Efesios 3:10 - La'aqtaqa Ñim Lo'onatac 'Enauacna 2013

¹⁰ Qaq qoỹeetec de'era nagui, yaqto' ishet da chegoqchigui qanqa'en na 'amqaanataxanaxaicpi da 'enauac nam 'añaxaicpi qataq nam damaxasoxonapecpi maye hueto'ot na piguem ishet da ỹaỹaten 'enauac na ỹotta'a't laỹaaneguesat Ñim Lo'onatac 'Enauacna.

Nuevo Testamento Toba Sur

¹⁰ Qaq qoÿiitec de'eda nagui, yaqto' ishit da chigoqchigui qanqoÿin na 'amqajnataxanaxaicpi da 'enauac nam 'añaxaicpi qataq nam damaxasoxonapecpi mayi hueto'ot na piguem ishit da ÿaÿaten 'enauac na ÿotta'a't laÿajneguesat ñi Dios.

Nuevo Testamento Toba Sombrero Negro

¹⁰ Qama'le nayi male 'uo jena'me jenjo' Dios lec'oqo'tepi jo'ne qoyemata'a't, qama'le chiyaqayi da'me dojo' male qoyayatenaĝanaĝaneque yema gaa'me jaliaĝanaqa jo'ne piyem laje' da'me eeta da'me layatenaĝanaĝac let'adaic joñe'me Dios jo'ne qaya'te nalo'taguet.

Efesios 3:10 Referans Kwoze

1 Pedro 1:12

Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!

Efesios 6:12

Cha'aye qomi' saishet da seloquiaqtapegue' ca shenaqta'am shiỹaxaua, nachaqnata nam saq cha'api maye qauemaicpi hueto'ot na piguem, nam damaxasoxonapecpi, 'añaxaicpi maye ỹamaqpec nam huetaigui na napalaxa.

1 Corintios 2:7

De'era naỹaanec maye sa'axataqtac, damaye naỹaanec saqcha'a maye chegoqo'ot Ñim Lo'onatac 'Enauacna. Damaye nachera da ỹapogoñi laỹaanec Ñim Lo'onatac 'Enauacna maye iqataxanai' co'ollaq saxanaqaca ana 'alhua qataq da huotaique ỹachaxan dam ñeuanaqaua'a da llo'oxoyec maye chochaq tatec.

Romanos 11:33

¡Ñim Lo'onatac 'Enauacna ỹataqta lta'araic da lsallaxa! ¡Da laỹaanec qataq da lauattonaxanaxac ỹataqta saishet da qaivi' da qanaloqten! Qaica ca ishet da ỹaỹate'n naua lhuennataxaco, qataq qaica ca ishet da ỹa'axat nam ỹo'otpi.

Efesios 1:21

da yaqto' nataỹaña naqa'en 'enauac nam 'añaxaicpi, damaxasoxonapecpi, nta'alpi, nataxala'pi maye hueto'ot na piguem, qataq 'enauac nam ishet da huo'o ca qaỹamata'ac le'enaxat, nagui nam souaqtaiguilo na'axa'te, huo'otaq cam ñaq natauo.

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

1 Corintios 1:24

Qalaxaye nam lca'aguishecpi Ñim Lo'onatac 'Enauacna maye judiopi, huo'otaq saq judiopi, damaye ỹachaxan da la'añaxac qataq da laỹaanec Ñim Lo'onatac 'Enauacna ỹachegoxotchigui da l-leuaxa so maiche Lca'aguishec maye namaq Ñimaye.

Colosenses 1:16

Qataq chegoqchigui Somaye co'ollaq Ñim Lo'onatac 'Enauacna ỹo'ot 'enauac nam hueto'ot na piguem qataq nam huetalec ana 'alhua, 'enauac nam ishet da qaila'a, qataq nam saishet da qaila'a, qataq na saqcha'a na'añaxacpi maye damaxasoxonapec qataq nam huo'o da la'añaxac. Ñim Lo'onatac 'Enauacna chegoqchigui naqa'en So Cristo 'enauac nam ỹo'ot. Qaq So Cristo, nache 'enauac maiche lalamaxatpi.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Romanos 8:38

Aỹem ỹataqta saỹateeta da qaica ca ishet da qomi' nqateeguesopa da lauotaxanaqtaic Ñim Lo'onatac 'Enauacna; na'aictaxa da huo'otaq achaalataxac, qataq da nleuaxa, huo'otaq nam namaxashecpi piguem le'ecpi qataq na saq cha'api, huo'otaq nam souaqtaigui nagui qataq cam ñaq natauo,

Salmos 104:24

Qaq ỹataqta qalota na 'auo'otpi co'ollaxa 'Am Nataxala', qaq 'enauac namayepi 'auauota'a da 'araỹaanec co'ollaq 'auo'ot, ana 'alhua qalaq nlaqtelec nam 'auo'otpi.

Ezequiel 3:12

Qaq huaña nache da la'añaxac Ñim Nataxala' aỹem nachaalataxaañi, nache chemaxague na ilaq so lta'araic nllimiaxa 'eeta'am da l-lamaxa na 'alhua da qalagoxoñi, co'ollaq ca'ai ye hueta'a da llo'oxoyec Ñim Nataxala'.

Salmos 103:20

Qavio'oxoyiñi qome Ñim Nataxala' qami' namaxashecpi piguem le'ecpi maye qami' 'añaxaicpi qataq qaupaquiichiguilo naua la'aqtaqa, qataq qaualaqaigueta naua lamaxasoxonaxaco Ñimaye.

Efesios 1:23

Cha'aye na 'amqaanataxanaxaicpi, nachena na 'eeta'am da lo'ocỹaxac So Cristo. Qaq namayepi ỹataqta imatta't da lataxac Somaye. Qaq Somaye ỹataqta naloqchiichiguiñi naqa'en na 'amqaanataxanaxaicpi.

Colosenses 2:10

qataq Somaye ilo'ogue 'enauac nam saq cha'api maye huo'o da la'añaxac qataq nam damaxasoxonapecpi. Qaq ỹoqo'oye qami' qaica ca qaviñiitaique, cha'aye qana'ayeetaua'a Somaye.

Colosenses 2:15

Ñim Lo'onatac 'Enauacna deuotaxanec da la'añaxac nam saq cha'api maye damaxasoxonapecpi chegoqchigui So Cristo da loxonec namayepi, ỹataqta qaica ca 'enec naqa'en co'ollaq ỹauec da 'eeta'am da lcoñeteguishecpi co'ollaq dauegaxan Somaye.