Efesios 2:2 - La'aqtaqa Ñim Lo'onatac 'Enauacna 2013

² Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

Nuevo Testamento Toba Sur

² mayi qoviitaigui, qataq souaxat da qoquiitague' da lataxac nam i'ottac na 'onataxacpi mayi huetalec ana 'alhua qataq qau'ochiitac na 'eetapegueguesat som saq cha'a damaxasoxonapec mayi lma'na, som i'añaqchittac nam sa ishit da ÿalaxaguet ñi Dios.

Nuevo Testamento Toba Sombrero Negro

² Da'me anejiyaĝauayaĝaqui yataqata ja no'en ca'li, oqui'teguelo gaa'me jiyaĝa'u jo'ne ja 'noe'n, nataq'aen oquitapegue' joñe'me payac lepaqal jo'ne nejaliaĝatelo'te yemeda gaa'me payagodipi, nach'eñe jo'ne 'yañaqate't jogaa'me ja p'iida'a joñe'me Dios.

Efesios 2:2 Referans Kwoze

Efesios 6:12

Cha'aye qomi' saishet da seloquiaqtapegue' ca shenaqta'am shiỹaxaua, nachaqnata nam saq cha'api maye qauemaicpi hueto'ot na piguem, nam damaxasoxonapecpi, 'añaxaicpi maye ỹamaqpec nam huetaigui na napalaxa.

1 Juan 5:19

Saỹatenaqta da qomi' lalamaqa'ate Ñim Lo'onatac 'Enauacna. Qaq nam laỹepi shiỹaxauapi maye huetalec ana 'alhua qalaq 'enauac hueto'ot da la'añaxac so pa'aguenataxanaxaic.

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Juan 12:31

Nagui mashe ivita ye laloqo' da Ñim Lo'onatac 'Enauacna nmit na huetalec ana 'alhua, qataq da ỹamaqauec som damaxasoxonapec ana 'alhua.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

Efesios 4:22

Qaq ỹoqo'oye 'onaxaic da saishet da qoviitaigui huo'otaq qavi'eguelaqaỹa da togoshec qarataxaqui, dam qauem lqopitaxanaqtaic co'ollaxa da qarapachiỹaxaqui maye ỹauectac da qanachaalataxaqui.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxaye Ñim Lo'onatac 'Enauacna mashe qami' ichoxore'n qataq qami' iqui'itaxatte', qataq mashe qami' lalamaqa'ate. Qaq 'enauac de'era chegoqchigui So Qarataxala' Jesucristo qataq So Saqcha'a La'añaxac Ñimaye.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

1 Juan 5:4

Qaq ỹoqta 'eesa da 'enauac nam llalaqpi Ñim Lo'onatac 'Enauacna, namayepi nauec nam qauemsat maye huetalec ana 'alhua, qataq 'enauac nam pi'iỹa'a So Jesucristo, namayepi dauegaxan.

1 Juan 3:10

Qaq qomi' ishet da sauattonaq negue't ca llalec Ñim Lo'onatac 'Enauacna, qataq negue't ca llalec so pa'aguenataxanaxaic: nam llalaqpi so pa'aguenataxanaxaic, nachena nam saishet da ỹaỹamaxaren da ỹo'ot ca ỹaỹamaqchiguiñi qataq saishet da ỹauotec ca lỹa.

1 Pedro 1:14

Qami' co'ollaxa da saxanaxa da qauauattoñi da no'on na'axaỹaxac maye na'aqtaguec So Jesucristo, nache qauo'ocheetac 'enauac nam qauem maye maiche qoñiitapeguec. Qalaxaye nagui iuen da imauec da qaualaqaiguet Ñim Lo'onatac 'Enauacna qoñiita'am ca ñalaqpi maye laxaraicpi.

Apocalipsis 20:2

Qaq se'eso namaxashec, somaye loxonec so shiguiỹac maye 'eeta'am na na'araxanaq som la'atchiguiñi, maye ỹo'ot co'ollaxa da qauem somaye le'enaxat nataqa'en da pa'aguenataxanaxaic, nache icoñerai' mil vi'iye.

