Efesios 2:8 - La'aqtaqa Ñim Lo'onatac 'Enauacna 2013

⁸ Cha'aye nachera da lqouagaxanaqtaic Ñim Lo'onatac 'Enauacna da huo'omshe qami' nca'alaxatre'c, cha'aye huo'o da qarpi'iỹaxaqui Ñimaye. Qaq damaye saishet da qami' chegoqchiguilo, cha'aye damaye maiche lachetaqtaxanaxat Ñim Lo'onatac 'Enauacna.

Nuevo Testamento Toba Sur

⁸ Cha'ayi nachida da lqouagaxanaqtaic ñi Dios da huo'o mshi qami' nca'alaxatreec, cha'ayi huo'o da qadpi'iÿaxaqui ñimayi. Qaq damayi sa ishit da qami' chigoqchiguilo, cha'ayi damayi maichi lachitaqtaxanaxat ñi Dios.

Nuevo Testamento Toba Sombrero Negro

⁸ Chane'eja ami joote qonec'alaĝatedegue, jouaĝat da'me auacoñiyeguet da'me loqopich'i ñe'me Dios. Qaya'te da'me ami 'uo ga'me eetapega dajelaĝanec da'me nec'alaĝa; ja naq'aeta, yejamaq da'me ch'e qo'mi qoyanema, ñe'me Dios yataqata qo'mi paquetapegalo.

Efesios 2:8 Referans Kwoze

Efesios 2:5

Qaq ỹoqo'oye na'aictaxa da souaqtaigui co'ollaxa da 'eeta'am da qomi' leuaxaiqa souaxat na qarasouaxashetpi, qalaxaye Ñimaye qomi' ỹanema da qarca'alaxa co'ollaq nca'alaxatec So Cristo. Qomi' ñeca'alaxauec, chegoqchigui da lsoxoyec Ñim Lo'onatac 'Enauacna, na'aictaxa da saishet da saxaguet damaye.

Romanos 4:16

Qaq ỹoqo'oye dam ỹachaxanapec Ñim Lo'onatac 'Enauacna da yaqto' huo'o da 'enec da talec 'enauac nam llalaqpi so Abraham, nache Ñimaye saishet da iỹaxanaique ca naiguet damaye. Ỹo'ot de'era ỹachaxanapec da talec 'enauac nam huo'o da lpi'iỹaxac Ñimaye. Saishet da nachaqnata nam ỹalaxalec na namaxasoxonaxacpi, maye nataqa'en 'enauac nam huo'o da lpi'iỹaxac maye 'eeta'am so Abraham. Ỹoqo'oye so Abraham nacheso so 'enauac da qarta'a.

Romanos 10:17

Qaq ỹoqo'oye ca shiỹaxaua ivira'a da huo'o da lpi'iỹaxac Ñim Nataxala' chegoqchigui da na'axaỹaxana da na'aqtaxanaxac maye na'aqtaguec So Jesucristo.

Hechos 16:31

Nache soomaye 'ena'apo': –Qomye 'aua'amaqten So Qarataxala' Jesús, yaqto' 'anca'alec, qataq 'enauac nam hueta'a ye 'arma'.

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Lucas 7:50

Qalaxaye So Jesús 'enapega aso 'alo, 'eeta': «'Am nagui 'anca'alec, cha'aye Aỹem 'aua'amaqten. 'Aue, qojec, nagui 'aulactapiguiñi.»

Marcos 16:16

Qaq ca Aỹem ỹa'amaqten, nache qanachelaxan, yaqto' camaye nca'alec. Qalaxaye ca saishet da Aỹem ỹa'amaqten, nache camaye saishet da saconeguet.

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Romanos 4:5

Qalaxaye Ñim Lo'onatac 'Enauacna ỹa'axat da qaica ca lasouaxashet ca 'etaxaloxoic, na'aictaxa da que'eca 'etaxaloxoic qaica ca ỹo'ot da huo'otaq taiguet da ỹaconeguet damaye, cha'aye Ñim Lo'onatac 'Enauacna ỹaỹamaxareeta camaye souaxat da huo'o da lpi'iỹaxac.

