Efesios 3:2 - La'aqtaqa Ñim Lo'onatac 'Enauacna 2013

² Qami' mashe sogote da qauaỹaañi da Ñim Lo'onatac 'Enauacna aỹem ipataxalec da sa'axatec dam 'eetapeguec Ñimaye dam ỹachegoxotchigui da lta'araic lsoxoyec maye, nache 'eetai' da ỹaỹamaxattapiguiñi.

Nuevo Testamento Toba Sur

² Qaq ÿoqta da mashi sogote da qauaÿajñi da 'eetec ñi Dios da maichi ÿachigoxotchigui da lqouagaxanaqtaic da aÿim ipataxalec de'eda i'onataxanaxac, da yaqto' qami' qauaÿamqaiñi.

Nuevo Testamento Toba Sombrero Negro

² Ami joote auayachiñe da'me eeta da'me dojo' 'yonatac jo'ne jayem yanem ñe'me Dios, qaedi ami ja'aĝatema joga'me mach'e lelnataĝac.

Efesios 3:2 Referans Kwoze

1 Timoteo 1:11

dam ỹo'oxoraq la'aqtaxanaxac Ñim Lo'onatac 'Enauacna, maye aỹem ỹamaxalec da sa'axatec.

2 Timoteo 1:11

Qaq Ñim Lo'onatac 'Enauacna ỹanagui da aỹem lamaxashec da yaqto' sa'aqtaxanem qataq sapaxaguenec da no'on na'axaỹaxac na ỹotta'a't shiỹaxauapi.

Romanos 1:5

So Jesús aỹem ỹachaxana da lsoxoyec qataq aỹem lca'aguishec da yaqto' so'onataxanot da aỹem lamaxashec, cha'aye Somaye huotaique da 'enauac na shiỹaxauapi ana 'alhua ỹalaxaguet qataq ỹa'amaqten Somaye.

Efesios 4:7

Qalaxaye ñi 'oonolec da shenaqta ỹaconeguet ca lachetaqtaxanaxat So Cristo, qaq camaye ipacchigui cam tateua'a lo'onataxanaxac maye ỹanem Somaye.

1 Corintios 4:1

Qami' iuen da qomi' qauamachiỹa'aque da choche qomi' lo'onataxanaxanaqa So Cristo, qomi' ipataxaleguete da sapaxaguenataxanaxac dam 'eetapeguec Ñim Lo'onatac 'Enauacna maye saqcha'a co'ollaxa.

Efesios 1:10

Qaq qom ivita ca laloqo' de'era, nache ỹataqta ipacchigui 'enauac dam 'eetapeguec Ñimaye. Huaña, nache nam hueto'ot na piguem qataq na huetalec ana 'alhua qoỹami' So Cristo da ilo'ogue 'enauac namayepi.

Gálatas 1:13

Qami' mashe qauaỹaañi da ỹataxac co'ollaq shectaigui da la'amqaanataxanaxac na judiopi. Nataqa'en qauaỹachiñiita da sheetec co'ollaq da sauo'o da lta'araic nque'eenaxac nam ỹa'amaqteetac Ñim Lo'onatac 'Enauacna qataq da sheetec da sauotaique da ỹataqta selaxachigui.

Hechos 22:21

Qalaxaye So Qarataxala' aỹem 'enapega, 'eeta': «'Aue qome, qojec, cha'aye ỹataqta qaỹoqtegue cam 'am samaxague, 'am samaxa qome nam saishet da judiopi.»

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Hechos 13:2

Qaq huo'o so na'a'q co'ollaq somayepi ỹo'ottac so llo'oxonnataxanaxac Ñim Nataxala', qataq nqouaqchettac, nache So Saqcha'a Na'añaxac Qui'itta 'enapego' somayepi, 'eeta': –Qauỹochiỹauga qome ñi Bernabé qataq ñi Saulo, ime, nache qoñiỹapegalo da je'c do'onataxaaleguete dam sanaguilo lo'onataxanaxa'c maye huo'omshe seỹaxanalo.

