Efesios 2:15 - La'aqtaqa Ñim Lo'onatac 'Enauacna 2013

¹⁵ Cha'aye So Cristo nlaxaañi da lamaxasoxonaxac na nqataxacpi qataq nache chegoqchigui Somaye da se'eso sa nhuoona't nhuo' le'ecpi ivira'a da auochaxauapi.

Nuevo Testamento Toba Sur

¹⁵ Cha'ayi so Cristo nachida da maichi l'oquiaxac da chigoqchigui da imeuo naq'en 'enauac da lapaxaguenataxanaxac na nqataxacpi. Ime, nachi ÿauaxaÿaxanguet na judiopi qataq na sa ishit da judiopi da 'eeta'am ca dalaxaic nhuo' l'ecpi, qataq da n'attau'a naq'en somayi. Qaq 'eda da 'eetec somayi da i'ot da qadlagaxayic.

Nuevo Testamento Toba Sombrero Negro

¹⁵ Cristo male yaloĝon da'me 'noota ta'le qoyaĝañi jaga'me judiopi lamaĝajoĝonaĝac lae't, 'noota qom ja qoya'uo yema joga'me uetalegue jaga'me, qama'le ena'am ta'le en tayi da'me naajo' dos noyaqa male yataqata e'n naqaya' jo'ne uetedaue da'me 'nemaĝac.

Efesios 2:15 Referans Kwoze

Colosenses 2:14

Nache Ñim Lo'onatac 'Enauacna ỹapalaxat aso qaravigaxaiste maye saqalanaqtac qataq ỹo'ottac da qanhuaxanaguec, ỹachegoxotchigui da l-leuaxa So Cristo co'ollaq qaiuaxaneguet so npe'enaxaqui.

Gálatas 3:10

Qaq ỹoqo'oye huetalec da lta'araic lchec nam huotaique da ỹachegoxotchigui da ỹalaxalec na namaxasoxonaxacpi da huotaique da ỹaỹamaxareeta Ñim Lo'onatac 'Enauacna, cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Ỹataqta qauem qome ca talec nam saishet da ỹalaxalec na namaxasoxonaxacpi.»

Hebreos 8:13

Qaq Ñim Lo'onatac 'Enauacna da huo'omshe qomi' detaqtegalo da naralaxat ca naỹamaxataxac da qomi' naỹamaxatto, qaq damaye 'eeta'am da Ñimaye ỹamata'ac da mashe togoshec so hua'auchiguiñi naỹamaxataxac. Qaq som ỹamata'ac da mashe togoshec qataq qaica ca naigui, somaye nayeeta'a da imeuo.

Colosenses 3:10

Qataq nagui mashe dalaxaic da qoviitaigui qarataxaqui. Ỹataqta 'eesa da qami' shiỹaxau' dalaxaiqa, qanquiquiita'aguet da qoñiỹa'am Ñim Lo'onatac 'Enauacna maye maiche qami' lo'onataqa qataq nquictauec da ỹataqta qauauattoñiita Ñimaye.

Colosenses 2:20

Qaq 'eesa da qami' qana'ayeetaua'a So Cristo, chegoqchigui da l-leuaxa co'ollaq qaiuaxaneguet so npe'enaxaqui, qaq ỹoqo'oye mashe saishet da qami' ilatta'ape nam saq cha'api maye ilotague' ana 'alhua. Qalaxaye ¿ta'ainco' da qarataxaqui da 'eeta'am da ñaq qoviito'ot da la'añaxac namayepi? ¿Ta'ainco' ye qaualaqaitapeeguet naxa nam 'eeta' da la'aqtac:

Gálatas 6:15

Cha'aye ỹoqta 'eesa da sa iuen da huo'o ca na'anaxashet ca shiỹaxaua huo'otaq qaica. Cha'aye dam ỹataqta iuen ca shiỹaxaua, damaye nachera da dalaxaic lataxac

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

Efesios 4:16

Qaq nacheso So Cristo som na'atta'a't naqa'en na 'amqaanataxanaxaicpi, qaq ỹoqo'oye ñi 'oonolec ne'ena na'atta'a'tpi ỹataqta cam lo'onataxanaxac, qataq 'enauac namayepi nacoota't yaqto' na 'amqaanataxanaxaicpi nquictasheguem da lañaxataxac qataq da la'añaxac souaxat da lsoxoyec.

