auo'oteque 'am nta'a.

Colosenses 1:29

Qaq nachera da huo'omshe aỹem so'onataxaatac, qataq sauo'o da maiche ña'añaxataxac, qataq so'ogoxona nataqa'en da la'añaxac So Cristo maye aỹem ỹami'.

2 Crónicas 25:9

Nache so Amasías inat som nale Ñim Lo'onatac 'Enauacna, 'eeta': «Qaq ¿ca 'eeteco' qome ca lataxac som tres mil trescientos kilos so plata maye sanem so alleppi Israel le'ecpi?» Nache som nale Ñim Lo'onatac 'Enauacna ỹasateguet somaye, 'eeta': «Ñim Nataxala' ishet da ỹactec naqa'en cam 'am ỹanem, napacalec naqa'en somaye.»

Juan 10:10

Ca cachaxaic da anac, qalaq camaye nalemaqte' da lcachaxac, lalaataxanaxac qataq delaqtaxan. Aỹem, qalaxaye ñanac, da yaqto' qami' huo'o da qarca'alaqai qataq qaica ca qaviñiỹa'a.

Éxodo 34:6

Ime, nache nlectelec so Moisés, na'axanneque naua la'aqtaqa, da detaqtac, 'eeta': «¡Nam Nataxala'! ¡Nam Nataxala'! ¡Nam Lo'onatac 'Enauacna maye soxoraic qataq choxonnataxanaxaic! ¡Namaye qaỹoqchiguinguit da lalemataic, qataq lta'araic da lsoxoyec, qataq ỹataqta 'eesa!

Santiago 4:12

Ñim Lo'onatac 'Enauacna nachaqñita 'oonolec da nmit na nasouaxashetpi. Qataq nacheñi ñi qomi' ỹanema na lamaxasoxonaxacpi qataq nachaqñita ishet da ỹa'axat da qaica ca qarasouaxashet huo'otaq da huo'o ca qarasouaxashet. Qaq ỹoqo'oye qomi' sa seshetaq da qolaqtapeguelec da lataxac na laỹepi shiỹaxauapi.

1 Timoteo 1:14

Ỹoqo'oye aỹem ỹanem da ỹataqta lta'araic lqouagaxanaqtaic, nataqa'en da npi'iỹaxac, nataqa'en da nsoxoyec maye 'enauac qomi' ỹanema souaxat da ña'araqtaua'a So Cristo Jesús.

Daniel 6:20

Qaq so nta'a co'ollaq mashe saqaỹapeque aso nshere, nache iỹaxanaique so Daniel, qalaxaye da lỹaxanaxac ỹataqta daquico, nache 'eeta': 'Am Daniel, maye 'am lamaxashec Ñim Lo'onatac 'Enauacna maye nca'altauec, Ñim ỹataqta 'aualaxaguet naxa ¿ishet peta'a da 'am nca'alaxateeguesop na llonpi Ñim 'Anatamnaxala'?

Hebreos 11:19

So Abraham ỹaỹateeta da Ñim Lo'onatac 'Enauacna da huo'o da la'añaxac da qaltaq nca'alec naqa'en ca mashe ileu. Qaq de'era naquitaxac so Abraham, nachera dam ỹo'ot da saishet da ỹalauat so llalec. Qaq de'era naigui da 'eeta'am da so Isaac qaltaq ỹe'eguelaxalec da nca'alec.

Isaías 55:7

Cam qauemaic qalaq ñaq ỹaxanec qome da ỹo'ottac na qauem, qataq cam 'etaxaloxoic ñaq ỹaxaarec qome naua qauema lhuennataxaco, ñaq qavi'iguelaqaỹot Ñim Nataxala', yaqto' ñimaye qami' ichoxore'n, ñaq qavi'iguelaqaỹot Ñim Qanatamnaxala', maye choxonnataxanaxaic yaqto' qami' ichoxore'n.

2 Pedro 1:11

Qaq Ñim Lo'onatac 'Enauacna ỹataqta qami' ntootegueque da qami' ỹaconegueta da yaqto' qaunoxoñiiua'a da lo'onataxanaxac So Qarataxala' qataq Qarca'alaxaqui Jesucristo, qom nachaxan da ilo'ogue 'enauacna.

Isaías 35:2

qataq ñaxatec qome ana lauoxo 'eeta'am ana nañiguishe lirio, qataq nlaxagui qome da ntonaxac qataq da lamaicỹaxac. Cha'aye Ñim Lo'onatac 'Enauacna ỹo'otec qome da ỹataqta huo'o da lyac 'eeta'am ye Líbano, qataq ỹataqta no'on 'eeta'am ye Carmelo qataq ye ca'amegue ye Sarón. Qaq huaña qome nache 'enauac na shiỹaxauapi da ila'a da llo'oxoyec Ñim Nataxala' qataq da la'amaqchec Ñim Qanatamnaxala'.

Mateo 3:9

Qataq saishet qome da tatapigui qarvilli da qoñiita': ‹Qomi' maiche qomi' llalaqpi so Abraham.› Cha'aye qami' shenapegalo da Ñim Lo'onatac 'Enauacna, ishet da ivira'a da ỹachegoxotaigui ne'ena coma'pi ca ỹataqta llalaqpi so Abraham.

2 Samuel 7:19

¡Qataq 'eeta'amo' da qaica ca la'amaqchec de'era qonapec 'Am Nataxala', cha'aye nataqa'en 'aua'axata'a da lo'onataxanaxac qome na llalaqpi ne'ena 'aramaxashec! ¡'Am Nataxala', ỹataqta qaica ca ishet da 'eetec de'era na shiỹaxauapi!

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Génesis 18:4

Da 'auaỹamaxareeta, nache seỹaxanaique ca 'etaxat, da yaqto' qauỹoi' naua qarapia'achilli', ime, nache cara'acolec qanmachiiuec, qoñiỹo'ot ye lpaqal ara qo'oipaq.

2 Crónicas 9:12

Qaq so nta'a Salomón, nache ỹami' aso nate'e ye Sabá 'enauac nam iỹaxanaique asomaye, nache napacalec ye lcata so nda'a asomaye so nta'a. Ime, nache aso nate'e ỹe'eguelaxa ye na'alhua, nnaictague' so 'amaqtaqaic ltauapi.