Efesios 2:21 - La'aqtaqa Ñim Lo'onatac 'Enauacna 2013

²¹ Somaye nacheso som nlletañi cam nỹec qataq nquictasheguem naqa'en, choche ivitta'a da 'eeta'am ca nỹec maye ño'oxonnataxanaxaqui da qaỹo'oxoren Ñim Nataxala'.

Nuevo Testamento Toba Sur

²¹ Somayi nachiso som n'oxonaxala' cam noÿic mayi qan'oxootapiguishiguem. Camayi ÿataqta n'atta't qanqoÿin, chochi ivitta'a da 'eeta'am ca noÿic mayi taiguet da qaÿi'oxoden so qadataxala' Jesús.

Nuevo Testamento Toba Sombrero Negro

²¹ Naqaeñe jo'ne nelaĝatañe jena'me jenjo' emec qaedi ja 'uaĝañe, dite da'me en nichiquetaye, chayovida'a male yataqata tamenaĝaiqui ja 'nalegue jo'ne mach'e Qadejaliaĝanec 'lemec.

Efesios 2:21 Referans Kwoze

1 Corintios 3:9

So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

1 Reyes 6:7

Qaq co'ollaq qano'oxoosheguem aso atamnaxaqui, nache qaỹo'onataxana so coma' maye mashe nchiiguishec, ỹoqo'oye co'ollaq qano'oxootapiguisheguem asomaye, nache saishet da qaỹa'aqtega da l-lamaxa aca ntoqnaxanaqtepi, nchegaxanaqtepi, huo'otaq na laỹepi no'ogoxonaxatpi lcat.

Ezequiel 42:12

Qaq da qotaua'a so nỹecpi maye pa'aỹa'ague da taguiñi, qalaq qotateua'a so lasom maye pa'aỹa'ague da nala' lliguisheguem som naña yem chegoqchiguiña som qui'itchiguingui, maye datateguet som mpaqtaxanaxat.

Salmos 93:5

'Am Nataxala', naua 'aramaxasoxonaxaco ỹataqta sa deraỹai'salo, qataq da qui'itta 'arataxac nachera da tatec llo'oxoraxat añi atamnaxaqui maye 'aralamaqte.

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.

1 Timoteo 3:15

yaqto' da aỹem lcopa'aguet, qalaxaye mashe lhuotta da 'auaỹaten ca lataxac ca 'oonolec nam llalaqpi Ñim Lo'onatac 'Enauacna, maye nachena nam ỹa'amaqten Ñim Lo'onatac 'Enauacna maye ỹataqta nca'altauec. Namayepi nachena na nlletañi qataq npaxattalec da 'eesa lataxac.