Efesios 2:10

Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Gálatas 3:22

Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna ỹa'axa't de'era ñe'etaxaloxo da 'enauac maiche qomi' ỹoiqueeta'ape, qaq ỹoqo'oye de'era qanmeỹaxac maye ỹachaxanapec Ñim Lo'onatac 'Enauacna damaye ỹaconeguet nam huo'o da lpi'iỹaxac So Jesucristo.

Hechos 13:39

Qalaxaye Ñim Lo'onatac 'Enauacna ỹapalaxat na lasouaxashetpi 'enauac nam ỹa'amaqten So Jesús.

Gálatas 3:14

Qaq ỹoqo'oye da lqouagaxanaqtaic Ñim Lo'onatac 'Enauacna maye ỹachaxanapecot co'olloxocheye so Abraham, damaye ỹami' nataqa'en nam saishet da judiopi. Qaq ỹoqo'oye da huo'o ca qarpi'iỹaxac So Cristo, nache saconaxaguet som Saqcha'a La'añaxac Ñim Lo'onatac 'Enauacna maye qomi' ỹachaxanapeguema co'ollaxa.

Juan 6:40

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Juan 6:35

Nache So Jesús 'enapeco': –Aỹem Nachaỹem nauole maye san da nca'alaxa. Ca Aỹem naua'a, nache sa nauane' na lqouaxa; qataq ca Aỹem ỹa'amaqten, nache sa nauane' na laquip.

Efesios 1:19

Qataq yaqto' qauaỹaañi dam ỹataqta lta'araic la'añaxac maye qomi' itauaategueque. De'era na'añaxac qaica ca loga't, dam do'onataxana co'olloxocheye Ñim Lo'onatac 'Enauacna,

Hechos 14:27

Nache co'ollaq ivildeua'a ye Antioquía, nache soomaye lapona't na 'amqaanataxanaxaicpi. Nache ỹa'axattrapeguem somayepi 'enauac nam ỹo'oteque soomaye Ñim Lo'onatac 'Enauacna. Qataq ỹa'axattrac da 'eetec da ltaunaxanaxac So Qarataxala' da itauaata'ape da da'aqtaxanem da no'on na'axaỹaxac nam saishet da judiopi da yaqto' nataqa'en ỹa'amaqten So Jesús.

Juan 6:65

Nataqa'en 'enapeco': –Qaica ca ishet da Aỹem ca'attague' da huo'otaq Ñim Lo'onatac 'Enauacna maye Ita'a saishet da la'aqtac.

Colosenses 2:12

Cha'aye co'ollaq qami' qanachelaxanguilo na 'etaxat, nache qoñiita'am So Cristo co'ollaq qailareñi, qaq co'ollaq qannoxoñiisheguem, nache qoñiita'am Somaye co'ollaq qanca'alaxateeguesop da l-leuaxa, cha'aye qami' ỹataqta qaua'amaqchiñi da la'añaxac Ñim Lo'onatac 'Enauacna.

Juan 6:44

Qaica ca ishet da choche Aỹem naua'a da huo'otaq sa nauegueuo Ñim Ita'a maye Aỹem namaq; nache camaye ishet da qaltaq ñeca'alaxatec ca pa'atec na'a'q.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Filipenses 1:29

Ñim Lo'onatac 'Enauacna qami' ỹanema da lta'araic qana'achecỹaxaqui da qaupi'iỹa'ai So Cristo. Qaq ỹoqo'oye na'aictaxa da huo'o da qanque'eenaxaqui souaxat da qaua'amaqchiñi Ñim Lo'onatac 'Enauacna.

Romanos 10:14

Qalaxaye ¿ca 'eetec ca lataxac da qaiỹaxanot Ñimaye, da huo'otaq saishet da qaỹa'amaqten? Qataq ¿ca 'eetec da qaỹa'amaqten Ñimaye, da huo'otaq saishet da qaỹa'axaỹa da qaỹa'axattac? Qataq ¿ca 'eetec da huo'o ca ỹa'axat cam na'aqtaguec So Cristo?