1 Juan 4:4

Qami' ỹalqolqa, qami' lalamaqa'ate Ñim Lo'onatac 'Enauacna qaq mashe sogote da qoroxoñiqui ne'ena tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna, cha'aye Ñimaye nache 'eetai' da qami' hueta'agueta, qataq ỹactec da la'añaxac, napacalec da la'añaxac so npa'aguenaxaua.

1 Pedro 4:3

Cha'aye mashe qalote' soua na'axa'te da qauo'ocheetac nam qauem maye ỹo'ottac nam saishet da ỹa'amaqten Ñim Lo'onatac 'Enauacna. Se'esoua na'axa'te qami' qoviitaigui nam ỹotta'a't namanaxanaqtaiguesat, qataq na qauem nqopitaxanaqtaiguesat, qataq qami' taxaiqa, qataq qaualliquiitaua'a na naponaxacpi maye ishet da huaigui da qaỹo'ot ca qauem, qaq dam ỹataqta ỹactec da qauem maye qauo'ocheetac, nachera dam qanatamñeetacot na ne'enaqtacpi maye saq 'en.

Colosenses 1:21

Qaq qami' co'ollaxa 'eeta'am da ỹaqa'a ca qauachegoqỹa'ague qataq ỹataqta npa'aguene' Ñim Lo'onatac 'Enauacna da qarquiyaqteỹaxaqui, souaxat nam qauo'ocheetac sa ỹaỹamaxañisat,

Gálatas 1:4

So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

1 Corintios 5:10

Saishet da sheetega da ỹataqta imauec da sa qaualliquiiguet 'enauac nam saishet da 'amqaanataxanaxaicpi maye quisheguetaxaicpi, huo'otaq mataxalaic, huo'otaq cachaxaic, huo'otaq nam natameetacot na ỹaqa'api maye saq 'en qataq choche ne'enaqtacpi. Cha'aye da nache qoñiitec de'era, nache 'eeta'am da mashe qoquiỹa'ai ana 'alhua.

Hechos 5:3

Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

Juan 15:19

Na shiỹaxauapi qami' ỹauoteque da qoñiita'am namayepi da lataxac. Qalaxaye qami' saishet da qoñiita'am namayepi, cha'aye qami' lleca'aua'alo da yaqto' saishet da qoñiita'am da lataxac namayepi, ỹoqo'oye ỹataqta saishet da qami' iuote'n.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Isaías 30:1

Qaq Ñim Nataxala' 'eeta': «¡Choxoraxaso' nam ñalaqpi maye saỹalaq, nam aỹem saipacapegue' naxa da huo'o na lapaxañi da ỹo'ot, qataq iqataxanai' da lapaxañi nam saishet da samaxalec, nache ỹataqta lapootasheguem na lasouaxashetpi!

Da na'aqtaguec so Job 1:7

Nache Ñim Nataxala' inato' somaye, 'eeta': «¿Hua'ague ca 'auachegoqta'ague?» Nache som Pa'aguenataxanaxaic, 'eeta': «Qomye secoleetapeguelec naxa 'enauac ana 'alhua.»

2 Pedro 2:14

Ne'ena ỹalleppi saishet da choche ilota'a aca 'alo da huo'otaq sa iyaqa'a da hue'eguet, qataq saishet da nasamiisop da ỹo'ottac na qauem. Qataq ỹatenachettac nam saxanaxa da da'añi da lpi'iỹaxac So Cristo, qataq ỹataqta saishet da nqalat da datenataxan da yaqto' nqat aca anom. Ne'ena shiỹaxauapi namayepi Ñim Lo'onatac 'Enauacna ỹauo'o ca nhuaxanaguec qome; ¡qaq damaye ỹataqta saishet da qaiqoleguet!

Juan 13:27

Qaq co'ollaq lcopa'a da ỹaconeguet so laỹe aso nauole so Judas, nache so pa'aguenataxanaxaic taigui da lquiyaqteỹaxac somaye. Nache So Jesús 'enapego', 'eeta': –'Am Judas, 'auỹalapegue' dam huotaique da 'auo'ot.

