Efesios 2:22 - La'aqtaqa Ñim Lo'onatac 'Enauacna 2013

²² Nagui da mashe qana'ayeetaua'a So Jesucristo, nache nataqa'en qami' qana'ayeetaua'a ñi'iñi nỹec, maye netaigui Ñim Lo'onatac 'Enauacna ỹachegoxotchigui naqa'en So Saqcha'a La'añaxac.

Nuevo Testamento Toba Sur

²² Qaq nachi 'eeta'am nagui da qoñiita qataq 'enauac na laÿipi 'amqajnataxanaxaicpi 'enauac da qan'ayiitau'a so Cristo, qoñiita'am ca noÿic mayi lauo' naq'en ñi Dios so n'Espíritu Santo.

Nuevo Testamento Toba Sombrero Negro

²² Da'me ami qoyecoñetegueta joñe'me Jaliaĝanec Jesucristo nataq'aen male ami ovitaue jena'me jenjo' emec jo'ne Dios netaue, mach'e Lepaqal jo'ne ja 'nalegue.

Efesios 2:22 Referans Kwoze

1 Corintios 3:16

¿Qami' sa qauaỹaañiỹo' da qami' lma' Ñim Lo'onatac 'Enauacna, qaq So Saqcha'a La'añaxac Ñimaye qami' netaiguilo?

1 Juan 4:16

Qaq ỹoqo'oye saỹatenaq qataq sa'amaqtenaq da Ñim Lo'onatac 'Enauacna qomi' lauotaqa'ate. Ñimaye ỹataqta huotaxanaqtaqaic, ỹoqo'oye camachaqca ca ỹauotec ca lqaỹa, nache camaye ỹataqta 'itchiguiñi da na'attaua'a Ñim Lo'onatac 'Enauacna.

1 Juan 4:13

Saỹatenaqta da qomi' ỹataqta 'eesa da ña'araqtaua'a Ñim Lo'onatac 'Enauacna, cha'aye Ñimaye qomi' ỹanema So Saqcha'a La'añaxac.

1 Juan 3:24

Da salaxasoxoguet Ñim Lo'onatac 'Enauacna, nache ỹataqta ña'araqtaua'a Ñimaye, qaq Ñimaye qomi' hueta'agueta. Qaq de'era saỹatenaq chegoqchigui So Saqcha'a Na'añaxac Qui'itta maye qomi' ỹanema.

Efesios 3:17

Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

1 Corintios 6:19

Da qaro'ocỹaxaqui 'eeta'am aca no'onaxanaxaqui, qaq aca'aca no'onaxanaxaqui netaigui So Saqcha'a Na'añaxac Qui'itta maye qami' ỹanema Ñim Lo'onatac 'Enauacna. Qaq da qaro'ocỹaxaqui saishet da maiche qaralamaxache.

1 Corintios 3:9

So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.