Efesios 2:3 - La'aqtaqa Ñim Lo'onatac 'Enauacna 2013

³ Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Nuevo Testamento Toba Sur

³ Qaq nataq'en 'enauac da shinaqta nachi shinaqta'am namayipi som hua'a'u vi'iyi, da qolaqtague' nam maichi shinaqtapeguecpi, qataq so'otaqtac dam lqopitaxanaqtaic da qadapachiyaxac qataq nam maichi qadhuennataxacpi. Qaq ÿoqo'oyi ÿataqta 'itchiguiñi da qomi' huetalguete da qaica ca 'en'am lchic lalemataic ñi Dios da shinaqta'am 'enauac nam laÿipi shiÿaxauapi.

Nuevo Testamento Toba Sombrero Negro

³ Nach'e ena'am da'me qo'mi: ca'li yataqata naq'aeta da'me mach'e qanejiyaĝauayaĝac, jauoqo joga'me ch'e qadelnataĝac uotaĝa qadamanaĝanaĝac jo'ne yataqata ja no'en, qama'le yataqata jouaqatoue joga'me lalemataic ñe'me Dios, jenaqa'ama gaa'me jiyaĝa'u laqaya' jo'ne ja 'noe'n.

Efesios 2:3 Referans Kwoze

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

1 Pedro 1:14

Qami' co'ollaxa da saxanaxa da qauauattoñi da no'on na'axaỹaxac maye na'aqtaguec So Jesucristo, nache qauo'ocheetac 'enauac nam qauem maye maiche qoñiitapeguec. Qalaxaye nagui iuen da imauec da qaualaqaiguet Ñim Lo'onatac 'Enauacna qoñiita'am ca ñalaqpi maye laxaraicpi.

Efesios 4:22

Qaq ỹoqo'oye 'onaxaic da saishet da qoviitaigui huo'otaq qavi'eguelaqaỹa da togoshec qarataxaqui, dam qauem lqopitaxanaqtaic co'ollaxa da qarapachiỹaxaqui maye ỹauectac da qanachaalataxaqui.

Romanos 6:12

Qaq nagui no'on da saishet da qauashiñim da ñe'etaxaloxo da qami' ilo'oguelo qataq da qami' ỹamaqaleguete da qaualaqaiguet na qauem 'eetapeguecpi da qaro'ocỹaxaqui.

Salmos 51:5

Cha'aye saỹateeta da qauem da ỹañoxoc, nale'ena da aỹem 'etaxaloxoic, co'ollaq ñaq sootaigui na lauel aso ỹate'e.

1 Juan 2:16

Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

1 Corintios 4:7

Cha'aye ¿negue't ca 'am ỹanagui da 'anataỹaña na 'araỹepi? ¿Negue'to' ca saq chegoqo'ot Ñim Lo'onatac 'Enauacna na 'am hueto'ot? Qaq Ñimaye da 'am ỹanem na 'am hueto'ot, qaq ¿ta'ainco' ye 'ana'amaqteetac, 'eeta'amo' da 'enauac na 'am hueto'ot maiche 'ara'añaqteguishec?

Romanos 7:18

Qaq nache aỹem saỹaten da lqopitaxanaqtaic da ỹapachiỹaxac, saishet da aỹem ỹashenem da so'ot ca ỹaỹamaqchiguiñi. Qaq na'aictaxa da aỹem huo'o da iyaxa da so'ot ca ỹaỹamaqchiguiñi, qalaxaye saishet da sañoxot da so'ot.

Marcos 4:19

qalaxaye saishet da hua'aqta'a damaye da naralaxat da nachaalataxac. Nachaqrata da iuennatega nam yo'oqchigui lhuenaxanaxa, da qanauec aca anom, qataq da 'eetec da iqopitaxaatac da nachaalataxac.

Génesis 6:5

Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Romanos 11:30

Soua hua'au' vi'iye, qami' saishet co'ollaxa da qaualaqaiguet Ñimaye. Qalaxaye nagui nam judiopi da saishet da ỹalaq, nache Ñim Lo'onatac 'Enauacna huo'o da lchoxonnataxanaxa da qoñiita.

Romanos 9:22

Qaq de'era 'eeta'am da ỹo'ot Ñim Lo'onatac 'Enauacna. Cha'aye Ñimaye huotaique da ỹachaxan da 'eetec da huo'o ca ỹauo'o ca nhuaxanaguec da yaqto' 'enauac ana 'alhua, qaỹaỹaten da Ñimaye ỹataqta huo'o da la'añaxac. Qalaxaye Ñimaye huo'o da lhualaxavic da na'añaxateguet nam taỹa'actaxa da nhuaxanaguec qataq qailaxachigui.