Juan 13:2

Qaq so pa'aguenataxanaxaic mashe sogote da ỹachaigui da lquiyaqteỹaxac so Judas Iscariote, da lhuennataxac da yaqto' ỹaneuo So Jesús. Qaq So Jesús, Somaye ỹaỹateeta da chegoqtot Ñim Lo'onatac 'Enauacna, qataq ỹaỹateeta da ỹe'eguelaxa Ñimaye, qataq da Ñim Lta'a ỹanem Somaye 'enauac da la'añaxac. Nache co'ollaq mashe deque'etacpi somayepi, nache So Jesús nachaañi, nache nqat so lapo', qataq nsaachigui so pilotaxat hualoq laỹe.

Juan 8:23

Nache So Jesús ỹataqta ỹa'axatta da 'eetega, 'eeta': –Qami' 'etaxaloxoicpi, qoñiita'am 'enauac na huetalec ana 'alhua. Qalaxaye Aỹem saishet da ima' ana 'alhua, cha'aye Aỹem sachegoqta'ague da piguem.

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Mateo 13:38

Qaq som nanaxanaqa', qalaq nachena nam shiỹaxauapi maye netalec ana 'alhua. Qaq aso no'on nañiguishe maye ala na trigo, qalaq nachena nam shiỹaxauapi maye huetaigui da lo'onataxanaxac Ñim Lo'onatac 'Enauacna. Qaq aso huoue maye le'enaxat cizaña, qalaq nachena nam ỹalaxaguet so pa'aguenataxanaxaic,

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

1 Juan 3:8

Qalaxaye ca saq ỹet da ỹo'ot ca qauem, nache camaye nauochaxaua so pa'aguenataxanaxaic, cha'aye so pa'aguenataxanaxaic, nache 'eetai' da lle'etaxaloxo, chegoqchiguiña co'ollaq Ñim Lo'onatac 'Enauacna ñaq cheta'ague da ỹo'ot ana 'alhua. Qaq nachera da huo'omshe anaỹa ana 'alhua som Llalec Ñim Lo'onatac 'Enauacna: da yaqto' ilaxachigui 'enauac nam ỹo'ottac so pa'aguenataxanaxaic.

Santiago 1:7

Na shiỹaxauapi maye saishet da taiguet da qaipi'iỹa'a qataq saishet da ỹaỹaten da ỹauo'o ca no'on lasataxac, namayepi qaica qome ca ỹaconeguet da ỹachegoxoto'ot So Qarataxala'.

2 Timoteo 4:10

Cha'aye so Demas aỹem ca'ai, souaxat da lqopiche da 'onataxac lma'na, nache nqochena ye nỹecpi ye Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Hechos 19:35

Nache som leraxanaxanec soua nataxala'ate maye ilotague' nam netaña se'eso nỹecpi, co'ollaq ỹañoxot da nañaxaañi naqa'en so shiỹaxauapi, nache 'enapeco': –Qami' ỹalleppi maye qarmaye na Éfeso. Qami' qauaỹaañi da 'enauac na shiỹaxauapi ỹaỹaten da na Éfeso, nachena na ilotague' ñi lauo' añi qarate'e Artemisa, qataq ñim ne'enaqtac lqui'i maye chegoqo'ot co'olloxocheye na piguem.

Lucas 22:31

Nataqa'en 'enapeco' So Jesús: –Simón, Simón, maxatchaxa, ten so pa'aguenataxanaxaic mashe iỹaxanot Ñim Lo'onatac 'Enauacna qataq mashe qoỹami' da qami' ỹe'egue'n, huotaique da 'eeta'am naqa'en qami' na trigo da ichegoq.

Lucas 16:8

Huaña, nache so 'aco' saishet da iqoleguet da se'eso lhuataxanaxanec maye qauem, somaye ỹataqta sa nqalat da huo'o ca ỹo'ot. Qaq 'era da 'eetec nam ỹauotec nam huetalec ana 'alhua, namayepi ỹataqta sa nqalat da huo'o ca ỹo'otec ca lỹa, qaq saq 'ena'am nam huetaigui na yo'oqchiguiñi.

