Efesios 3:13 - La'aqtaqa Ñim Lo'onatac 'Enauacna 2013

¹³ Qaq ỹoqo'oye aỹem qami' ñachoxoreetoiguilo da saishet da saqca ca qara'añaxaqui, souaxat da aỹem huo'o da ñeque'eenaxac souaxat da qoñiita, cha'aye damaye naigui da yaqto' qami' ỹo'oxora'q.

Nuevo Testamento Toba Sur

¹³ Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

Nuevo Testamento Toba Sombrero Negro

¹³ Chane'eja, ami yaqaya'olqa, male ami ñachoĝodenouelo nayi da'me ena'te lichiguilo naa'me adai'lidi' jouaĝat da'me yachoĝodec, qa'a naa'me naajo' yataqata ami 'nonaĝachiguilo.

Efesios 3:13 Referans Kwoze

2 Ts 3:13

Qami' qarqaỹa't, saisheto' qome da qanasamiiñi da qauo'ocheetac ca ỹaỹamaqchiguiñi.

Colosenses 1:24

Qaq nagui aỹem ỹataqta samachiguiñi, cha'aye huo'o da ñeque'eenaxac souaxat da qoñiita. Cha'aye de'era nque'eenaxac da ỹalamaxat ỹo'ocỹaxac, damaye naigui da nalochiguiñi ñaqa'en na nque'eenaxacpi So Cristo souaxat 'enauac nam ỹa'amaqten Somaye.

2 Corintios 1:6

Huo'o da qanque'eenaxac da yaqto' qami' ishet da qauamaichiguiñi, qataq qauacoñiiguet da nca'alaxa. Ñim Lo'onatac 'Enauacna qomi' itaua'n da yaqto' seshetaq da qami' sa'añaqcheta'q. Yaqto' qami' ishet da qauañoxoche da qoviilec da qarhualaxaviqui da qauataiỹa'aguet da qarqalaiqui qataq da qanque'eenaxaqui maye nataqa'en qomi' sataqta'aguet.

Efesios 3:1

Aỹem Pablo, aỹem qaicoñettai' cha'aye sasoilec da so'onataxaatacot So Jesucristo qataq so'onataxaatac da yaqto' qauaỹamaqaiñi qami' maye saishet da qami' judiopi.

Sofonías 3:16

Que'eca na'a'q qoỹenapega qome na Jerusalén qoỹeeta': «¡Saishet qome da 'añe'etac, 'am Sión, qataq saishet qome, da 'aua'aqta'a da qaica ca la'añaxa'c naua 'arhuaxaye!»

Gálatas 6:9

Qaq ỹoqo'oye saishet qome da ñasamaqtapiguiñi da so'otaqtac ca ỹaỹamaqchiguiñi. Cha'aye da so'otaqtac damaye, nache huo'o ca qaraueguec maye qomi' ỹanema Ñim Lo'onatac 'Enauacna qom ivita ca laloqnec.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Deuteronómio 20:3

Nache 'eeta': Qami' Israel le'ecpi, ña qana'axaỹaxañiichiguiñi ne'ena na'a'q, cha'aye mashe yaqta'a da qaunoxoñiiua'a da qanalaache' na qampa'aguenaxauaipi. Qaq saishet qome da leuapigui ye qarville, qataq saishet da qayi'iitac, qataq saishet da qauqalviitac, qataq saishet da qami' iviloxolaqche't da qarcolanaqai.

2 Corintios 4:1

Ñim Lo'onatac 'Enauacna Ñimaye ỹataqta qomi' ỹauoteque. Ỹoqo'oye qomi' ipataxaleguete de'era no'onataxanaxac, qaq ỹoqo'oye saishet da saq ña'añaxataq.

Filipenses 2:18

Qaq nataqa'en da qoñiita qantoñiitapigui' qome, qataq qanhuañiỹaua'a da ñetonaxac.