Efesios 2:17 - La'aqtaqa Ñim Lo'onatac 'Enauacna 2013

¹⁷ So Cristo anac co'ollaxa da ỹa'axatem 'enauac na shiỹaxauapi da no'on na'axaỹaxac maye ỹo'ot da nlagaxayec, qaq ivirauga na saishet da judiopi maye qaỹoqta co'ollaxa Ñim Lo'onatac 'Enauacna qataq nam judiopi maye saqaỹapeque Ñimaye.

Nuevo Testamento Toba Sur

¹⁷ So Cristo anac da i'axatem 'enauac na shiÿaxauapi da no'on qad'axaÿaxac mayi i'ot da nlagaxa, qaq ividauga da qoñiita mayi sa ishit da qami' judío lashi' qataq nam judío l'ecpi.

Nuevo Testamento Toba Sombrero Negro

¹⁷ Cristo naequena ca'li qama'le 'yaĝatetac da'me 'naqataĝanaĝac jo'ne onaĝaic chiyaqayi da'me 'nemaĝac, jo'ne yemata'a'ajalo jogaa'me ja judiopi, jo'ne ca'li ja yateto'n joñe'me Dios, nataq'aen jogaa'me judiopi jo'ne joote yateto'n ca'li joñe'me.

Efesios 2:17 Referans Kwoze

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Romanos 5:1

Ñim Lo'onatac 'Enauacna qomi' ỹaỹamaxareete' cha'aye souaxat da huo'o da qarpi'iỹaxac Ñimaye. Qaq damaye chegoqchigui So Qarataxala' Jesucristo. Qaq ỹoqo'oye nagui huo'o da qarlagaxayec da sonaqto'ot Ñim Lo'onatac 'Enauacna.

Salmos 148:14

Ñimaye ỹanem co'ollaxa da la'añaxac na lalamaxat nhuo' le'ecpi. Qaq ñaq ỹo'oxoren qome 'enauac na pe'etegapi Ñimaye, na Israel le'ecpi maye sa iỹotaique Ñimaye. ¡Qaỹo'oxoren qome Ñim Nataxala'!

Deuteronómio 4:7

Cha'aye ne'ena ỹotta'a't shiỹaxauapi 'amaqtaqaicpi, ¿negue't ca sa qaỹapeque naxa ca natamnaxala'pi, da 'eeta'ama qomi' da sa qaỹapeque naxa da ñatamnaqot Ñim Nataxala' maye Qanatamnaxala'?

Zacarías 9:10

Qaq namaye ilaxachigui qome ana nnaigonapi ye Ifraín, qataq na lalopi caipi na Jerusalén, qataq na checnecpi maye lo'o da alaataxac. Nache ỹa'axatem da nlagaxayec 'enauac na ỹotta'a't shiỹaxauapi, qataq da lo'onataxanaxac ilo'ogue 'enauac ana auaxaipi, chegoqchiguiña ye Éufrates, nache ivitta'a ca ỹataqta pa'atec ana 'alhua.

2 Corintios 5:20

Qaq ỹoqo'oye nache qomi' la'aqtaxanaxanaqa So Cristo, qaq chegoqchiguilo naqa'en qomi' Ñim Lo'onatac 'Enauacna da 'eeta'am da qami' ñachoxorenaqtoiguilo. Qaq chegoqchigui So Cristo da qami' ñachoxorenaqtoiguilo, shenaqta': qanmañi' qome Ñim Lo'onatac 'Enauacna.

Isaías 52:7

¡Maye sa no'onolec da qailota'aguet da nactalec ana qasoxonaxapi cam nachetac da no'on na'axaỹaxac cam ỹa'axatec da nlagaxayec, qataq ỹa'axata'a da qaisouec na shiỹaxauapi qataq 'enapega na Sión, 'eeta': «Ñim 'Anatamnaxala' nacheñi Nta'a!»

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Mateo 10:13

Qaq cam lalamaxat que'eca nma', da huo'otaq ỹaconeguet, nache qano'onaxachiỹa'aguet de'era qarquinaxanaxaqui maye naigui da nlagaxayec. Qalaxaye da saishet da ỹaconeguet, nache qami' saishet da huo'o ca qarasouaxashechi.

Isaías 27:5

Qaq da ỹauotaique da ñepaxattalec nache iuen da aỹem nmane'. Aja', iuen da aỹem nmane'.»

Salmos 85:10

Da nauotaxanaqtaic qataq da 'eesa lataxac nauana't qome, da nlagaxayec qataq da nalochiguiñi lataxac qalaq napigoqtega't qome.

Salmos 75:1

'Am sanaxam da qana'achec 'Am Atamnaxala', 'am sanaxam da qana'achec, cha'aye sa qaỹapeque da 'are'enaxat qataq so'onaqtac da 'ayo'oxoyec, maye ỹo'ot da na'aalaxa.

Romanos 10:14

Qalaxaye ¿ca 'eetec ca lataxac da qaiỹaxanot Ñimaye, da huo'otaq saishet da qaỹa'amaqten? Qataq ¿ca 'eetec da qaỹa'amaqten Ñimaye, da huo'otaq saishet da qaỹa'axaỹa da qaỹa'axattac? Qataq ¿ca 'eetec da huo'o ca ỹa'axat cam na'aqtaguec So Cristo?

Efesios 4:21

cha'aye qami' qaua'aqaichigui da na'aqtaxanaxac maye ỹa'axat Somaye qataq qauaỹaañi da qoviitaigui da lamaxasoxonaxac qataq qoquiitague' da 'eesa, maye qami' ỹapaxagueneque Somaye.

Lucas 15:8

Qataq aca 'alo da huo'otaq hueto'oto caua diez anomio'ole lca'achole da huo'otaq deqat aca 'oonole, qaq ¿peta'a saisheto' da ỹegueua'a aca lcoỹaraxanaxaqui, ime, qaq ỹataqta huo'o da ltelaxa da iqueloc ca lma', choche ivitta'a da ỹanata?