Mateo 11:19

Ime, qataq ñevi' Aỹem Shiỹaxaua Llalec, qaq seque'etac, qataq ñeỹomtac, nache qami' qoñiitega da Aỹem quia'aqchaqaic, Aỹem taxaic, qataq ñauochaxaua nam ỹacootapeeguet ana nsheetenaqte ca nta'a. Qalaxaye qantooñita'ac da na'aqtac naxa maye, 'eeta': Ca naỹaanec da ỹoqta 'eesa da chegoqo'ot Ñim Lo'onatac 'Enauacna, camaye yo'oq cam chegaqaigui qataq ỹataqta no'on.

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.

Isaías 57:4

Qaq ¿negue't cam qavi'iñiitac qami'? ¿Negue't cam qauachaxañiỹa da qare'enaxanaxaqui? ¿Negue't cam qauachaxañiito'ot ñim qarachaxachi? Ye qami' llalaqpi da ñe'etaxaloxo qataq qami' tenataxanaxaicpi,

Salmos 17:14

'Aurolec qome da 'ara'añaxac, 'Am Nataxala' da aỹem 'anca'alaxateeguesop namayepi, qataq ca'ai 'anqa'en ana'ana 'alhua maye nhuanaua'a de'era nachaalataxac. Ỹoqo'oye 'aua'axaỹa'a qome namayepi da yaqto' qalota da lsallaxa, qataq da ỹataqta icoma' na llalaqpi da deque'etac, qataq da ivirauga 'anqa'en da lquia'axac ca laualpi.

Da na'aqtaguec so Job 31:7

Da huo'otaq sheca'ai da no'on ñecỹaxac, qataq da iquiyaqteỹaxac da quegue da maiche imeenaxanaxac, huo'otaq da naua ihua'q huetaiguilo na qauem,

Apocalipsis 16:17

Qataq jec so pa'atec soua siete namaxa'she piguem lashe' da icorelec na pa'asheguem so huetagui aso ỹomaxaqui, huaña, nache chegoqoolec aso so'onaxaqui maye netaña aso no'onaxanaxaqui late'erai so nvilỹaxac ỹataqta alam, 'eeta': «¡Mashe sogote da ime!»

Apocalipsis 13:14

Qaq se'eso shiguiỹac leguemaxaic ỹatenachet na shiỹaxauapi da chegoqchigui naqa'en nam ỹo'otpi maye saq qaỹauanapega da do'onataxaatega da na'añaxac maye ỹachegoxoto'ot so hua'auchiguiñi shiguiỹac leguemaxaic. Ime, nache ỹamaxalec da ỹo'ot ca le'enaqtac maye lqui'i so hua'auchiguiñi shiguiỹac leguemaxaic, som huo'o co'ollaxa so lta'araic lque'emaxa, que'emaxam so ỹeelonec, qalaxaye saishet da ilem.

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

Oseas 10:9

Ñim Nataxala', 'eeta': «Na Israel le'ecpi saishet da ỹaxaañi da ỹo'ottac nam lasouaxashetpi, chegoqta'a co'ollaq huaña ye Guibeá da ỹo'ot namayepi. ¡Qaq nache saq ỹaxanec da ỹo'ottac namayepi! Ỹoqo'oye que'eca alaataxac ique'elaxat qome ne'ena 'etaxaloxoicpi qom huaña ye Guibeá.

Da na'aqtaguec so Job 1:19

Nache nque'elaxatta da anac so la'at lta'araic, chegoqteuga so toolec 'alhua, nache ỹalolaxaañi so nỹec, nache ipa'axaañi so 'aỹa'alaqpi, nache 'enauac somayepi da nmichiguiñi da ileu. Qaq nachaỹemta da ñeca'alec, nache ñanac da 'am sa'aqtaxanem.»

Da na'aqtaguec so Job 1:16

Qaq co'ollaq ñaq saxanaxa da imat da la'aqtaxanaxac se'eso ỹale, nache nvireuo so lỹa, nache da'aqtaxan, 'eeta': «Nhuaxanaxaañi aso qasoxonaxa, nache nmichiguiñi da ileu naqa'en aso qaguetapi qataq so lo'opi. Qaq nachaỹemta da ñeca'alec, nache ñanac da 'am sa'aqtaxanem.»

