Efesios 3:14 - La'aqtaqa Ñim Lo'onatac 'Enauacna 2013

¹⁴ Qaq 'era da huo'omshe aỹem sa'attrañi naua illecte da ñatameetacot Ñim Lo'onatac 'Enauacna maye Nta'a,

Nuevo Testamento Toba Sur

¹⁴ Qaq 'eda da huo'o mshi aÿim sa'alyiñi naua illicte da ñatameetacot ñim lta'a so qadataxala' Jesucristo,

Nuevo Testamento Toba Sombrero Negro

¹⁴ Chane'eja male nayi yataqata jejoidiñe naa'me yeliquetel da'me ñetamenot joñe'me mach'e Qadet'a,

Efesios 3:14 Referans Kwoze

Salmos 95:6

Qauanaqui qome, sa'araxayiñi naua qarllecte da sho'oxorenaq, sa'araqoto naua qarllecte Ñim Nataxala' maye qomi' lo'onataqa.

Filipenses 2:10

yaqto' 'enauac qome ishet da ỹa'alyiñi naua l-llectel, nam hueto'ot na piguem, qataq nam huetalec ana 'alhua, qataq nam huetaueegue da laỹe na 'alhua,

Hechos 21:5

Qaq can inoxoore'c soua siete na'axa'te, nache qaltaq qolaq. Nache 'enauac so 'amqaanataxanaxaicpi lỹatac na 'alpi qataq na llalaqpi da qomi' ca'ateueeguelo da laỹe ye nỹecpi. Qaq can seviraqaama so loigue, nache qomi' sa'araxayiñi naua qarllectel, nache ñeqouagaxaunaqtac.

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Daniel 6:10

Qaq so Daniel co'ollaq la'axaỹaxac da qananerelec se'eso qalapaxañi nqataxac, nache taỹa so lma', nache ỹauatoiguilo naua nalloxoqui' so lo'ochaxaqui maye datategue dam pa'aigue ye Jerusalén, nache ỹa'alyiñi naua l-llectel da natamen, qataq ỹo'oxoren Ñim Lo'onatac 'Enauacna. Qaq damaye tres naxa da ỹo'ot ye 'oonolec na'a'q, ipacchigui dam 'eeta'ac naxa da ỹo'ottac.

Esdras 9:5

Qaq so ivita ye laloqo' da qaỹo'ot so nachetaqtaxanaxat nache qaltaq huo'o da ỹa'añaxac, qalaxaye ñaq saatrañi soua aỹogo maye colaqta'ape qataq so ipo', nache aỹem sa'alyiñi naua illecte, qataq sachaxanoto naua ihuaxaye Ñim Nataxala' maye Ñatamnaxala',

Isaías 45:23

Aỹem, maiche aỹem san da ỹa'aqtac, sachaxanapec co'ollaxa da ỹauegaxanaxac, qaq de'era sachaxanapec ipacchigui qome, qaq 'enauac qome nam shiỹaxauapi da aỹem ỹa'aroto naua l-llectel, qataq Aỹem ỹanot qome da la'aqtac

Hechos 20:36

Qaq co'ollaq ime da ltaxaỹaxac so Pablo, nache somaye qataq 'enauaque soua lataxala'ate na 'amqaanataxanaxaicpi ỹa'alyiñi naua l-llectel, nache so Pablo nqouagaxaueetapegueleguete soomaye.

Lucas 22:41

Nache So Jesús ca'aisalo, taỹa cam qaỹata'a cam huetra'a soomaye. Ime, nache ỹa'alyiñi naua l-llectel da nqouagaxauen.

1 Reyes 19:18

Qalaxaye aỹem, no'onañi ñaqa'en ca siete mil na Israel le'ecpi, maye saishet co'ollaxa da ỹa'aldoto naua l-llecte so Baal, qataq saishet da napigoxoi'.»

1 Reyes 8:54

Qaq so Salomón co'ollaq ime da natamnaxac, qataq da nachoxoreetacot Ñim Nataxala', huaña aso nca'atoxonaxalate ỹa'attrañi naua l-llecte, qataq ỹachaxaato'oto naua lhua'q na piguem,

2 Crónicas 6:13

Cha'aye somaye damaxasoxoolec co'ollaxa da qaỹo'ot so lapiaxala', maye chegaqaigui na bronce, maye ivi' dos metros y veinticinco centímetros ye lalogaxa qataq nache 'eeta'am ye lcategue somaye, qataq un metro treinta y cinco centímetros ye lshequitcheguema, qaq somaye ỹanaña co'ollaxa so laiñi so qasoxoc, qaq nache talec somaye da ỹa'alyiñi naua l-llecte, ỹauaachigui so lapoota'a't Israel le'ecpi, da ỹaayishegue'm naua lhua'q, ỹanoto na piguem, nache 'eeta':

Hechos 9:40

Qaq co'ollaq ime, nache so Pedro ipa'axanec 'enauac somayepi, nache ỹa'alyiñi naua l-llectel da nqouagaxaunot Ñim Qarataxala'. Qaq co'ollaq ime, nache ỹamatalec asom leuaxai, nache 'enapega, 'eeta': –Tabitá, qoñisheguem. Nache asomaye nlouec. Qaq co'ollaq ila'a so Pedro, nache ñesheguem, nache nso'ooñi.

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

Efesios 3:15

maye lo'onatac 'enauac nam hueto'ot na piguem qataq na huetalec ana 'alhua.