Hechos 9:15

Qalaxaye So Qarataxala' 'enapego' somaye, 'eeta': –'Aue, 'anqo'ona, cha'aye Aỹem ica'aguishec ñi'iñi ỹale da yaqto' Aỹem ỹa'axat da ỹa'axatem na ỹotta'a't shiỹaxauapi, qataq na lta'alpi namayepi, nataqa'en nam Israel le'ecpi.

1 Timoteo 2:7

Ỹoqo'oye Ñim Lo'onatac 'Enauacna aỹem ỹamaq da sa'axatem nam saishet da judiopi de'era no'on na'axaỹaxac. Qaq aỹem sapaxaguenec namayepi da ỹataqta 'eesa qataq dam naigui da qaipi'iỹa'a Ñim Lo'onatac 'Enauacna. ¡De'era ỹa'aqtaxanaxac ỹataqta 'eesa, saishet da satenataxaatac!

1 Timoteo 1:4

Qataq qonapega da saishet da ima'ape naua na'axa'te da napaxagueetega da na'aqtaxanaxac maye saq 'en, qataq ana naneraxalate som hua'au lta'alpi. Cha'aye nam lauela de'era, nache qaica ca naigui da ncotaxac, qataq damaye saishet da itauan ca shiỹaxaua da huotaique da ỹaỹaten dam ỹoqta 'eetapeguec Ñim Lo'onatac 'Enauacna. Cha'aye dam 'eetapeguec Ñimaye ishet da saỹatenaq da sepi'iỹaqa'a Ñimaye.

Colosenses 1:6

De'era no'on na'axaỹaxac, damaye qaỹa'axatteguec 'enauaque naua 'aleu' maye ilotague' na Roma le'ecpi, qaq ỹataqta huo'o da lañaxataxac damaye. 'Eeta'am da qoñiita co'ollaq se'eso na'a'q da qauaỹachiñi da ỹoqta 'eesa da Ñim Lo'onatac 'Enauacna qami' ỹauoteque.

Colosenses 1:4

Cha'aye qomi' saỹaanaq da lta'araic da qarpi'iỹaxaqui So Cristo Jesús, qataq da qarauotaxanaqtaiqui 'enauac nam lalamaxatpi Ñim Lo'onatac 'Enauacna.

Efesios 4:21

cha'aye qami' qaua'aqaichigui da na'aqtaxanaxac maye ỹa'axat Somaye qataq qauaỹaañi da qoviitaigui da lamaxasoxonaxac qataq qoquiitague' da 'eesa, maye qami' ỹapaxagueneque Somaye.

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Romanos 12:3

Qaq Ñim Lo'onatac 'Enauacna ỹachegoxotchigui da lqouagaxanaqtaic da aỹem ỹanagui da lamaxashec Ñimaye, qaq ỹoqo'oye qami' shenapegalo da saishet qome da qauapagaqñiiteguec da qoñiitega qami' no'o'n. Nachaqrata da maiche qanloila't, maicheye cam nalotaua'a cam ỹami' Ñim Lo'onatac 'Enauacna ñi 'oonolec da qoñiita maye qoquiitague' So Cristo.

Romanos 11:13

Dam shenapec nagui, damaye qami' tachiguilo maye saishet da qami' judío lashe': Ñim Lo'onatac 'Enauacna aỹem ỹamaxaiguilo qami' da so'onataxan. Qaq aỹem de'era ỹo'onataxanaxac, damaye ỹataqta huo'o naq naigui ñaqa'en.

Efesios 3:7

Ñim Lo'onatac 'Enauacna ỹataqta aỹem ỹauotec, ỹoqo'oye ñetooteguec da lta'araic la'añaxac, cha'aye nachera da ỹachegoxotchigui da aỹem ipataxalec da sa'axatec da no'on na'axaỹaxac, na'aictaxa da saishet da saiguet damaye.

Efesios 3:9

Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.