Efesios 3:18 - La'aqtaqa Ñim Lo'onatac 'Enauacna 2013

¹⁸ Qaq da qoñiitec de'era, nache qami' qataq 'enauac na laỹepi 'amqaanataxanaxaicpi ishet da qauaỹaañita ye lcachiguiñi qataq ye locta qataq da lalogaxa qataq ye lshecchiguiñi da lauotaxanaqtaic So Cristo.

Nuevo Testamento Toba Sur

¹⁸ da yaqto' qami' qataq 'enauac na laÿipi 'amqajnataxanaxaicpi ishit da qauaÿajñiita yi lcachiguiñi qataq yi locta qataq da lalogaxa qataq yi lshicchiguiñi da lauotaxanaqtaic so Cristo.

Nuevo Testamento Toba Sombrero Negro

¹⁸ qaedi da'me ami jo'ne oviyaue jena'me Dios lec'oqo'tepi male yataqata auayachiñe joda'me loqopich'i ñe'me Cristo jo'ne joote qo'mi yanema. Qa'a yataqata jalcochiñe joda'me, nataq'aen jalote nataq'aen qayaje'mec nataq'aen qaya'ñgui, qaya'te loiquiaqa'.

Efesios 3:18 Referans Kwoze

Juan 15:13

Qaica ca napacalec da lauotaxanaqtaic cam ỹan da nachaalataxac da ỹaalec na nauochaxauapi.

Salmos 103:17

Qalaxaye da lauotaxanaqtaic Ñim Nataxala' chochaq tatec da huetalec nam huo'o naq 'enec naqa'en Ñimaye. Qataq da nalochiguiñi lo'onataxanaxac, nache huetalec qome cam llalaqpi namayepi,

Efesios 3:19

Qataq seỹaxaatacot Ñim Lo'onatac 'Enauacna, da yaqto' qami' ỹataqta qauauattoñiita de'era nauotaxanaqtaic maye ỹataqta napacalec 'enauac na qarauattonaxanaxacpi, qataq yaqto' qami' qauacoñiiguet 'enauac nam huotaique da qami' ỹanema Ñimaye.

Isaías 55:9

'Eeta'am na piguem da ỹataqta qaỹoqotcheguemec, qaq nache 'eetec nam ỹecỹaxacpi da ỹataqta qaỹoqotcheguemec saq 'ena'am da qoyecỹaxaqui, qataq naua iuennataxaco saq 'ena'ama naua qarhuennataxacolli'.

Gálatas 2:20

Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Efesios 1:15

Aỹem ỹa'axaỹaxac da qoñiita da lta'araic da qarpi'iỹaxaqui So Qarataxala' Jesucristo qataq da qarauotaxanaqtaiqui nam lalamaxatpi Ñim Lo'onatac 'Enauacna. Ỹoqo'oye dam hua'auchiguiñi ỹa'aqtac,

Salmos 145:10

'Am Nataxala', ñaq 'am ỹo'oxoren qome 'enauac na 'aro'onatacpi, qataq 'am ichoxoren qome nam 'am ỹa'amaqteetacpi.

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Efesios 1:10

Qaq qom ivita ca laloqo' de'era, nache ỹataqta ipacchigui 'enauac dam 'eetapeguec Ñimaye. Huaña, nache nam hueto'ot na piguem qataq na huetalec ana 'alhua qoỹami' So Cristo da ilo'ogue 'enauac namayepi.

Salmos 139:6

De'era 'arauattonaxanaxac ỹataqta ỹapac da llo'oxoyec, napacalec da ỹauattonaxanaxac, damaye ỹataqta qaỹoqotcheguemec, saishet da sevi' da saỹaten.

Colosenses 1:4

Cha'aye qomi' saỹaanaq da lta'araic da qarpi'iỹaxaqui So Cristo Jesús, qataq da qarauotaxanaqtaiqui 'enauac nam lalamaxatpi Ñim Lo'onatac 'Enauacna.

Romanos 10:3

Cha'aye namayepi saishet da ỹaỹaten da 'oonolec Ñim Lo'onatac 'Enauacna da ishet da ỹapalaxat ca lasouaxashet ca shiỹaxaua. Qaq ỹoqo'oye namayepi npogoxoueetapegue' da huo'o cam ỹo'ot da yaqto' Ñim Lo'onatac 'Enauacna ỹaconeguet namayepi. Qaq saishet da ỹo'ot dam ỹataqta ỹaỹamaxareeta Ñim Lo'onatac 'Enauacna.

Salmos 132:9

Na 'artaxaỹaxanaxanecpi ñaq ỹaayiñi qome, naua no'oñi alogo da ỹo'ot da nalochiguiñi lataxac, qataq na 'am quetague'pi ỹa'alaqtai' qome da ntonaxac.

2 Crónicas 6:41

Qaq 'Am Nataxala' maye Ñatamnaxala', ña qoñisheguem nagui, nache 'auanac da qonaña na 'anmataqa', qataq ana laỹe' naua 'arqataxaco maye hueta'aguet da 'ara'añaxac. 'Am Nataxala' maye 'Aro'onatac 'Enauacna, ñaq huetalec qome da 'arca'alaqtaxanaxac nam 'artaxaỹaxanaxanecpi, qataq nam 'am ỹalaxaguetpi ntootapigui' qom huetaigui da 'arsoxoyec.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

2 Corintios 13:13

¡Qaq da lqouagaxanaqtaic So Qarataxala' Jesucristo qami' taleguete! ¡Qaq Ñim Lo'onatac 'Enauacna qami' ỹachaxanalo da lta'araic lsoxoyec! ¡Qaq So Saqcha'a Na'añaxac Qui'itta nache 'eetai' da qami' nnaictagueto!

Zacarías 14:5

qaq qami' qom qauataiuec, nache qoquiiteueegue cam ca'amegue maye quichiguingui na laiñi añi qasoxonaxa, nache ivira'a ye Asal, maye pa'aỹaueegue da laỹe. Qaq qami' qauataiuec qome 'eeta'am da 'eetec co'ollaq datauec som qarta'ailpi souaxat so lacholaxanaxa na 'alhua maye huetoigui so na'a'q co'ollaq nta'a so Uzías da ilotague' ye Judá. Qaq anac qome Ñim Nataxala' maye Ñatamnaxala', nnaictague' 'enauac nam ỹa'amaqteetac Ñimaye.

Salmos 116:15

Ñim Nataxala' ỹataqta huo'o da nqui'ic, da ỹauaachigui da l-leuaxa cam quetague' Ñimaye.