Efesios 2:20 - La'aqtaqa Ñim Lo'onatac 'Enauacna 2013

²⁰ Qataq qami' 'amqaanataxanaxaicpi qoñiita'am ca nỹec maye qano'oxootapiguisheguem, no'oxootelec qanqoỹen som lapaxañi co'olloxocheye na lamaxashecpi So Jesús qataq so la'aqtaxanaxanecpi Ñim Lo'onatac 'Enauacna. Qaq nacheso So Jesucristo som 'eeta'am ca coma' maye nllañi ca nỹec.

Nuevo Testamento Toba Sur

²⁰ Qataq qami' qoñiita'am ca noÿic mayi qan'oxootapiguishiguem, n'oxootelec qanqoÿin som lapaxañi co'olloxochiyi na lamaxashicpi so Jesús qataq na l'aqtaxanaxanecpi ñi Dios. Qaq nachiso so Jesucristo som 'ico' coma' mayi nllañi ca noÿic.

Nuevo Testamento Toba Sombrero Negro

²⁰ Da'me ami aueñiya'am ga'me lae ga'me emec let'adaic jo'ne qo'noĝotapejeguem, qama'le quetede'egue jogaa'me ledii's gaa'me paĝaguenataĝanaĝayaqa 'uaediñe jo'ne Jesús lamaĝa's nataq'aen gaa'me Dios 'laqataĝanaĝanaqa, qama'le nach'eñe joñe'me Jesucristo jo'ne ena'am ga'me qa' 'me t'añiyapeguet ga'me emec.

Efesios 2:20 Referans Kwoze

Isaías 28:16

Qaq ỹoqo'oye Ñim Nataxala' 'enapec: «Aỹem sanaña qome ye Sión ca coma', ca coma' maye lleca'aguishec qataq ỹataqta lta'araic da lasheechiỹaxac, qaq camaye nacheca qome cam ỹactec da 'enec, qataq nacheca cam lo'oxonaxala' ca nỹec. Qaq cam pi'iỹa'a qome camaye qalaq ỹataqta ỹe'emaqtac.

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Salmos 118:22

Qaq so coma' maye ỹo'otan co'ollaxa nam nỹec lo'opi, nacheso nagui som lo'oxonaxala' da huo'o ca qano'oxoosheguem.

Apocalipsis 21:14

Qaq se'eso lcopaqtaxat se'eso nỹecpi somaye no'oxootaleguete qanqa'en soua doce coma'ye. Qaq ñi 'oonolec soomaye, nache nanettaleguete naua le'enaqa'ate soua doce lamaxa'she So Qagueta Llalec.

1 Corintios 12:28

Na 'amqaanataxanaxaicpi, Ñim Lo'onatac 'Enauacna ỹami' da lo'onataxanaxac ñi 'oonolec namayepi. Ỹamataxaachiguiñi na lamaxashecpi So Jesús. Ime, qataq jec na la'aqtaxanaxanecpi Ñim Lo'onatac 'Enauacna. Ime, qataq jec na dapaxaguenataxanapecpi. Nataqa'en nam ishet da ỹo'ot na sa qaỹauanapega. Ime, qataq jec na ishet da nataren na sa no'on, qataq na itaunec da lhuenaxanaxa ca lỹa, qataq na ishet da nataxala'. Ime, qataq huo'o na ỹanem da ishet da detaxaiguilo naua na'aqtaqa sa qaỹauanapegalo.

Mateo 21:42

Nache So Jesús 'enapeco': –¿Qami' peta'a sa ỹauanapego' da qautaxaỹaxañi' naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna maye, 'eeta'?: «So coma' maye ỹo'otan co'ollaxa, som ỹo'oxootac añi no'onaxanaxaqui late'erai nacheso nagui som ỹe'eguelaxa da ỹataqta nhuenec da qaỹo'ot ca nỹec. Qaq damaye ỹo'ot da qara'aalaxa, cha'aye nacheñi Ñim Lo'onatac 'Enauacna maye ỹo'ot de'era.»

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.

Proverbios 9:1

Da naỹaanec no'oxoosheguem so lma', nache siete naqa'en soua llo'oxoraqte lauoqtel.

Zacarías 10:4

Qaq namayepi nachena qome na chegaqaigui ca 'eeta'am ca coma' maye na'attalec ca nỹec, qataq ca 'eeta'am ana lashe ca npe'l, qataq ca 'eeta'am ca checnec maye alaataxaqui. Qataq nache chegaqaigui qome 'enauac cam nataxala'pi.

Efesios 3:5

De'era maye saqcha'a saishet co'ollaxa da huo'o ca qaỹaỹaanaxanaxanec som hua'au' vi'iye. Qalaxaye nagui Ñim Lo'onatac 'Enauacna ỹachegoxotchigui So Saqcha'a La'añaxac da ỹaỹaanaxanaxanec nam iỹotaugapi maye lamaxashecpi So Jesús qataq na la'aqtaxanaxanecpi.

Colosenses 2:7

Cha'aye mashe qami' napaxaguenataqa, qaq ỹoqo'oye qanquigaxachiitasheguem da qarpi'iỹaxaqui Somaye, qataq qaualaqaigueta naua lapaxaguenataxanaxaco yaqto' qanquiquiita'aguet da no'on da qarataxaqui, qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna.

1 Pedro 2:6

Cha'aye da la'aqtaxanaxac Ñim Lo'onatac 'Enauacna maye nanettalec ana la'aqtac lmalate Ñimaye 'eeta': «Aỹem da soota'a ye Jerusalén qalaq sheeta'am ca coma' maye qaica ca 'ena'am da lyac qataq nca'aguishec. Aỹem coma' maye ỹataqta nhuenec qaq da ỹo'onataxanaxac ñelletañi ca nỹec. Qaq cam Aỹem pi'iỹa'a nache camaye saishet da qaỹatenachet.»

1 Reyes 7:11

Qaq nache chegoqchiguiña somaye nache taỹasheguema na pa'asheguem da qaỹauota'a nataqa'en so ỹataqta no'on coma', qataq nache 'eeta'a't ye lcata da qaichec, qataq so 'epaq cedro.