Mateo 13:22

Nataqa'en huo'o aso nañiguishe ala maye tatelec so lañaxataqa' ana ỹaxat. Qaq asa'aso nañiguishe ala naigui nam shiỹaxauapi maye na'axaỹaxaatega da na'aqtac, qalaxaye saishet da naralaxat da lataxac. Nachaqrata da iuennatega nam lhuenaxanaxapi qataq cam 'eetec da yaqto' ivira'a da sallaxanec.

Marcos 4:19

qalaxaye saishet da hua'aqta'a damaye da naralaxat da nachaalataxac. Nachaqrata da iuennatega nam yo'oqchigui lhuenaxanaxa, da qanauec aca anom, qataq da 'eetec da iqopitaxaatac da nachaalataxac.

Efesios 1:21

da yaqto' nataỹaña naqa'en 'enauac nam 'añaxaicpi, damaxasoxonapecpi, nta'alpi, nataxala'pi maye hueto'ot na piguem, qataq 'enauac nam ishet da huo'o ca qaỹamata'ac le'enaxat, nagui nam souaqtaiguilo na'axa'te, huo'otaq cam ñaq natauo.

Efesios 2:11

Nam judiopi da qami' iỹaxanalo qalaq, 'eeta': «Nam qaica ca na'anaxashet», qaq namayepi nloola't, 'eeta': «Nam huo'o na na'anaxashet», cha'aye namayepi ỹo'ot na la'anaxat na lo'oc. Qami' saishet da qami' judío lashe', ỹoqo'oye iuen da qauennachiỹa'a co'ollaq saxanaxa da qauacoñiiguet So Cristo qataq saishet da qaualliquiitaigui na Israel le'ecpi. Qataq saishet da qaualliquiiua'a da naỹamaxataxac qataq na ỹachaxanapec Ñim Lo'onatac 'Enauacna maye ỹo'otec na lalamaxatpi. Qataq qoviitalec co'ollaxa ana 'alhua qaica ca qanaquitaxaqui qataq saishet da qauauattoñi Ñim Lo'onatac 'Enauacna.

Efesios 2:13

Qalaxaye qami' maye qami' qaỹoqtalo co'ollaxa Ñim Lo'onatac 'Enauacna, mashe sa qami' qaỹapigui nagui Ñimaye, cha'aye mashe qana'ayeetaua'a So Cristo chegoqchigui da l-leuaxa co'ollaq qaiuaxaneguet so npe'enaxaqui.

Efesios 4:17

Qaq cha'aye aỹem ña'attaua'a So Qarataxala', ỹoqo'oye qami' shenapegalo qataq qami' seqatalo da saishet da qoñiita'am da lataxac nam saishet da ỹauatton Ñim Lo'onatac 'Enauacna, cha'aye namayepi quetegueto naua qauema lhuennataxaco maye qaica ca naiguilo.

Efesios 5:8

Cha'aye da sa qaỹauatton Ñim Lo'onatac 'Enauacna, nache damaye 'eeta'am da qanayeetaigui na napalaxa. Qami' co'ollaxa qoviitaigui na 'eco' napalaxa, cha'aye saishet da qauauattoñi Ñim Lo'onatac 'Enauacna. Qalaxaye nagui qami' mashe qauauattoñi Ñimaye, nache qoviitaigui na yo'oqchiguiñi. Qaq ỹoqo'oye qami' ỹataqta qaupaquiichigui qome da lataxac cam ỹataqta ỹauattoota Ñimaye,

Santiago 1:27

Da qaỹa'amaqten Ñim Lo'onatac 'Enauacna maye Nta'a, nache iuen da qaỹauo'o ca ntonaxac Ñimaye qataq qaỹo'ot ca ỹaỹamaqchiguiñi. Qaq damaye 'eeta': qaitauan ana pa'aipi qataq nam qaicaua caua lta'al maye huo'o da nque'eenaxac, qataq saishet da qanasheneuo da dauegaxan na qauemsat maye huetalec ana 'alhua.

Levítico 11:16

mañec, chiyet, taqaqole, qataq ana ỹotta'a't qoỹo nỹec lashole,