Juan 1:13

Qaq namayepi nagui ỹataqta llalaqpi Ñim Lo'onatac 'Enauacna, chegoqchigui da maiche lhuennataxa Ñimaye, qaq saishet da nachera da maiche lhuennataxa na shiỹaxauapi.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

2 Pedro 2:18

Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

2 Pedro 2:14

Ne'ena ỹalleppi saishet da choche ilota'a aca 'alo da huo'otaq sa iyaqa'a da hue'eguet, qataq saishet da nasamiisop da ỹo'ottac na qauem. Qataq ỹatenachettac nam saxanaxa da da'añi da lpi'iỹaxac So Cristo, qataq ỹataqta saishet da nqalat da datenataxan da yaqto' nqat aca anom. Ne'ena shiỹaxauapi namayepi Ñim Lo'onatac 'Enauacna ỹauo'o ca nhuaxanaguec qome; ¡qaq damaye ỹataqta saishet da qaiqoleguet!

1 Timoteo 6:9

Qalaxaye cam nda'a't da iuennatega da nsallaxa, nache camaye lqoiñiguishec so pa'aguenataxanaxaic. Ivitta'a da lpachigui na qalota lqopitaxanaqtaicpi maye qaica ca naigui, qataq na'aqchet, nache iviraxatta'a da ỹataqta nlachiguiñi.

Gálatas 3:22

Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna ỹa'axa't de'era ñe'etaxaloxo da 'enauac maiche qomi' ỹoiqueeta'ape, qaq ỹoqo'oye de'era qanmeỹaxac maye ỹachaxanapec Ñim Lo'onatac 'Enauacna damaye ỹaconeguet nam huo'o da lpi'iỹaxac So Jesucristo.

Romanos 1:24

Qaq ỹoqo'oye Ñim Lo'onatac 'Enauacna hua'axaỹa'a namayepi da ỹo'ot nam qauem maye maiche 'eetapeguec, qaq naua qauema lhuennataxaco ỹauega da ỹo'otec da lo'ocỹaxac na ishet da qaỹa'aguelec nataxac.

1 Juan 2:8

Qalaxaye ñaqaiyeta de'era shiyiñi damaye dalaxaic namaxasoxonaxac, qaq qami' mashe qauaỹaañi dam naigui, 'eeta'am da 'eetec So Cristo da ỹaỹaten damaye. Somaye nacheso so ỹataqta 'eesa yo'oqchiguiñi, na le'eraxa qalaq nquictauec, qataq ỹo'ot da nquicta'a't naqa'en na napalaxa.

Hechos 14:16

Soua lỹa't na'axa'te Ñim Lo'onatac 'Enauacna hua'aqta'a na shiỹaxauapi, da yaqto' maiche ỹoiqueetac ca llecỹaxac.

Génesis 5:3

Qaq so Adán mashe ivi' co'ollaxa soua ciento treinta vi'iye da nachaalataxac, co'ollaq ñiguiñi so llalec, som ỹanagui co'ollaxa da le'enaxat Set, qaq somaye ỹataqta 'eeta'am so lta'a.

Romanos 2:14

Qaq nam saishet da judiopi qalaq ỹalaxaguet na lamaxasoxonaxacpi Ñim Lo'onatac 'Enauacna, na'aictaxa da sa ỹauatton, qalaxaye namayepi maiche ỹaỹaten cam 'onaxaic qataq ca qauem.

Romanos 5:9

Qaq nagui da mashe ỹapalaxat na qarasouaxashetpi Ñim Lo'onatac 'Enauacna da chegoqchigui da l-leuaxa So Cristo, nache ỹoqta 'itchiguiñi qone' da huo'o da qana'achecỹaxac So Cristo, cha'aye Somaye qomi' nca'alaxateeguesopa cam nhuaxanaguec na shiỹaxauapi maye ñaq naỹa'acna.

Romanos 5:10

Cha'aye co'ollaq ñaq souaqtaigui da sepa'aguenaqtac Ñim Lo'onatac 'Enauacna, nache Ñimaye ỹachegoxotchigui da l-leuaxa So Llalec da ỹauo'o da qarlagaxayec, qaq nache ỹoqta 'itchiguiñi qone' da qomi' nca'alaxatre'c nagui da So Llalec nca'altauec qaq qomi' huo'o da qarlagaxayec da sonaqto'ot Ñimaye.

Colosenses 1:21

Qaq qami' co'ollaxa 'eeta'am da ỹaqa'a ca qauachegoqỹa'ague qataq ỹataqta npa'aguene' Ñim Lo'onatac 'Enauacna da qarquiyaqteỹaxaqui, souaxat nam qauo'ocheetac sa ỹaỹamaxañisat,

1 Ts 4:13

Qami' qarqaỹa't, sa saỹamaxarenaq da sa qauaỹaañi ca llecỹaxac na mashe qanmataxanaxanec, yaqto' saishet da huo'o ca daquicota da 'eeta'am ca saxanaxa da da'amqaanataxan maye saqca ca naquitaxac.

1 Ts 5:6

Ỹoqo'oye iuen da ỹataqta ñeloqtec, saỹamaxataqchiguiñi da qoyecỹaxac, qataq saishet da leetapigui ye qarhuel da shenaqta'am na laỹepi shiỹaxauapi.