Mateo 16:17

Nache So Jesús 'enapeco': –¡Ỹataqta lta'araic qome da 'aramaicỹaxac, 'am Pedro maye 'am llalec so Jonás! Cha'aye saishet da maiche 'anallegoxottela't da 'auaỹaten de'era, nacheñi Ñim Ita'a maye neta'ague da piguem Ñim 'am ỹapaxaguen.

Hechos 16:14

Qaq huo'o aso 'oonole 'alo le'enaxat Lidia, asomaye lma' co'ollaxa ye nỹecpi le'enaxat Tiatira, asomaye imeetac ana ỹataqta no'on npoto, naueralec na ltogaxa, qataq ỹa'amaqteetac Ñim Lo'onatac 'Enauacna. Nache Ñim Qarataxala' ỹami' asomaye da ỹataqta na'axaỹaxaachigui da la'aqtaxanaxac so Pablo.

2 Ts 1:9

Namayepi ỹataqta saq llalcolec ca nhuaxanaguec maye choche tatec, qataq qaimaqauec, ỹataqta qaỹoqteuga qanqoỹen da yaqto' sa ỹalegueua'a da llo'oxoyec qataq da la'añaxac So Qarataxala'.

Hechos 15:11

Chaqrata da qomi' sa'amaqtenaq da ñeca'alaxauec, qalaxaye chegoqchigui da lqouagaxanaqtaic So Qarataxala' Jesús, qaq nache shenaqta'am namayepi.

Romanos 9:16

Qaq ỹoqo'oye ca lca'aguishec Ñim Lo'onatac 'Enauacna, saishet da nacheca cam shiỹaxaua maye maiche huotaique da qalca'ateua'a huo'otaq cam ỹo'ot da na'añaxataxac da huotaique da qalca'ateua'a camaye, cha'aye nachaqcata cam maiche chegoqchigui da nqouaguec Ñim Lo'onatac 'Enauacna.

Hebreos 6:4

Qalaxaye cam ỹaxaañi da ỹa'amaqten So Cristo, nache saishet da ỹañoxot da qaltaq ỹe'eguelaxalec da nauochaxaua Ñim Lo'onatac 'Enauacna. Na'aictaxa da huo'o co'ollaxa ca huaña da ỹa'amaqten da la'aqtaxanaxac Ñimaye maye ỹataqta 'eesa, qataq ỹataqta ỹaỹamaxareeta co'ollaxa da ỹaconeguet se'eso nme maye chegoqo'ot Ñim Lo'onatac 'Enauacna. Qaq damaye ỹataqta saishet da ishet da qanaralaxat. Na'aictaxa da mashe ỹaconeguet So Saqcha'a Na'añaxac Qui'itta, 'eeta'am na laỹepi, qataq ỹaỹaten da no'on maye nachera da la'aqtaxanaxac Ñim Lo'onatac 'Enauacna, qataq dam la'añaxac Ñimaye qom qanayeetalec aca dalaxai 'alhua, qaq camaye saishet da ỹañoxot da ỹe'egueloqot qome Ñimaye da mashe ỹaxaañi da ỹa'amaqten. Qaq ỹoqta 'eesa de'era ỹo'ot camayepi, da 'eeta'am da qaltaq ỹe'eguelaxalec da iuaxaneguet so npe'enaxaqui So Cristo qataq ỹe'eetac, ỹauaachigui naqa'en 'enauac na shiỹaxauapi ana 'alhua.

Mateo 20:9

Ime, nache anac som do'onataxanpi co'ollaq mashe inoxootapiguiñi aso nala'. Nache ñi 'oonolec somayepi ỹaconeguet aso lasheue ye 'oonolec na'a'q da qaisheeten da lo'onataxanaxac ca ỹale.