2 Corintios 5:17

Qaq nagui da ña'araqtaua'a So Cristo, nache dalaxaic da qarataxac. Qaq Ñim Lo'onatac 'Enauacna mashe saishet da tatapigui ye lauel so togoshec qarataxac, nachaqrata da naralaxat da qarataxac. Qaq 'enauac de'era maiche chegoqo'ot Ñimaye. Qomi' co'ollaxa ỹataqta ñepa'aguenaqtague' Ñim Lo'onatac 'Enauacna, qalaxaye nagui chegoqchigui So Cristo da qanauochaxaua Ñimaye qataq qomi' ipataxaleguete da sa'aqtaxanaxam 'enauac na shiỹaxauapi da no'on na'axaỹaxac. Qataq chegoqchigui So Cristo da Ñim Lo'onatac 'Enauacna ỹapalaxat na qarasouaxashetpi qataq ỹo'ot da lactapegue' 'enauac na shiỹaxauapi.

Hebreos 7:16

Somaye huaỹoqtec da lataxac, cha'aye saishet da nca'aguishec da chegaqaigui ca 'oonolec nhuo' le'ecpi, nachaqrata da souaxat da Somaye chochaq tatec da lca'alaxa.

Hebreos 9:23

Qaq ỹoqo'oye iuen da qaỹalauat se'eso shiguiỹac da yaqto' qaiqui'itaxat 'enauac na huetaigui ñi npe'l maye lqui'i ca hueta'ague da piguem. Qalaxaye ca hueta'ague da piguem iuen cam ỹataqta ỹactec da lyac, napacalec ca nachetaqtaxanaxat shiguiỹac maye qaỹavigaxatta.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Efesios 2:10

Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Efesios 2:14

So Cristo nacheso so qomi' ỹanema da qarlagaxayec. Chegoqchigui da nque'eenaxac Somaye co'ollaq qaiuaxaata'aguet so npe'enaxaqui da ilaxachigui so npaqtaxanaxat maye nachera da nquiỹaxanaqtaic, maye ỹo'ot da na judiopi sa nhuoone' nam saishet da judiopi. Qaq nagui ne'enaua dos, Somaye ỹo'oteguet da 'enauac da nhuo' le'ecpi.

Efesios 2:16

Chegoqchigui da l-leuaxa So Jesucristo co'ollaq qaiuaxaata'aguet so npe'enaxaqui, da Somaye ỹa'axaneguet da pa'aguenaxac maye huetaiguilo se'esoua nhuo' lashe'. Qataq l-llatcheguem se'eso pa'aguenaxac co'ollaq qaiuaxaneguet so npe'enaxaqui Somaye, ime nache ỹauaxaỹaxana't da yaqto' 'enauac da nhuo' le'ecpi qataq huetaigui da lactapiguiñi, cha'aye hueto'ot Ñim Lo'onatac 'Enauacna.

Colosenses 3:11

Qaq damaye saishet da huo'otaq nachera da yo'oqchigui da judío le'ec huo'otaq da saishet, huo'otaq ca huo'o ca na'anaxat na lo'oc huo'otaq ca qaica, qataq ca ỹaqa'a ca chegaqa'ague, huo'otaq nam sa naỹamaxatapec, huo'otaq ca nlatac huo'otaq ca sa nlatac. Cha'aye So Cristo nachaqsota 'oonolec imata, qataq hueta'aguet 'enauac na shiỹaxauapi.

Colosenses 3:15

Qami' qaiỹaxanalo da qana'ayeetaua'a da 'oonolec no'ocỹaxac, dam lo'ocỹaxac So Cristo. Qauaqaita'a da nlagaxayec maye chegoqo'ot So Cristo da ilo'ogue da qarquiyaqteỹaxaqui, qataq qantoñiitapeguec.